Page Text
________________
१७२
सिरिवम्मकुमारचरियं
सिरिवम्मकुमारो वि हु पयचारेणं गिहस्स जा दारं । अणुगंतूणं पियरं तयणुन्नाओ नियत्तेइ ।।५५३४।। गुरु आणा परतंतो हवइ नरिंदो वि गंतुमवरोहं । पुनसिरीदेवीए पुरओ साहेइ जह अज्ज ।।५५३५।। अम्हे कुमारपासे आसि गया पढइ सो पयत्तेण । निच्चं समाहियमणो दढो य बाढं सरीरेण ।।५५३६।। तो देवीए राया विन्नत्तो देव ! तुम्ह आएसो । जइ होइ अहं पि तओ गंतुं पेच्छामि सिरिवम्मं ।।५५३७।। अह रन्ना सा भणिया देवि ! कुमारस्स ताव चित्तम्मि । अम्हाणं तुम्हाण य न वट्टए दंसणुक्कंठा ।।५५३८॥ पढणासत्तमणो सो मन्नइ सव्वं पि अंतरायं व । संभासणमन्नेसि सिणेहजुत्ताण वि जणाण ।।५५३९।। पडिबोहिऊण एवं देवि पुहईसरो सकज्जेसु । जाओ पसत्तचित्तो इय काले केत्तिए वि गए ॥५५४०।। विन्नत्तो देवीए पुणो वि नरपुंगवो महाराओ। जह कुमरदसणकए अरई बाढं मह मणम्मि ।।५५४१।। तो रन्ना पुन्नसिरीदेवी भणिया मए सह तुमं पि। कुमरस्स दंसणत्थं पभायसमयम्मि गच्छेज्जा ।।५५४२।। नरवइणो तं वयणं सोऊणं तक्खणे वि सा देवी। आणंदपूरियमणा जाया सुयदंसणासाए ॥५५४३।। बीय दिणे पेसेउं पुरिसं जाणावए नियागमणं । जयसम्मस्स नरिदो सयं पि वच्चइ तयणु तत्थ ॥५५४४।। पुन्नसिरी वि हु देवी रायाएसेण पिट्ठओ एइ। जंपाण समारूढा बहुदासीवग्गपरियरिया ॥५५४५।। जयसम्मगिहम्मि तओ वियणं काऊण जवणियं दाउं । मज्झम्मि समोइन्ना अह सा जंपाण मज्झाओ ।।५५४६।। कयसमचियपडिवत्ती सोमसिरीए तओ निसन्ना सा । बाहिम्मि आयरोहिं रक्खिए नयरसंचारे ।।५५४७।। देवीए पेसविया दासी वच्चइ कुमारपासम्मि । जयसम्मस्स निवस्स य पासे सो चिटुइ निविटठो ॥५५४८।। भणिओ सो दासीए कुमार! तुह दंसणथमिहदेवी । चिट्ठइ उज्झायगिहम्मि आगया एहि तं तत्थ ।।५५४९।। दोच्चं तच्चं पि इमं भणिओ वि न जाव जंपइ कुमारो। तीए तो विन्नत्तो नरपुंगवमेइणीनाहो ।।५५५०।। आइसह देव ! कुमरं जह देवि पणमए इमो गंतुं । रन्ना भणियं मुद्धे ! न मुणसि किं एत्तियं पि तुमं ।।५५५१।। जद्दियहाओ पभिई अम्हेहि समप्पिओ इमो कुमरो । एयस्स उवज्झायस्स तद्दिणाओ समारब्भ ।।५५५२।। कुमरम्म अम्ह आणा पयट्टए ने य का वि तो इन्हि । उज्झायमणुनविउं नेहि कुमारं जणणिपासे ।।५५५३।। तीए तहेव काउं नीओ जणणीए अंतिए कुमरो । काऊण पणामं दूरओ वि भूमिलियजाणुसिरो ।।५५५४।। उठेंतो देवीए गाद आलिगिओ मुयं तीए। आणंदजलं नणुप्पलेहि अंके तओ ठविओ ।।५५५५।। परिचुंबिओ य सीसे भणिओ य जहा कहं तुमं पुत्त ! एग पए च्चिय जाओ अइ निठ्ठरमाणसो एवं ।।५५५७६।। जं अम्ह दंसणकहामेत्तं पि तए कयावि ने य कयं । मज्झम्मि एत्तियाणं समइक्कंताण दियहाणं ।।५५५७।। अम्हे पुण तुह दसणविरहानलडज्झमाणहिययाइं । एक्कं पि खणं न लहतयाई नियमाणसम्मि रई ।।५५५८।। देवीवयणेणिमिणा बाहोल्लियलोयणो खणं होउं । तुन्हिक्को चेव ठिओ कुमरो ओणयमुहो कि पि ।।५५५९।। देवीए दळूणं कुमारवयणं जलोल्लनयणंतो। नियउत्तरीयवत्थंचलेण परिमज्जिउं सणियं ।।५५६०।। अवगूहिओ कुमारो हियएण समं पुणो वि अइगाढं। भणियं च वच्छ! अधिइं मा काहिसि कं पि नियचित्ते ।५५६१। इन्हि तुह मुहकमलस्स दंसणे मज्झ हिययमज्झाओ । सव्वा वि गया अरई सित्ता अमएण व तणू मे ।।५५६२।। तो निक्खणु सो होउं पूरेहि मणोरहे सजणयस्स । गिन्हेऊण कलाओ नीसेसाओ वि सिग्घं पि ॥५५६३॥ इय जाव पयंपंती चिट्ठइ देवी! समं कुमारेण । ता जयसम्मस्स सुओ समागओ माहवो बाहिं ।।५५६४।। हक्कारिऊण भणिया तेण तओ एवमप्पणो जणणी। अम्मो ताएण अहं पट्टविओ कुमरपासम्मि ॥५५६५।। एवं ममाउ एसो भणाविओ जह समागएण तए । सह आलावं काउं इओ गमिस्सइ गिहं निवई ।।५५६६।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |