Page Text
________________
१००
वज्जकुंडलचरियं नमिऊण नियावासे चलिओ कुमरस्स वयणओ तत्तो। पडिहारेण सपुरिसं पेसेउं पुच्छिओ एवं ॥३२००॥ दुपएहिं चउपएहि य सह तुम्हें केत्तिओ य परिवारो। वड्डपुरिसेण भणियं माहवराएण तो तस्स ।।३२०१।। तीसं आसा वीसं करहा गोणा तहेव पन्नासं । साउहपुरिसाण सए दो कम्मयराण सयमगं ।।३२०२।। पडिहारपेसिएणं पुरिसेणं एरिसं तओ भणियं । सव्वस्स इमस्स कए गेन्हह कणचोप्पडं तुब्भे ॥३२०३।। कोट्ठागारे गंतुं जुगवं चिय एक्कमेक्कमासस्स । उचियं महाखले तह गिन्हह खडकडवमाईयं ।।३२०४।। माहवराएण तओ पलोइयं वीरसेण मुहसम्मुहं । तेण भणियं पसाओ समए सयमेव मग्गिस्सं । ।।३२०५।। इय बीरसेण वयणं तेणागंतूण पेसिय नरेण । पडिहारस्स निवेइयमेसो वि कहेइ कुमरस्स ॥३२०६।। आयन्निऊण कुमरो तं वयणं नियमणम्मि धारेउं । तुन्हिक्को होऊणं सकम्मनिरओ हवइ पच्छा।।३२०७।। रायसुयवीरसेणस्स वज्जकुंडलकुमारपयसेवं । इय कुणमाणस्स पभूयवासरा तत्थ अइकंता ।।३२०८।। अन्नम्मि दिणे सो वीरसेणनामो नरिंदअंगरुहो । गंतूण नियत्तो वज्जकुंडलकुमारसेवाए ॥३२०९।। हट्टनिविट्ठो चिट्ठइ तस्सासो तोयपायणनिमित्तं । पल्लाणिएण नीओ अज्ज वि नो एइ तत्थ खणे ॥३२१०।। बहुआसवारसहिओ नीहरिओ वज्जकुंडलकुमारो। हट्टस्स समीवेणं वच्चंतो पेक्खिओ तेण ॥३२११।। कुमरस्स वि तम्मि गया दिट्ठी तो झत्ति उढिओ एसो। पयचारेण वि चलिओ पुरो ठिओ कुमरदिट्ठीए ।३२१२। अह तं जा पडिसेहइ कुमरो ता पाइऊण पाणीयं । पल्लाणिएण तुरओ आणेउं अप्पिओ तस्स ।।३२१३।। वग्गा गहिओ पथचारिएण धावंतएण तम्मि तओ । वेएण वीरसेणो आरूढो धावमाणो वि ॥३२१४।। दिट्ठो य आरुहंतो कुमरेणं वज्जकुंडलेणासो । चित्तम्मि चमक्कारो संजाओ तस्स तो झत्ति ।।३२१५।। पल्लाणियस्स हत्थे पम्हसिया चम्मलट्ठिया आसि । जातेण सा पक्खित्ता तयभिमुही महियले पडिया ।।३२१६।। वेयपहावियतुरयं अधरं तेणेव तेण सा गहिया । नमिऊण महियलाओ पलोइयं तं पि कुमरेण ।।३२१७। तो सविसेसं जाओ तस्स मणे विम्हओ कुमारस्स । गंतूण तओ पुरओ उज्जाणतरूण छायाए ।।३२१८।। वीसंतो खणमेगं आसगओ वज्जकुंडलकुमारो। आइसइ सेल्लहत्थे आसारोहे तओ एवं ।।३२१९।। एक्कक्केण तुब्भे सेल्लाइं खिवह रुक्खसमुहाइं । कस्स व केत्तियदूरे सेल्लं वच्चइ व खुप्पइ वा ॥३२२० ।। जेणेवं जाणिज्जइ तो तेहिं कयं तहेव सर्वहिं। थेवंतरियाई आरओ य परओ रुक्खेसु ।।३२२१।। खुत्ताई सेल्लाइं दुति-चउ-पंचंगुलप्पमाणाइं । तो वीरसेणवयणं निरिक्खियं चक्कितणएण ।।३२२२।। उत्तरिऊणं तुरयाउ तेण तो खित्तमुक्खियेऊणं । सेल्लं दुगुणं भूमि गयमसि समीवाओ ।।३२२३।। चिचिणितरुस्स खधं भेत्तूणं निग्गयं समग्गं पि । सेल्लस्स फलं दंडो पुण खंधब्भंतरम्मि ठिओ ।।३२२४।। तं दद्रुण कुमारो विसेसविम्हइयमाणसो जाओ। पुच्छइ य वीरसेणं कम्हा तुमए तुरंगाओ ।।३२२५।। उत्तरिऊणं खित्तं सेल्लं किं हयठिएण न पमुक्कं । तो भणइ वीरसेणो मह थामं न सहए तुरओ ॥३२२६।। सेल्लं वि मुयंतस्स य आयासो होइ पायकडएसु । तेणक्कतो पट्टीए घोडओ हिरमुग्गिर इ ।।३२२७।। अहवा महीए निवडइ कुमार ! एएण कारणेण तओ। उत्तरिउं तुरयाओ खित्तं सेल्लं मए एयं ॥३२३८।। तो उत्तरिउकुमरेण अप्पिओ तस्स अप्पणो तुरओ। भणियं च तुह बलमिमो सहइ न वा इय परिक्खेह ।३२२९।। अह तत्थ वीरसेणो आरुहिउं थोर चूयसाहाए। तिरियं गयाए दोहिं वि इत्थेहि अइदढं विढिऊ ॥३२३०।। उहि भीडिऊणं तुरयं उप्पाडिऊण पुहइतलं । अटुंगुलाई छड्डाविऊण दसइ कुमरस्स ॥३२३१।। तो निरबलं वरय परिचलंत पाओ खणण संजाओ। तुरओ तरलच्छिजुओ नियजीयं चइउकामो ब्व ।।३२३२।।
Jain Education International
For Private & Personal Use Only
www.jainelibrary.org.
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |