________________
भुवनपईवनिवकहा
जणया जणणीओ पियाओ पुत्तया बंधुणो य संसारे । मुक्का भुरिभवेसुं ता मोहो कहह को तेसु ? || ८५४२ ॥ “परमत्थेणं न कया वि वल्लहो अत्थि कोइ कस्सावि । सोयइ सव्वो वि जणो नियकज्जं चेव सीयंतं" ।। ८५४३ ॥ ता अहमवि नियकज्जप्पसाहणे उज्जओ इयाणि पि । ता मा भवह भवंतो सव्वे धम्मंतरायपरा ॥ ८५४४ ॥ गहिऊण वयं अज्जं भुंजिस्सं अन्नहा महाणसणं । तो नायनिबंधेणं निवेण मोयाविओ सेट्ठी ।। ८५४५ ॥ जणणी वि तत्थ पत्ता पुत्तेण कमे नमित्तु विणयपरं । पाएसु लग्गिऊणं बला वि मोयाविया अप्पं ॥ ८५४६ ॥ सम्माणिउं विसज्जइ वत्थाईहिं सपियं सुयं सेट्ठि । राया पवंचमईयं पि भणियं नायुज्जया होज्ज ।। ८५४७ ॥ कुमई पि भणइ वाहरिय मा पुणो इय करेज्ज अन्नायं । पुणरुत्तं न खमिस्सं ति भणिय तं पि हु विसज्जेइ ॥ ८५४८ ॥ न्हाणाई सव्वसिंगारसुंदरी सिबियमारुहिय पत्तो ।
इह एसो सेट्ठिसुओ पव्वईओ तुज्झ पच्चक्खं ॥ ८५४९ ॥ खयराहिरायवेरग्गकारणं पुच्छियं जमेयस्स ।
तं कहियं ता मोत्तुं कुसंगमायरह गुणिसंगं ॥ ८५५० ॥ "पायं विणस्स च्चिय पत्तकुसंगो जणो सुवित्तो वि । उरगओ असुइत्ते जुज्जइ परमो वि आहारो" ।। ८५५१ ॥ सगुणम्मि गुणाहाणं पावइ पत्तो जणो अत्तो वि । रमणी नयणे कसं पि कज्जलं सोहमुव्वहइ" ॥ ८५५२ ॥ काव्वो गुणिसंगो तम्हा पुरिसेण उज्झिय कुसंगं । पत्ते सिणिद्धदुद्धे मुद्धा वि किमंबिलं पियइ ?" ।। ८५५३ ॥
खयरवई पयंपइ पहू सिद्धिवद्दू वरो इमो होही । जो एक्कम्मि वि एवं पडिबद्धो आवयाए भवे ॥ ८५५४ ॥
Jain Education International
For Private & Personal Use Only
६६५
www.jainelibrary.org
