Page Text
________________
सिरिमुनिसुव्वयजिणिदचरियं तो भणइ तं सपणिही जइ वि इमं अस्थि तह वि साहेसु । चिट्ठइ मज्झ इहढे जं जायं कोउगं गस्यं ॥२७२०।। तो तस्स कहइ भिच्चो सिरिहरिसनरिंदसतिए देसे। अत्थि कयंबसरपुरं तप्पडिबद्धाण गामाण ॥२७२१॥ दोन्हं पि अंतराले पहमज्झे आगया दिणत्थमणे । तेणेहि का वि कन्ना पत्ता सा एत्थ आणीया ॥२७२२।। तो रन्ना परिणीया तीसे पुत्तो य कुंतसीहो त्ति । पिइ-माइगाम नामं पुण मुणइ न को वि एईए ॥२७२३।। तो तेण पणिहिणा पुच्छिओ पुणो सो जहा तुममिमीए । नामं कि पि वियाणसि सो कहइऽणुपमदेवि त्ति।।२७२४।। इय सोउं सो पणिही विणिग्गओ तक्खणे तओ भोत्तुं । एतस्स तस्स मिलियं तुम्हं सेन्नं पहे जंतं ॥२७२५।। एत्थागएण एयं मह पुरओ तेण साहियं सव्वं । कज्जं विणा मए तं तया वि कहियं न तुम्ह पुरो ।।२७२६।। जण तया तस्सुवरि सेन्नं चिय आसि पेसियं उचियं । तुब्भेहि पेसियं तं तय वेक्खाए पभूयं पि ॥२७२७।। जइ पुण सयं चलंता तुन्भे तस्सुवरितो तया वि अहं । कहिऊण एरिसं सब्वमेव नूणं निवारेंतो ॥२७२८।। जाव पुण सयं तुब्भे न पट्ठिया तदुवरि तया ताव । अम्हे वि ठिया एमेव विहिथ मोणा इथाणितु ।।२७२९।। समओ त्ति तुम्ह कहियं मए तओ एरिसं वियाणेउं । तस्साभिमुहं कहमवि देवेण सयं न गंतव्वं ।।२७३०।। सोऊण मंति जंपियमेयं सिरिहरिसमेइणीनाहो। जाओ कि पि सखेओ भावि अणत्थाभिसंकाए ॥२७३१॥ मंतिम्मि पुण सतोसो तब्भत्तिमईगुणेण संजाओ। भणइ य मंतिं तुम्हाणुमई एतं करिस्सामो ।।२७३२।। रन्ना विसज्जिओ तो मंती वि गओ गिह मइनिहाणो। बीय-दिणे संझाए निवपणिहि नरेहि आगंतुं ॥२७३३।। कहियं तप्पुरओ वित्थरेण परभग्गनियबलसरूवं । रन्ना विसज्जिऊणं हेरियपुरिसे इमे तत्तो ।।२७३४।। नियगरुयनरे हक्कारिऊण तं तसि सव्वमक्खायं । सवेहि वि तेहि तओ विनत्तं एरिसं तस्स ।।२७३५।। जह देव ! तुम्ह पासे जाव इयं अत्थि संपयं सेन्नं । तत्तो दुगुणयरवलं पट्टवियं आसि तुम्हेहिं ।।२७३६।। उवरिम्मि कुंतसीहस्स तं पि गिरदुग्गवलवसेणिमिणा । भग्गं लोला एच्चिय सव्वं गहियं च ल्हूसेउं ।।२७३७।। गुडपक्खररहसन्नाहपभिइयं रणविणट्ठसेसं च । हथ-गय-रहकरहाई सयं समग्गं पि संगहियं ।।२७३८।। तण इमो संजाओ संपइ पोढो निसग्गसूरो य । तुम्हे पुण थेव बला तस्सुवरि तओ सयं इन्हि ।।२७३९।। तुम्ह न जुज्झइ जत्ता कायव्वा ताव कइवयदिणाई । जइ सो सयं पि एसइ तो जह जुत्तं करिस्सामो॥२७४०।। तण वि तं पडिवन्नं वयणं जुत्तं पि गरुयपुरिसाण । कत्तो वि कुंतसीहो सरूवमेवं सुणेऊण ॥२७४१।। संवहिऊणं गिन्हइ कयंवसरपट्टणं महादुग्गं । अन्नाइं वि दुग्गाइं गिन्हइ दो तिन्नि सिग्धं पि ॥२७४२।। एवं कयम्मि मिलिओ बहुलोओ तस्स कुंतसीहस्स। हरिसउरपुराभिमुहो ता चलिओ कयरणुच्छाहो ॥२७४३।। भट्टे पट्टविऊणं सिरिहरिसो तेण कुंतसीहेण । एवं भणाविओ जह तुज्झ मए जो इओ मग्गो ॥२७४४।। एतस्स एत्तिय दिणे जाव तुम नागओ इयाणितो। अहमेव सयं पत्तो तुज्झुवरिठियस्स विसठाणे ।।२७४५।। ढुक्कह संपयं मे जुज्झे दूरम्मि अह पलाएह । अहवा आगंतूणं सेवाए मज्झ पविसेह ।।२७४६।। एवं भट्ट मुहाओ सोउं सिरिहरिसपत्थिवो झत्ति । जाओ घयसित्तहुथासणो व्व कोवेण दिप्पंतो ।।२७४७।। तिवलीतरंगभंगुरनिडालवट्टो फुरंत अहरोट्ठो । ताडावइ रणभेरि संवाहइ सव्व नियसेन्नं ॥२७४८।। वियलंतमय कवोले गुडियगइंदे खिवावइ स चावं । नारायसेल्लनियरं सन्नाहं खिवइ निय अंगे ।।२७४९।। तह कुंतसीह भट्टे विइन्नघाए पुणो वि तस्सेव । पासे पेसइ सहदिन्नवानियबंदिविदेण ॥२७५०॥ तेसि मुहेण भाणइ तं एवं जह तए जइ कहं चि । गिरिदुग्गबलेण छलेण अम्ह सेन्नं असंवूढं ।।२७५१॥ भग्गंतह गहियाइं पव्वंतिय पट्टणाई दो त्तिन्नि । ता एत्तिएण वि तुमं गओसि किं गवगिरिसिहरं ॥२७५२॥
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |