Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 184

सिरिमुनिसुव्वयजिणिदचरियं
सेसेसु जिणहरेसुं विसेसकज्जम्मि सावयजणेहिं । आमंतिओ नरिंदो वच्चइ सयमेव कइया वि || ४८६५।। एवं जिणिदधम्मं तस्स कुणंतस्स तह य नीईए । पालंतस्स य रज्जं विसयसुहं अणुहवंतस्स । ॥ ४८६६।। वच्चइ कालो एत्तिय कयाइ जे के वि साहुणो गुणिणो । गुणभट्टसूरिपमुहा तेसि पासम्म गंतॄण || ४८६७।। जीवाइपयत्थाणं कुणइ वियारं पढेइ किंपि नवं । गिन्हइ अणुब्वयाई महव्वएसुं कयहिलासो ।।४८६८।। वेयड्ढनगवराओ खयरनरिंदा वि एंति जंति तहा । अणवरयं चि य पासे रन्नो सिरिचंदकित्तिस्स ॥। ४८६९१ या वित्थ वच्च खयरिदेहिं निमंतिओ कज्जे । सिद्धाययणे जत्ताकरणत्थं जाइ सयमेव ।।४८७० ।। अन्नेसु वि सासयजिणहरेसु नंदीसराइठाणेसु । अंतेउरसहिओ वि हु सपरियणो जाइ कइया वि ।।४८७२ ।। अह अन्नया निसाए पच्छिमजामे पभावई देवी । पासित्ता पविसंतं सीहं नियवयणकुहरम्मि ।।४८७२ ।। पडिबुद्धा नरवइणो साहइ पडिभणइ सो वि तुह पुत्तो । देवि ! भविस्सइ भुवणन्भहियपयावो न संदेहो ।।४८७३ ।। तुम्हाणं वयणमिणं एवं होउ त्ति सा वि पभणंती । बंधइ गठि नियउत्तरीयवत्थंचले झत्ति ।। ४८७४।। अह पsिपुन्नदिणेहिं पसवइ पुत्तं पभावईदेवी । सव्वंगलक्खणधरं सुकुमालं पाणिपासु ॥ ४८७५।। कारइ वद्धावणयं राया नयरम्मि सयलदेसे य । दसमदिणे अरिसीहो त्ति ठवइ पुत्तस्स तो नामं ॥। ४८७६।। दसदिवसाणं मज्झे नायरलोएण सयलदेसेण । रन्नो वद्धावणए वत्थाहरणाई आणीयं ॥ ४८७७।। पुत्तं पभावईए जायं नाऊण निययनयराओ । वत्थाहरणे गहिउं चंदउरे एइ मणिचूडो ||४८७८ ।। नामकरणस्स दिवसे रन्नो संतेउरस्स वियरेइ । सोवत्थाहरणाई पभावईए विसेसेण ।।४८७९।। सुहममइमहामंतिप्पमुहाण विदेइ गरुयपुरिसाणं । सव्वेसि जहजोग्गं वत्थाहरणाई मणिचूडो ।।४८९० ।। अन्ने वि खेर्यांरंदा समागया वत्थभू सणसणाहा । रन्नो करेंति उचियं परिवारसमन्नियस्सा वि ।।४८८१। यावि तम्मि दिय भूगोयर एय खयरवग्गं च । भोयणवत्थाइहिं सम्माणेउं विसज्जेइ ||४८८२|| अह वड्ढतो कमसो समप्पिओ अट्ठमम्मि वासम्मि । आयरियस्स समीवे कय सम्माणस्स सो रन्ना ||४८८३।। पन्नाए उज्जमेणय गहियाउ कलाउ तेण सिग्धं पि । गहियकलो सो रन्ना जुवरायपयम्मि संठविओ ।। ४८८४ ।। अह् ओहीनाणेणं समयं नाऊण आगओ झत्ति । सिरिगुणभद्दायरिओ चंदउरे बाहिरुज्जाणे ||४८८५ ।। गुणसिरिपवत्तिणी हु समागया तत्थ तम्मि समयम्मि । नाऊण गओ राया उज्जाणे सूरिपासम्मि | ।।४८८६ ।। अंतेउरमरिसीहो कुमरो अन्नो वि रायपरिवारो । रायाणुमग्गलग्गो सूरिसमीवे समणुपत्तो ||४८८७|| ते सव्वे भत्तीए सूरि नमिऊण तत्थुवविसंति । सूरी वि गहिरसद्देण देसणं कुणइ तेसि तओ ||४८८८ ।। ते भवनिव्वेयकरं वक्खाणं सूरिणो निसामेउं । जाओ रायाइजणो झत्ति पभूओ वयाभिहो ।।४८८९ ।। तो उट्ठऊण राया सूरि विन्नवइ जाव अरिसीहं । कुमरं वेमि रज्जे तावागंतूण गिन्हामि ॥ ४८९० ।। दिक्खं भवक्खयर्कार भयवं! तुम्हं पयाण पासम्मि । इय भणिउं नमिऊण य सूरि तो चंदकित्तिनिवो ॥४८९१ ।। बच्चइ निय पासायं तत्थ गओ पमुहलोयस्स । साहइ निय हिययगयं भावं तो ते वि बेंति इमं ।। ४८९२ ।। तुम्हे च्चिय अम्ह गई जह गिहवासे तहेव वयगहणे । तो अरिसीहं कुमरं भणइ जहा गिन्ह रज्ज भरं ।। ४८९३॥ जह अम्हे साहेमो त सहाएण झत्ति परलोयं । तो विन्नवइ कुमारो रायं जह देवपायणं ।। ४८९४ ।। पासे भूमिनिविट्ठस्स निव्वुई मह मणस्स संभवइ । जा सा रज्जे सीहासणम्मि संजायइ न मज्झ ।। ४८९५ ।। किं तु न देवा एसो सक्किज्जइ लंघितं तओ इन्हि । सोच्चिय मज्झ पमाणं अह राया भणइ जुत्तमिणं ।।४८९६।
१५१