Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 120

सिरिमुनिसुव्वयजिणिंदचरियं
अंग परियत्तेउं टालेउं अप्पणो सरीराओ । सिरिहरिसनिवो हियए कुंतं खिविऊण उक्खित्तो ।।२७८३।। खित्तो य महीवीढे पलालपूलो व्व निहणमणूपत्तो। भग्गं अन्नायगं तं झत्ति पलाणं बलं तस्स ।।२७८४।। तस्सेव पट्ठिलग्गो मज्झे नयरस्स अह पविट्ठो सो। गंतूणं रायउले उवविट्ठो तस्स पासाए ॥२७८५।। आणंदाऊण नियं तं नयरं रक्खए समग्गं पि । तेण वि सोच्चिय चित्ते पडिवन्नो नायगो तत्तो ।।२७८६।। सिरिहरिसरायमरणं सुणिउं अंतेउरं समग्गं पि । निग्गयमभिंतरओ भणावियं कुतसीहेण ।।२७८७।। तुम्हे मह नियजणणी तुल्लाओ पुन्ववत्तणं निययं । गिन्हेऊण तह च्चिय चिट्ठह मा चडह कट्टेसु ।।२७८८।। अंतेउरेण भणियं सिरिहरिसनरिंदकन्नया पणगं । एयं परिणाविज्जह तो अम्ह तए कयं सव्वं ॥२७८९।। इन्हि पुण अम्ह गई पाया सिरिहरिसदेवरायस्स । तो कुंतसीहकुमरो तह त्ति तं मन्निउं वयणं ।।२७९०।। सिरिहरिसनिवेण समं दावइ अंतेउरस्स कट्ठाई। कन्नाओ पुणो संबोहिऊण धारइ गुरुसुहेण ।।२७९१।। सिग्घयरसंढियाणं पासम्मि समप्पिऊण विन्नत्ति। सिरिहरिसविणासाई सरूवमक्खावए पिउणो ।।२७९२।। बीम्मि दिणे मिलिउं सवेहि वि नयरपमुहलोएहि । सो कुंतसीहसुहडो विन्नत्तो एरिसं अटुं ॥२७९३।। रज्जम्मि अत्तणो कारवेह तुब्भे इयाणिमहिसेयं । सामिपरिवज्जियाणं पडिवज्जह अम्ह सामित्तं ।।२७९४।। तो भणइ कुंतसीहो नायरलोयं जहा पुहइसीहो। अम्हं सामी तस्सेवाए समट्रिमो अम्हे ।।२७९५।। तुब्भे वि तो इहठे तं चेव वयविन्नवेह मह जणयं । तेहि मिलिऊण तत्तो विन्नती पुहइसीहस्स ।।२७९६।। सीहउरे पट्टविया जह अम्हं पुव्वसामिओ विहिणा । हरिओ इन्हि अन्नं पसिऊणं सामियं देह ।।२७९७।। तत्थ पुण कुंतसीहो नयरारक्खगनिरूवणाईयं । सव्वं करेइ सुत्थं स बाहिरभितरजणस्स ।।२७९८।। तप्पेसियसंढियगा पत्ता पासम्मि पुहइसीहस्स । ते कुंतसीहविन्नत्तिलेहमप्पंति एयस्स ॥२७९९।। साहिति य जह दिळं पुहईसीहो य अवगयतयत्थो । तुट्ठो देइ पसायं संढियगाणं बहुं तेसि ॥२८००।। कहियं अणूपम्वाए संवाहेऊण सिक्खवेऊण । तं पेसइ हरिसउरे पत्थाणे ठाइए सावि ।।२८०१।। एत्थंतरम्मि पत्ता हरिसउरनिवासिलोयविन्नत्ति । गहिउँ पुरिसा अप्पति तस्स सो तं निरिक्खेउं ।।२८०२।। ते भणइ जह इहढे अणुपमदेवी मए नियं सिक्खं । दाऊण कुंतसीहस्स सन्निहाणम्मि पट्टविया ॥२८०३।। चिट्ठइ पत्थाण ठिया तुब्भे सह तीए जाह हरिहसउरे । इयरन्नो आइटें तह चेव अणुट्ठियं तेहिं ॥२८०४।। अणुपमदेवी गंतु हरिसउरे पुहइ सीहसिक्खवणं । कहिऊण कुंतसीहं अहिसिंचावेइ रज्जम्मि ।।२८०५।। सिरिहरिसरायकन्ना पणगं आपुच्छिऊण इच्छंत । अइगरुयविभूईए परिणावइ कुंतसीहाओ ॥२८०६।। माउवयणेण एसो कयंवसरनयरं संतियं देसं । देइ पसाएण तओ मायामह सूरपालस्स ।।२८०७।। मंडलिया सामंता साहणियतंतवालमाईया । संगामलग्गघाया सीहउरे जेट्ठिया आसि ॥२८०८।। सिरिहरिसनरेसरसन्नसंतिया ताण मज्झओ के वि। जे न मया ते सज्झा संजाया आगया तत्थ ॥२८०९।। हरिसउरे आगंतुं अत्थाणे कुंतसीहरायस्स । परमविणएण पणया तेण वि ते विहियसम्माणा ॥२८१०॥ नियनिय पएसु ठविया अन्ने वि नरेस राजहाजोग्गं । उट्ठावियाय के वि हु तहेव संठाविया के वि ॥२८११।। सीहगिरिसमीवत्थं देसं पिउणो वि देइ के पि नियं । अन्ननिवसंतियं पिहु गिन्हेउं तस्स अप्पेइ।।२८१२।। अणुपमदेवी जाया पुत्ता अन्ने वि संति जे चउरो । तेसु समत्थं पुत्तं सीहउरे ठाविउं पच्छा ।।२८१३॥ सयमागच्छइ पासे पुत्तस्स निवस्स कुंतसीहस्स । सो पुहइसीहराया सलहुएहिं तिहिं सुएहिं ।।२८१४।। नयरम्मि कयंबसरे पुत्तं ठविऊण सूरपालो वि। तिहुयणदेवीसहिओ हरिसउरे चिट्ठए य ठिओ ।।२८१५॥