________________
૧૦. ૩૮ ઉવસગ્ગહરે તેત્રને પ્રભાવ દર્શાવનારા લૈકે.
उपसर्गहरस्तोत्रं कृतं श्रीभद्रबाहुना ।। ज्ञानादित्येन संघस्य शान्तये मङ्गलाय च ।। एतत्स्तवप्रभावो हि वक्तुं केनाऽत्र शक्यते । हरिणा गुरुणा वा वाक्प्रद्वयाऽप्येकजिह्वया ॥ उपसर्गहरस्तोत्रे स्मृते स्युः शुभसंपदः । संयोगसंततिनित्यं स्युः समीहितसिद्धयः ।। उदयोच्चपदोपाया उत्तमत्वमुदारता । उकाराः पञ्च पुंसां स्युरुपसर्गहरस्मृतेः ।। पुण्यं पापक्षयः प्रोतिः पद्मा च प्रभुता तथा । पकाराः पञ्च पुंसां स्युः पार्श्वनाथस्य संस्मृतौ ॥ उपसर्गहरस्तोत्रमष्टोत्तरशतं सदा । यो ध्यायति स्थिरस्वान्तो मौनवान् निश्चलासनः ।। तस्य मानवराजस्य कार्यसिद्धिः पदे पदे । भवेच्च सततं लक्ष्मीश्चञ्चलाऽपि हि निश्चला ।।
(युग्मम् ) प्रत्यक्षा यत्र नो देवा न मन्त्रा न च सिद्धयः । उपसर्गहरस्यास्य प्रभावो दृश्यते कलौ ।। प्राप्नोत्यपुत्रः सुतमर्थहीनः श्रीदीयते पत्तिरपीशतीह । दुःखी सुखी चाथ भवेन्न किं किं त्वद्रपचिन्तामणिचिन्तनेन ।
एकया गाथायाऽप्यस्य स्तवस्य स्मृतमात्रया । शान्तिः स्यात् किं पुनः पूर्ण पञ्चगाथाप्रमाणकम् ।। उपसर्गहरस्तवनं यञ्चित्ते स्फुरति सततमिह । भूतव्यन्तरयक्षाः प्रत्यक्षाः स्युर्नृणां तेषाम् ।।
Jain Education International
For Private & Personal Use Only
www.jainelibrary.org
