________________
६७१
भुवनपईवनिवकहा काउं पसायमाइसह ताय ! ईय भणइ पिउकमे नमिउं । तो से सायरखयरिंदपत्थणं साहए राया ॥ ८६२० ॥ सा आह ताय ! लग्गइ अंगे सोहग्गसंगओ सो मे । पुव्वभवुब्भवभत्ता अग्गी वा इह भवे नन्नो ॥ ८६२१ ॥ नायसुया अणुबंधो सम्माणियनहयरं विसज्जेइ । सो वि गओ वेयड्ढे निक्कज्जं किं विएसेण ॥ ८६२२ ॥ चिंतइ नहयरनाहो हिययगया दूमए मयच्छी मं । विरहजरजलणजालाजलिरंगं तट्ठभल्लि व्व ॥ ८६२३ ॥ सा मं तमन्नइ च्चिय ठाउमसत्तो न तं विणाहमवि । ता हरणमेवजुत्तं मह निवतणयाए इन्हिं पि ॥ ८६२४ ॥ अहवा किं हरणेणं सइ कुमरे तम्मि मह न सा होही । ता तं पच्छन्नं चिय हणेमि ईय चिंतिउं झ त्ति ॥ ८६२५ ॥ एगो च्चिय निसिनिग्गंतुमुवगओ कुमरवासभवणंते । “मारणमईए अहवा इत्थीलुद्धाण किमकज्जं ? || ८६२६ ॥ तिसिरदुवालसभुयएक्कतणुलयारद्धपेच्छणयछउमा । तमिहाणीओ तेणं मंतेणुग्घाडियपओलिं ॥ ८६२७ ।। तो सहसा संजाओ सुहडो आयड्ढियासि दुद्धरिसो ।। साहिक्खेवं रइयम्मि रणभरे सो जिओ तुमए ॥ ८६२८ ॥ "जे ससत्थपडिकूला जे वा वीसत्थघाइणो कुडिला । नियमेण पडंति च्चिय ते पुरिसा पावपहरया ॥ ८६२९ ॥ ता कुमर ! सो अहं नियदयाए हणणारिहो वि जो तुमए । मुक्को त्ति मए कहिओ तुह पुरओ निययवुत्तंतो || ८६३० ॥ इय जह खयराओ सुयं तह कुमरेणावि जाइसरणेण । सव्वं चिय सच्चवियं सिविणयदिह्र व तव्वेलं ॥ ८६३१ ॥ भणियं च खयर ! तुमए जह कहिओ तह मए वि पुव्वभवो । दिट्ठो जाइस्सरणेण तयणु तयं खेयरो भणइ ॥ ८६३२ ॥
Jain Education International
For Private & Personal Use Only
www.jainelibrary.org
