Page Text
________________
सिरिमुनिसुव्वयजिणिदचरियं
१७३
ता सिग्धं चिय देवि अणुन्नवेऊण आरओ एहि । एवं माहववयणं सोमसिरीए तओ गंतुं ।।५५६७।। कज्जलियाए कहियं दासीए तीए अक्खियं एयं । देवीए तीए वि हु विसज्जिओ झत्ति तो कुमरो ।।५५६८।। सो पणमिऊण जणि जयसम्मसमीवमागओ तुरियं । कुमरस्स अणुपएण वि देवी संपेसिउं दासि ।।५५६९।। निवमणुजाणावेउं तत्तो नियमंदिरम्मि संपत्ता । एत्थरम्मि रन्ना कहंतरं पत्थुयं मोत्तुं ।।५५७० ।। जयसम्मो परिपुट्ठो कुमरेणं कइकलाओ पढियाओ। सो कहइ सुत्तओ अत्थओ य सव्वाओ गहियाओ ।।५५७१।। करणेणं पुण थेवाउ चेव गमियाउ परिचयमिमेण । जासु न तहा किलेसो उप्पज्जइ को वि कायस्स ।।५५७२।। जज्झ निजज्झाइ कलाउ जाउ बहुकायपरिसमकरीओ। तासिं अब्भासो करणओ उ काही इमो इन्हि ।।५५७३।। गिन्हेइ पोढिमगुणं जाव सरीरं इमस्स कुमरस्स । एक्केण अहव देहि उ गएहिं संवच्छरेहि इमो ।।५५७४।। संजाइस्सइ जोग्गो जेण पविट्ठस्स लेहसालाए । जायाई पंचसंवच्छराई मासेण अहियाई ।।५५७५।। तह अट्ठवरिसजम्मो आसि तया तो इमेहि मिलिएहि । संवच्छराइं तेरस हवंति एयस्स इन्हि तु ।।५७६।। अन्नाइं वि दोन्नि जया गमिही संवच्छराइं तो एसो। पन्नरसवरिसजम्मो सव्वायासक्खमो होही ।।५५७७।। अह नरपुंगवराया आह जहा विमलमइ जुयस्सा वि । इयरजणस्सावेक्खाए ताव सिरिवम्मकुमरेण ।।५५७८।। सिग्धं चिय गहियाइं कलाण सव्वाण चेव सत्थाई । किं तु जह लेहसत्थं छम्मासेहिं वि गहियमिमिणा।।५५७९।। तीए अवेक्खाए सेससत्थगहणं चिरेण कालेण । कुमरेण कयं मम ताव एरिसं फुरइ चित्तम्मि।।५५८०।। तुम्हाण वि किं एवं पडिहासइ अह ममेव एगस्स । इय जंपियम्मि रन्ना जयसम्मो वयइ तो एवं ।।५५८१।। एयस्स असत्तोए कालविलंबो न को वि संजाओ। कारविओ अज्झयणं सविलंबमिमो मए चेव ।।५५८२।। देहस्स अक्खमत्तं सिग्धकला गहणओ य चक्खुभयं । एयस्स संकिऊणं कालविलंबो मए विहिओ ।।५५८३।। कुमरस्स दंसणत्थं पुद्वि तुब्भे इहागया जइया । तइया उ सद्दलक्खणमेवासि परिफुडमिमस्स ।।५५८४।। तत्थ परिक्खा चिट्ठइ पुव्वं पि कया इमस्स देवेण । इन्हि तु कव्वसत्ति परकय कव्वस्स बोहं च ।।५५८५।। देवो परिक्खओ तओ कीरइ एवं ति जंपिउं रन्ना । भणियं कुमारहारं कंठगयं मज्झ वन्नेहि ।।५५८६।। छंदेणणुठ्ठहेणं लहुण च्चिय ताव सक्कयगिराए । आएसो त्ति भणंतो कुमरो कव्वं भणइ झत्ति ।।५५८७।। हारोयं ज्ञापयत्येवं, देवत्वदुरसिस्थितः । सवृत्ताः सद्गुणामुक्ता वसंति हृदये तव ।।५५८८।। कसिणट्ठमी दिणससि दसेऊणं नहम्मि नरनाहो । भणइ पुणो वि कुमारं किं चि वि गरुएण छंदेण ।।५५८९।। वन्नेहि इमं पि तओ कुमरो पुच्छेइ काए भासाए। राया आइसइ जहा पुव्वाए चेव भासाए ।।५५९०।। छंदतरं निय मणे चितऊणं खणंतओ कुमरो । सिग्घं पि भणइ कव्वं एगग्गमणे निवाइजणे ।।५५९१।।
नरेन्द्रशुभ्र ण यशोभरेण जितद्युतिः सन्नतिलज्जितः शशी ।
न चेदिदं तकथमुज्वलेऽहनि प्रकाशयत्येष न कान्तिमात्मनः ।।५५९२।। तो रंजिएण रन्ना भणियं अम्हेहि नो अलंकारो। निद्दिट्ठो को वि इमस्स पढमअब्भासकारिस्स ।।५५९३।। तहं विसयं कुमरेणं सालंकाराइं दोन्नि वि कयाई। कव्वाइं इमाइं जओ पढमे कव्वे अलंकारो ।।५५९४।। भणियो सिलेस नामो दुइज्जए पुणणुमाणनामो य । तो अइदुक्करमेयं कीरते सिग्घकव्वम्मि ।।५५९५।। पढमं चिय अम्हेहि अस्थं एयस्स निहिसंतेहिं । आसि इमं विनायं जं एसो चिंतिऊण चिरं ।।५५९६।। छंदप्पूरणमत्तं करिस्सए जेण दुक्करं ताव । छंदरहियं पि मोक्कलसक्कयकरणं सुबहुयाण ।।५५९७।। किं पुण छंदनिबद्धं तत्थ वि सवणिज्ज सद्दविन्नासो । तत्थ चिय अलंकारो एक्केकं दुक्करं एयं ।।५५९८।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |