________________
भुवनपईवनिवकहा
वद्धाविऊण सेट्ठि गंतूण निए गिहम्मि सुत्ता सा । "निच्चिताणं निद्दा जायइ जइ वा किमच्छरियं ? ॥ ८५१६ ॥ सूरग्गमसमयम्मि वि सन्नज्झं तम्मि तम्मि भडविंदे । सपिओ वि कित्तिसारो निग्गंतुं ते पयंपेइ ॥ ८५१७ ॥ किं तुब्भे सन्नज्झह पिउणा अवमाणिओ गहियभज्जं । इह वसिय निसिविगमे जाव विएसम्मि वच्चिस्सं ॥ ८५९८ ॥
ता इह पविट्ठमेत्तो वि वेदिओ कहह को विणासो मे । ते बिंति निवामच्चे पुच्छसु जे तं धराविंति ।। ८५१९ ।। तेणुत्तं मह ताण वि तणओ न भओ जओ विसुद्धो हं । किं काही भव्वो वि हु वेज्जो नीरोयदेहाए ।। ८५२० ।। इय भणिरे सेट्ठिए आरक्खियमंतिणो समणुपत्ता । दट्ठूण सेट्ठिपुत्तं सकलत्तं विम्हया दो वि ॥ ८५२१ ॥ सुहडाण वि तेसि पि हु कहियं सव्वं पि कित्तिसारेण । रायसयासे नीओ भज्जा जुत्तो वि सो तेहिं ॥ ८५२२ ।।
रायडले निज्जंतं तणयं नाउं समागओ सेट्ठी ।
"इयरे वि सायर च्चिय सुयणा किं पुण न नियपुत्ते ? ॥। ८५२३ ॥ सुयसेट्ठिसुयनिवंतियनयणा पत्ता दुयं पवंचमई ।
“ का संका सक्खं रायवयणपत्ताभयाणहवा " ॥ ८५२४ ॥
असमाण पवंचमई मईए विजिय त्ति नागया कुमई । “ तत्थ न जंति सयन्ना पराजओ जायए जत्थ" ।। ८५२५ ।।
गंतूणत्थाणत्थं सव्वे वि निवं नमित्तु उवविट्ठा ।
“विणयप्पणई सस्सा सव्वत्थ वि किं न नमणिज्जे ? ॥ ८५२६ ॥
मंति सयासा सोउं भणइ निवो कित्तिसार ! किं एयं । सो आह जह पहू सुणइ तह इमं किं अलीएण ? ॥ ८५२७ ॥ "सयमेव देव ! विसयाहिलासिणो पाणिणो सया तम्मि । जो पुण परोवएसो घयाहुई सा हुयासम्मि ॥ ८५२८ ॥
६६३
Jain Education International
For Private & Personal Use Only
www.jainelibrary.org
