________________
धूवसुंदरनिवकहा
तं सोउं सो जंपइ पहु ! नूण महं कयत्थ मरणंतव्वसणविणिग्गएण तं जेण संपत्तो ॥ ८३०९ ॥
।
इय भणिय पणमिय मुणी लग्गो सो निययगाममग्गम्मि | गच्छंतो संपत्तो गामे सिरिसारनामम्मि ॥ ८३१० ॥ तम्मि तवणीयकलसं नहग्गलग्गं जिणालयं नियइ । सिंगग्गसंगिनवतरणिमंडलं उदयसेलं व ॥ ८३११|| तं दठ्ठे सो चिंतइ दिणदुगसंबलयदविणकीण | धूवेण जिणं पूइय पुन्नप्पसरं समज्जेमि ॥। ८३१२ ।। इय परिभाविय गहिउं कप्पूरागरुविमिस्सियं धूवं । पत्तो जिणालए पेच्छिउं जिणं हरसिओ दूरं ॥ ८३१३ || उल्लसिरमणो संदंतलोयणो वित्थरंतरोमंचो । पसरंतभत्तिभावो धूवं उक्खिवइ जगगुरुणो ॥ ८३१४ ॥ तयणु मणुयत्तनियजम्मजीवियव्वाण सहलयं कलिउं । वारं वारं भूमिलियभालमभिनमइ जिणनाहं ॥। ८३१५ ।। संचलिओ नियगामे पत्तो य तहिं पमुक्कअन्नाओ । तम्मि वि भवम्मि रिद्धी जाया से धम्ममाहप्पा || ८३१६ ॥ संपत्तआउअंतो जाओ अमरो सणकुमारे सो । नायं च धूवपूयाए अत्तणो तेण अमरत्तं ॥ ८३१७ ॥ परिभावई य जहा हं करेमि जिणमंदिरं जमिक्खेडं । जायइ भवंतरे मे बोहि त्ति विचिंतिउं तेण ॥ ८३१८ ॥ रइयं जुगाइजिणजुयमुत्तंगं जिणहरं कणयकलसं । दुट्ठदमयाभिहसुरो आइट्ठो तस्स रक्खत्थं ॥ ८३१९ ॥ जिणचवण - जम्म - दिक्खा - केवल - निव्वाणगमणदिवसेसु । समगममरेसरेणं भत्तीए महूसवे कुणइ || ८३२० ॥ इयसमुवज्जियसुकओ भुत्तं सुरलोयसंभवसुहाई । चविय तओ इह जाओ एसो हं तुम्ह पच्चक्खो || ८३२१ ॥
Jain Education International
For Private & Personal Use Only
६४७
www.jainelibrary.org
