Page Text
________________
सिरिमनिसुव्वयजिणिदचरियं
१४३ आह गुरू जुत्तमिणं अम्हे वि पओयणेण एएण । इह संपइ संपत्ता इय वोत्तुं देइ तेसि वयं ।।४६०३।। मणिचुडख्नेयरिदो गणभटमणिदमदिउं नमिउं । विन्नवइ जोडियकरो भयवं! संपइ असक्को हं ।। ४६०४।। सव्वविरईए गहणे ता गिहि-धम्म पयच्छ मह इन्हि। गुरुणा वि तस्स दिन्नो गिहि-धम्मो विमलसम्मत्तो।।४६०५।। तो वंदिऊण एसो निय पासाए समागओ तत्तो । वंदइ निच्चं सूरि सपरियणं गंतुमुज्जाणे ।।४६०६।। सिरिगुणभद्दो सूरी तन्थ वि कश्वयदिणाई ठाऊण : मणिचूडमणुरविउं पविहरिओ अन्नठाणम्मि ।।४६०७।। मणिचूडो इंदउरे गंतूणं चंदकित्तिरायस्स । साहेइ कणयचूडस्स कणयके उस्स वयगहणं ।।४६०९।। तो चंदकित्तिराया सविम्हओ नियसिरं धुणेऊण । भाइ जह दुक्करमिणं कयमेएहि वयग्गहणं ।।४६०९।। खिज्जति रज्जकज्जे तं अलहंता वि के वि दीणमणा । सप्पुरिसा पुण रज्जं गिन्हंति न दिज्जमाणं पि ।।४६१०।। अह भणिओ मणिचूडो नरवइणा चंदकित्तिणा एवं। अम्हेहिं साहियाइं इह ताव समग्गकज्जाई ।।४६११।। अन्नं न किचि वि तहाकरणिज्ज अम्ह संपयं अस्थि । चंदउरनयररज्जं सुन्नं चिट बहदिणाणि ।।४६१२।। ता संपइ वच्चामो अम्हे सिग्धं पि चंदउरनयरे। इंदउरनयरतत्ती तए समग्गा वि कायव्वा ।।४६१३।। तो मणिचुडो राया-सिरम्मि आरोविऊण करजयलं ! विन्नवइ चक्कट्टि खयराणं चंदकित्तिमिणं ।।४६१४।। कीरउ एवं संपइ दाहिण-सेढीए एत्थ खरिदा। चिट्ठति केइ जे ते अम्हे य तए समं एमो।।४६१५।। पुरओ जाणाविज्जउ चंदउरे सव्वरायलोयाणं । नयरस्म य जह ते वि हु तुम्हागमणं सुणेऊण ।।४६१६।। कुव्वंति कं पि भत्ति तो दाउं चंदकित्तिणा सिक्खं । वसुकेउ वासवा दोन्नि खेयरा पेसिया तत्थ ।।४६१७।। खरिंदाणं तेसि आइट्ठा दारसेवया झत्ति । सिरिचंदकित्तिरन्ना जं तुम्हें निययसामीणं ।।४६१८॥ गंतणं जाणावह गमिस्सए चंदकित्तिनरनाहो । चंदउरे ता तुब्भे आगंतुं मिलह तस्स लहुं ॥४६१९।। तो आएसाणंतरमेवगयादारसेवया सव्वे । नियनिय खरिदाणं पासम्मि कहंति तं सव्वं ।।४६२०।। तो ते वि तक्खणं चिय आएसं खयरचक्किणो सोउं। नियनिय सामग्गीए समागया तस्स पासम्मि ॥४६२१॥ अह चंदकित्ति-खेयर-चक्किकाऊण सब्वसामग्गि। मणिचडाईहिं समं खयर-नरिंदेहि संचलिओ ।।४६२२।। एगम्मि वरविमाणे अणेगमणि-खंभपंतिसोहंते । सयमारूढो सीहासणम्मि पवरे समासीणो ।।४६२३।। कन्नंतरालघोलंतकुंडलो मउडमंडियसिरग्गो । वच्छयल-लुलियहारो कंकण-केऊरकयसोहो ॥४६२४।। धरिय-धवलायवत्तो वीइज्जतो य सेय-चमरेहिं । विज्जाहरकामिणि-पाणिपंकयक्कंतदंडेहिं ।।४६२५।। मणिचडखेयरिंदो निय दाहिणबाहुसन्निहाणम्मि । उववेसिओ विइन्ने विभिन्नसीहासणे तत्थ ।।४६२६।। वाम-भुयस्स समीवे निवेसिया गोरवारिहा खयरा। संगामसीहपमुहा तेहिं संमं दोसु वि दिसासु ।।४२७।। संलावं विरयंतो कहापबंधंतरेसु पेच्छंतो । पुरओ पारद्धं पवरपेच्छणं नहयरवहूहिं ।।४६२८।। सक्को व्व विमाणगओ सोहम्मसहाए सोहमाणो सो। विज्जाहररायाण वि मणे जणतो चमक्कारं ।।४६२९।। अप्फालिय-गहिर-अणेग-तूर-सद्देहि वित्थरंतेहिं । पडिसहियदिसि-चक्केण संथुणिज्जंतमहिमो ब्व ।।४६३०॥ अन्नम्मि विमाणे पुण पभावई इयर सव्वदेवीहिं । नियदासीहिं सिंगारियाहिं सहिया समारूढा ।।४६३१ ।। सव्वंगे वि रयणाहरणेहि विहसिया विरायंती । अच्छरसा परियरिया सुरपहणो अग्गमहिसि व्व ।।४६३२॥ एवं महाविभूईए भासमाणो समग्गनह-मग्गं । रविणा सह छायंतो खयरिंदाणं विमाणेहिं ।।४६३३।। उज्जोयंतेहिं दिसाणणाई पसरंतकिरणजालेहि । सिरिचंदकित्तिनिवरविपयाव-समहिड्ढिएहि व ।।४६३४।। सुरहि-विलेवण-कुसुमेहि खेयरेहिं विलग्गलग्गेहि। पवियंभमाणअइघणसोरब्भ-विरायमाणेहिं ।।४६३५।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |