________________
तृतीयः सर्गः )
श्रीत्रिषष्टिशलाकापुरुषचरितम् ।
व्रतान्येभिरतिचारै रहितान्यनुपालयन् । श्रावकोऽपि विशुद्धात्मा मुच्यते भवबन्धनात् ||३५४|| तां भर्तुर्देशनां श्रुत्वा भूयांसोऽपि प्रवव्रजुः । श्रावक्यभूवन् भूयांसो नाऽर्हद्दीर्जातु निष्फला ||३५५ || प्रतिबुद्धोऽश्वसेनोऽपि हस्तिसेनाय सूनवे । तत्रैव दत्त्वा स्वं राज्यं प्रवव्राज महामनाः || ३५६ || वामादेवी - प्रभावत्यावपि देशनया प्रभोः । भवोद्विग्ने जगृहतुः प्रव्रज्यां मोक्षसाधनीम् ||३५७ . बभूवुरार्यदत्ताद्याः प्रभोर्गणधरा दश । स्वाम्याख्यत् त्रिपदीं तेषां स्थित्युत्पादव्ययात्मिकाम् ||३५ तया त्रिपद्या ते सर्वे द्वादशाङ्गीमसूत्रयन् । प्रज्ञावत्सूपदेशो हि स्याज्जले तैलबिन्दुवत् ॥ ३५९ ॥ पूर्णप्रथमपौरुष्यां देशनां व्यसृजत् प्रभुः । द्वितीयपौरुषीमार्यदत्तो व्यधित देशनाम् || ३६० ।। || अथ शक्रप्रभृतयः प्रणम्य परमेश्वरम् । स्थानं निजनिजं जग्मुः स्मरन्तः स्वामिदेशनाम् || ३६१ || तत्तीर्थभूरभूत् पार्श्वयक्षः कूर्मरथः शितिः । गजाननः फणिफणाच्छत्रशोभी चतुर्भुजः ॥३६२॥ नकुलाही वामदोर्भ्यां बीजपूरोरगौ पुनः । दक्षिणाभ्यां दधद्दोर्भ्यां भर्तुः शासनदेवता ॥ ३६३ || तथा पद्मावती देवी कुक्कुटोरगवाहना । स्वर्णवर्णा पद्म- पाशभृद्दक्षिणकरद्वया ॥३६४|| फलाङ्कुशधराभ्यां च वामदोर्भ्यां विराजिता । अभूद् द्वितीया श्रीपार्श्वभर्तुः शासनदेवता ॥३६५|| ताभ्यां प्रभुः शासनदेवताभ्यां निरन्तराधिष्ठितसन्निधानः । इमां व्यहार्षीदवनीं विनीतैर्देवैरथाऽन्यैरपि सेव्यमानः || ३६६ ||
॥ इत्याचार्य श्रीहेमचन्द्रविरचिते त्रिषष्टिशलाकापुरुषचरित महाकाव्ये नर्वमे पर्वणि श्रीपार्श्वनाथकौमार-दीक्षाकेवलोत्पत्तिवर्णनो नाम तृतीयः सर्गः समाप्तः ॥
Jain Education International
१. ०पञ्जरात् सं० । २. निःफला सं० । ३. श्वेतः । ४. कुर्कुटो० मु० । ५. ०प्रभोः मु० । ६. नवम० सं० ता० । ७. हे० ता० न । हे० प्रती ' ३७०' इत्यधिकम् ।
१९१
For Private Personal Use Only
www.jainelibrary.org
