________________
५३०
सिरिअणंतजिणचरियं एवं असरिसचिंताए सत्तिजुत्तस्स रायउत्तस्स । ईसालुयत्तनिद्दा न दिट्ठिमग्गे वि संपत्ता ॥ ६७९९ ॥ राएण वि अवहरिउं तरियं तमए कुमरहरणदुहं । इय चिंता विच्छाउ व्व होउमत्थंगओ चंदो ॥ ६८०० ॥ संतीए मए न कुमरकडयजणो पेच्छिही तमे कुमरं । ता जामि त्ति विभाविउमिव अवसरिया तमिस्सामि ॥ ६८०१ ।। रायसुयतुरयरयणं हरिणाहणियं ति जायसंकप्पो । रोसेण व आरत्तो मित्तो उदयद्दिमणुपत्तो ॥ ६८०२ ॥ गोसावसरे तस्सेयबिंदुसंदंतसाहिकलियाहिं । कुमरा सुह-दुहियाडइ दुमा वि अंणि व मुयंति ॥ ६८०३ ॥ तम्मि समयम्मि सीहो निद्दाविगमालसंगभंगेण । ताडेउं पिव मज्झं खामं पि हु खामयं नितो ॥ ६८०४ ॥ जिंभारंभवियारियमुहदढदाढा कडप्पकंतीए । नियदेहं अमायंतं नियतेयं वण्हिमिव खिवंतो ॥ ६८०५ ॥ दठूण वियडवडनिबिडविवडियं नरेसरं गरुहं । उक्खित्तकरचवेडो सीहो घुरुहुरिउमारद्धो ॥ ६८०६ ॥ तं दटुं चिंतइ रायनंदणो नूण पुव्वभववेरी । सीहसरूवो एसो को वि हु न मुयइ पहं मज्झ ॥ ६८०७ ॥ तो मारेमि दुरायारमेयमियचिंतिऊण कुमरेण । गहिया कट्ठीतट्ठाओ असिधेणू तिव्वतरधारा ॥ ६८०८ ॥ तो तीए छेत्तूणं वडयाओ दीहरो करे गहीओ । छुरियाए घडियाओ खित्तं विहिओ तिक्खग्गो कुंत अंतं वा ॥ ६८०९ रे रे तिरियाहमदुट्ठ ! सम्मुहो होसु संपयं मज्झ । जिणिम्हि धिट्ठ ! धुवं मरिसि त्ति पयंपइ कुमरो ॥ ६८१० ॥ तं सोउं दढदाढाविडिंबियाणणभयाणओ सीहो । विहियतलप्फोडं कुमराभिमुहं रोसेणमुच्छलिओ || ६८११ ॥
Jain Education International
For Private & Personal Use Only
www.jainelibrary.org
