Page Text
________________
१३०
वज्जकुंडलचरियं
कुमरस्स कणयकेउस्स किं तु तीसे न भावलेसो वि । विज्जइ पभावईए कुमरम्मि उदासदिट्ठी सा ।।४१८१।। तो तं विसज्जिऊणं गंतूणं कणयकेउवरकुमरो। भणिओ तीए संपइ रयणउरे पट्ठियम्हि तओ ॥४१८२।। दिन्नाइं तेण तीसे वरवत्थाई सुवन्नसंकलिया। कंकणजुयलं च तहा पभावईए पुण निमित्तं ।।४१८३।। पंचसरोवरहारो समप्पिओ पवरवत्थसंजुत्तो । तत्तो पियंकरीए सो पडिसिद्धो इमं भणिउं ।।४१८४।। गंतुं पभावईए भावं चित्तस्स ताव जाणामि । तत्तो तस्स समुचियं जं किचि वि तं करिस्सामि ।।४१८५।। जइ पुण तइ निन्नेहा सा चिट्ठइ तो इमं पकीरंतं । जायइ लाहवजणयं इय तीसे जंपियं सोउ।।४१८६।। हाराइवालिऊणं गहियं तं कणगकेउणा सव्वं । सा भणिया कणगवई अणुजाणिस्सइ तुम जंति ।।४१८७।। तीए भणियं एवं काऊणं उत्तरं मए एसा। अप्पाणं मोयविया जह तत्थ ममत्थि माउसिया ।।४१८८।। कमलसिरी नामेणं रयणउरे तेण तीए मिलणत्थं । तत्थ गमिस्सामि अहं जं दिट्टाए मए तीसे ।।४१८९।। वोलीणो बहुकालो तइंसणऊसुया अहं तत्तो । गंतूण तत्थ तीसे सरीरसारं करिस्सामि ॥४१९०।। इय सोउं हिडेणं विचितियं कणगकेउणा चित्ते । धूत्ती चिट्टइ एसा जाणइ कूडुत्तरं काउं ।।४१९१।। एसा मज्झ वि कज्ज साहिस्सइ नूणमेरिसं मन्ने । इयचितिउं विसज्जइ पियंकरि झत्ति सो कुमरो ।।४१९२।। गंतुं सा रयणउरे कुणइ उवाएण दंसणं तीए । सद्धि पभावइए एगंते कहइ तो तीसे ॥४१९३।। अणुरत्तो अइमेत्तं तुज्झुवरि कणयकेउवरकुमरो। जप्पभिई तं दिट्ठा सिद्धाययणे ठिया तेण ॥४१९४।। तद्दिवसाओ आरब्भ तस्स निद्दा छुहातिसा सव्वं । एग पए च्चिय नटं चिट्ठइ सो सुक्ककळं व ।।४१९५।। कीरउ करुणा सामिणि ता तस्सुवरि स तुम्ह दासत्तं । पडिवज्जिस्सइ भीओ विसमाउहबाण-घायाणं ॥४१९६।। अहे भणिया महुरसरं पभावईए पियंकरी एवं । किंपि अजुत्तं न तए लवियं एयं परं किंतु ॥४१९७।। सिरिगुणभद्दमुणिदस्स देसणा सा जया मए निसुया। तद्दिवसाओ आरब्भ मज्झ जाया वयसमीहा ।।४१९८।। ताओ परं विसज्जइ नवयग्गहणम्मि मं तओ एवं । चिट्ठामि गिहम्मि ठिया पुणो वि तायं भणिस्सामि ।।४१९९।। तो जइ न विसज्जिस्सइ ताओ मं कहवि दिक्खगहणत्थं । तो जं तया भविस्सइ उचियं तमहं करिस्सामि।४२००। अह सा पियंकरीए पभावई जंपिया जहा ताव । एसो अन्थो चिट्ठउ अन्नं विन्नत्तियं सुणह ॥४२०१।। मणिचूडकुमारेणं सह मे जह दंसणं हवइ सिग्धं । तह कारवेहि संपइ एसो च्चिय में मह पसाओ ॥४२०२।। नियदासि पेसेउं पभावई सणं करावेइ। मणिचूडकुमारेणं सह झत्ति पियंकरीए तओ ॥४२०३।। उचियपडिवत्तिकरणाणंतरमेसाकराविउं वियणं । दंसेउं तं हारं पियंकरी भणइ मणिचूडं ॥४२०४।। जह इंदउरे नयरे धूया खरिदकणगचूडस्स । रूवाइगुणनिहाणं कणगवई नाम अथित्ति ।।४२०५।। सीए कओ वराहो सिद्धाययणे गयाए जत्ताए। निज्झाइओ चिरं जं तं तत्थ तिरिच्छदिट्ठीए ।।४२०६।। तं असहंतो तद्दिणपभिई बाणेहिं तं हणइ मयणो। सो तुम्ह रूवविजिओ दासत्तं कुणइ निच्चं पि ॥४२०७।। जो को वि तुम्ह पाए निज्झाएउं मुहं पलोएइ । वंकाए दिट्ठीए तस्स न सो सहइ थेवं पि ।।४२०८।। ता तं तीसे दंडे गिन्हेहि करं करेण निययेण । पच्छा करेहि दासि तमप्पणो जाव जीवं पि ।।४२०९।। मोयावहि मयणाओ हम्मंति बाणधारणीहि इमं । तह तीए पट्टवियं ढोयणए गिन्हहारमिमं ।।४२१०।। । भुजं च सकरलिहियं इह बद्धं छोडिऊण वाएहि । इयभणिउं सा अप्पइ हारं कुमरस्स सो गहिउं ।।४२११।।
मणिचूडो तं भुज्ज छोडेउं वाइउं अवगयत्थो। चिंतइ हिट्ठो हियए पियंकरीए जहा लवियं ।।४२१२।। विकाए उत्तीए गाहाए वि हु इमाए तह अत्थो । लिहिओ कणगवईए अत्यंतरसूयगो एसो ।।४२१३।।
For Private & Personal Use Only
Jain Education International
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |