________________
३५०
श्रीवकाचार-संग्रह युद्ध कथा कामादिका, कुकथा चावै मूढ़ । लोक-रिझावन कारणे, सो पद लहै न गूढ़ ||८५ जो जानै निजरूपकू, अशुचि देहत भिन्न । सो निकसै भवकूपतै, भटकै भाव अभिन्न ॥८६ जानैं निज पर भेद जो, आतमज्ञान प्रवीन । सो स्वामी सब लोकको, सदा सांत-रस लीन ॥८७ बिना निजातम जानिवै, है न कर्म को रोध । आगम पाठ करै तऊ, नाहिं नाहिं कछु बोध ।।८८ लखिवौ आतमभावको, सो स्वाध्याय बखानि । मुनि श्रावक दोऊनिको, यह परमारथ जानि ॥८९ अब सुनि ग्यारम तप महा, कायोत्सर्ग शिवदाय । कायाको उतसर्ग जो, निर्ममता ठहराय ॥९० त्याग्यां बैठयो देहकों, नहीं देहसों नेह । लग्यौ रंग निजरूपसों, बरसै आनंद मेह ॥९१ छिदौ भिदौ ले जाहु कोउ, प्रलय होउ निजसंग । यह काया हमरी नहीं, हम चेतन चिद अंग ॥९२ इहै भावना उर धरै, जल-मल-लिप्त शरीर । महारोग पीडै तऊ, भजै न औषध धीर ॥९३ व्याधितनों न उपायको, शिवको करै उपाय । इन्दी-विषय न सेवई, सेवै चेतनराय ।।९४ भयौ विरक्त जु भोगतें, भोजन सज्जा आदि । काहूकी परवा नहीं, भेटौ ब्रह्म अनादि ॥९५ निजस्वरूप चितवन जग्यौ, भग्यौ भोगको भाव । लग्यो चित्त चेतनथकी प्रकटयो परम प्रभाव ।।९६ शत्रु मित्र सहु सम गिन, तजै राग अरु दोष । बंध-मोक्षतें रहित निज, रूप लख्यौ गुण कोष ॥९७
बेसरी छन्द हे विरकत पुरुषनिकों भाई, इह कायोतसर्ग सुख-दाई। अरु जे तन पाषनहै लागा, ते पावै नहिं भाव विरागा ॥९८ उपकरणादिकमे मन राखें, ते नहि ज्ञान सुधारस चाखें । जग व्यवहार तजै नहिं जौलों, नहिं कायोत्सर्ग तप तौलों ॥९९ नाम त्यागको है उतसर्गा, कंपैं नहिं जा है उपसर्गा । तब कायोत्सर्ग तप पावै, निज चेतनसों चित्त लगावै ॥१५०० एक दिवस द्वै दिवसा भाई, पाख मास ऊभौ हि रहाई। चउमासी छहमासी वर्षा, रहै जु ऊभी चितमें हरषा ॥१
Jain Education International
For Private & Personal Use Only
www.jainelibrary.org
