Page Text
________________
१८६
सिरिवम्मकुमारचरियं
तेसि मज्झाओ दोन्नि आगया संति दारदेसम्मि । को आएसो तेसि वयइ निवो लह पवेसेहिं ।।५९६४।। रायाएसाणंतरमेव तओ ते पवेसिया तेण । नमिऊण निवं उचियासणेसु तह सन्निविट्ठाय ।।५९६५।। उक्खिविय भूविभाएण पुच्छिया ते निवेण जपति । देवाएसेण इओ वामणसामी य अम्हे य ॥५९६६।। निवसूरपालपासे गया पुरो तस्स कहियमम्हेहिं । देवाइट्ठ कज्जं तेण वि सम्माणिया अम्हे ।।५९६७।। तत्थ ठिया बहुदियहे अन्नम्मि दिणे इहा गमणहेउं । अणुजाणावणकज्जेण अप्पणो तस्स, नरवइणो ।।५९६८।। पासम्मि गया अम्हे अत्थाणगयस्स उचियपडिवत्ति । काऊणं उवविठ्ठा खणं च संभारिया रन्ना ।।५९६९।। तो दूसलस्स पुरिसा निओइणो सूरपालरायस्स । संपत्ता पडिहारेण सूइया तक्खणे तत्थ ।।५९७०।। काऊण पणामं नरवइस्स पायाण अग्गओ तेहिं । मुक्का दूसलपेसियविन्नत्ती भुज्जपरिलिहिया ।।५९७१।। रायाएसेण य लेहएण गहिऊण वाइया एसा । तत्थ य लिहिओ अट्ठो निसुओ अम्हेहि एरिसओ ॥५९७२॥ नामेण वसंतसिरी वासवदत्तस्स निवइणो धूया। नरपुंगवनिवनंदणसिरिवम्मकुमारमणुरत्ता ।।५९७३।। चलिया सयंवरा सा समागया तुम्ह देसमज्झम्मि । वज्जाउहदेवीए पुरम्मि आवासिया अत्थि ।।५९७४।। तीसे य गहणहेउं हढेण पुत्तो महाबलनिवस्स । चउरंगविउलसेन्नेण संजुओ तुम्ह देसस्स ।।५९७५ ।। सीमाए संपत्तो नामेण सुदंसणो कयावासो । तस्स वसंतसिरीए जोयणद्गमंतरं अस्थि ।।५९७६।। सो य मए पडिसिद्धो सुदंसणो चिट्ठए दिणे कइ वि । इह अत्थे आएसो सिग्धं देवेण दायव्वो ॥५९७७।। विन्नत्तीए अट्ठ एवं सुणिऊण जाव सो राया । पच्चत्तरं करिस्सइ ताव पुणो दारवालेण ।।५९७८।। आगंतु विन्नत्तो काऊणं मत्थयम्मि नियहत्थे । जह देव! सुदंसणकुमरसंतिओ दारदेसम्मि ।।५९७९।। पत्तो चिट्ठइ दूओ इच्छइ देवस्स पेच्छिउं पाए। तो झत्ति पवेसेहि त्ति जंपिए सूरपालेण ।।५९८०।। पडिहारेण अणुमओ पविसेउं सो वि पणमिउं निवइं। विन्नत्तीए लेहं मुचइ पुरओ निवपयाणं ।।५९८१।। तह चेव वाइयम्मि तम्मि वि लेहे समागओ लिहिओ । एसो अट्ठो जं किर वासवदत्तेण नरवडणा ।।५९८२।। पडिवन्ना नियधया दायव्वा अम्ह जा वसंतसिरी । नामेण सा सयं पुण नरपुगवरायपुत्तम्मि ।।५९८३।। अणरत्ता सिरिवम्मे कुमरम्म तओ सयंवरा चलिया । पिउणो असम्मएणं संपत्ता तुम्ह देसम्मि ।।५९८४।। वज्जाउहदेवीए पुरम्मि आवासिया इमा अत्थि । एयमहं गिन्हिस्सं तुम्हेहि न रूसियव्वं मे ॥५९८५।। तुम्हे मह नियपिउणो महाबलाओ वि पूयणिज्जयरा । तेणाहं तुम्ह पुरो कहं कहावेमि एरिसयं ।।५९८६।। जइ पुण अन्नस्स निवस्स मंडले होइ कहमवि पविट्ठा । एसा तया न कस्स वि एरिसयमहं कहावेमि ।।५९८७।। गहिया होइ मए लहु अकहियवत्तेण एत्तियदिणेहि । एसा वसंतसिरिया ता एवं चितिउं तुब्भे ॥५९८८।। काऊण मज्झ उरि गरुयपसायं नियस्स तणयस्स। पेसह आएसं दूसलस्स जह सो मए द्धि ।।५९८९।। तुम्हाण विरोहं ने य आणए जायए य मज्झत्थो । सोऊण एयमढं अह जंपइ सूरपालनिवो ।।५९९०।। जुत्तं विन्नत्तं सव्वमेव एवं सुदंसणेणम्ह । किंतु विसंवाओ केत्तिओ वि इह अत्थि लेहम्मि ।।५९९१।। एयं सुदंसणेणं कहावियं आसि अम्ह पडिवन्ना । वासवदत्तेण इमा निय धूया मे वसंतसिरी ।।५९९२।। दूसललेहम्मि पुणो एवं न समागयं तओ एयं । परिभाविऊण सम्म वियरिस्सं उत्तरं तुम्ह ।।५९९३।। संपइ पुण आवासे वच्चह तुब्भे तओ समुछेउं । एए गया निउत्तो निवेण पुरिसो समंतेहि ।।५९९४॥ जो आवासपयाणाइगोरवं कारवेइ सव्वं पि । तेसि तो एक्केण सहानिविद्रुण पुरिसेणं ।।५९९५।। विन्नत्तो नरनाहो देव ! इमं किंपि सुब्बइ अउव्वं । जं किर सुदंसणो वि हु सविणयमेवं पयंपेइ ।।५९९६।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |