________________
गंधबंधुरकहा
६९९
खजूर-दक्ख-दाडिम-अंबय-खारक्क-सक्कराईयं । दिन्नं अन्नाण न दायगेण से भायणं दिळें ॥ ८९८२ ॥ तह सालि-सूय-सालणय-सप्पिपक्कन्नपेयपमुहाण । किं पि न खित्तं अद्दिस्सभूमितलसुक्कथाले से ॥ ८९८३ ॥ दठूण दहिविमिस्सं भुजंतो फुरियगरुयअवमाणो । सिररइयभायणो तेसिमग्गओ नच्चिरो पढइ ॥ ८९८४ ॥ हे दारिद्र ! नमस्तुभ्यं सिद्धोऽहं त्वत्प्रसादतः । जगत् पश्यामि येनाहं न मां पश्यति कश्चन” ॥ ८९८५ ॥ एए मह जणयसहोयरस्स पुत्त त्ति भायरो मज्झ । भाउज्जायाओ इमाओ भाइणिज्जा इमे सव्वे ॥ ८९८६ ॥ जह मंततंतविज्जाइएहिं सिद्धा हवंति अद्दिस्सा । जाणह तहा ममं पि हु नूणं दारिद्दसिद्धो त्ति ॥ ८९८७ ॥ जइ होमि न सिद्धो हं ता दिट्ठो किं निएहिं वि इमेहिं । सयणेहिं न सव्वेहिं वि भोयणकरणोवविट्ठो वि ॥ ८९८८ ॥ सोजन्नं सुहिभावं सयणत्तं परिचयं च दक्खिन्नं । कुणइ धणड्ढेण समं दरिद्दिणा नेव सव्वजणो || ८९८९ ॥ जो भोयणवत्थाई ववहारे काउमक्खमा नूणं । जह मह तह अन्नाण वि न कीरए कावि पडिवत्ती ॥ ८९९० ॥ सुद्धा जाई सव्वुत्तमं कुलं निम्मला कलाओ वि । धणरहियाण न किंचि वि सया वि जेणेरिसं भणियं ॥ ८९९१ ॥ जाई कुलं कलाओ तिन्नि वि पविसंतु कंदरे विवरे । अत्थो च्चिय परिवड्ढउ जेण गुणा पायडा हुंति” ॥ ८९९२ ।। केणावि कारणेणं न इमेहिं पलोईओ इय भणंतो । नीहरिओ सो अवमाणदूमिओ नियगिहं पत्तो ॥ ८९९३ ॥ पियमइवारंतीए वि न ठिओ ता एत्तियस्स जोग्गो तं । इय जंपिरीए भज्जाए भोइओ सीयरब्बाइं ॥ ८९९४ ॥
Jain Education International
For Private & Personal Use Only
www.jainelibrary.org
