________________
७४२
सिरिअणंतजिणचरियं
देवीसु नच्चिरीसुं गिज्जते भुवणगुरुगुणग्गामे । इंदेहि समुक्खित्ता सिबिया कुसुमब्भमिरभमरा ॥ ९५३७ ॥ कप्पूरागरुचंदणदारुचियाए चियाए ठविया सा ।। अग्गी अग्गिकुमारेहिं तीए वयणेहिं निक्खित्तो ॥ ९५३८ । पज्जालिओ य वायवाउकुमारेहिं रइय यउपासं । तय-सोणिय-मंसेसुं दह्रसु जिणिंददेहम्मि ॥ ९५३९ ॥ सो मेहकुमारेहिं वरिसिय गंधोदएण विज्झविओ । गिहिति तओ इंदा मंगलकज्जे जिणिंदअट्ठिणि ॥ ९५४० ॥ सक्कीसाणा उवरिमदाहिणवासाओ लिंति दाढाओ । गिहिति चमरबलिणो हेठिल्लाओ पुणो ताओ || ९५४१ ॥ अवरे इंदा दंताइअवयवे गहिय वट्टसमुग्गेसु । ठविउं अब्भुदयत्थं पूयंति सया वि भत्तीए ॥ ९५४२ ॥ पहुणो चियाए ठाणे मणिथूभं विरईयं सुरिंदेहिं । चवलद्धयालिखलहलिरघग्घरं कणिरकिंकिणियं ॥ ९५४३ ॥ जे पत्ता सिद्धीए सद्धिं जयबंधवेण केवलिणो । काउं तेसिं पि हु पूयपुव्वगं अग्गिसक्कारं ॥ ९५४४ ॥ एवं काऊणमणंतसामिणो सिद्धिगमणकरणिज्जं । ससुरासुरासुरिंदा नंदीसरदीवमणुपत्ता ॥ ९५४५ ॥ काऊण तत्थ सासयजिणाण अट्ठाहिया महामहिमा । ता निय-नियठाणेहिं लद्धा विलसंति सुरलच्छि ॥ ९५४६ ॥ सिरिअम्मएवमुणिवइविणेयसिरिनेमिचंदसूरीहिं । भणिओ अणंतचरिए पंचमओ एस पत्थावो ॥ ९५४७ ॥ (गंथकारपसत्थि) अस्थि समुन्नयसाहो सव्वुत्तमपत्तविरईयच्छाओ । सुकइजुओ बहुसउणो सिरिवडगच्छो वडतरु व्व ॥ ९५४८ ॥
Jain Education International
For Private & Personal Use Only
www.jainelibrary.org
