________________
४३९
तवोवरिचंदकंतकहाणयं जय-..-तामरसे पणओ भमरस्सिरिं पयासंतो । ते. वि उवखवियसिणेहसारमइगाडमुवगूढो ॥ ५६२५ ॥ जागीर ओ तीए दित्तासीवायजायसंतोसो । आइच्छिा य दोहिं वि कुसलं तो नमिय इय भणइ ॥ ५६२६ ॥ तुम्ह पयपउमसुमरणपभावअवहरियदुरियपसरस्स । मह सव्वया वि कुसलं जायं सकलत्तकलियस्स ॥ ५६२७ ॥ विलसिरनीरंगी वि हु अजडप्पयई समागया बहुया । ससुरय-सासुयपयपंकयाण भत्तिब्भरा नमइं ॥ ५६२८ ॥ भव्वं भवेज्ज तं अम्ह गोत्तपासायकेउरुप्पस्स । जणइत्ती चारुसुयस्स इय तया तीए संतुट्ठा ॥ ५६२९ ॥ पिउणो गणिमाइधणं, वसंतदेवेणमप्पियं सव्वं । अम्मा-पिउपच्छन्नं न धरति सिरिं कुलीणा जे ॥ ५६३० ॥ निवपेसिएहिं उत्तमवत्थेहिं रयणभूसणेहिं च । सोलंकरउ सरीराणि जणणि-जणयाण हरिसेण ॥ ५६३१ ॥ तो सेट्ठिणा पउत्तो पुत्तो मह कहसु वच्छ ! गमणाइ । आगमणे तं निययं वुत्तंतं तयणु सो कहइ ॥ ५६३२ ।। ताय ! तया तुम्ह सयासओ अह सत्थवाहसत्थस्स । मिलिउं चलिउं रन्ने समागया भिल्लभडधाडी ॥ ५६३३ ॥ तुम्ह पसायओ ताय ! ते मए थंभिउं भडा बद्धा । नीया य अरन्नं तं मुक्का वलिया विलक्खमुहा ॥ ५६३४ ॥ सोहग्गपुरे सोहग्गसुंदरो साइणीहिं संगहिओ । मरणावत्थो वि निवो तुहप्पभावा कओ भव्वो ॥ ५६३५ ॥ तो तेण कयसुसिरोमाणिणा मित्तेण छत्तपमुहा मे । दिन्ना सिरी तहा तप्पहाणलोएण वि पभूया ॥ ५६३६ ॥ निवमोयावणवेरेण छलियहं साइणीहिं तह विहिओ । निज्जीवो त्ति मसाणे मुत्तुं मं नरवई चलिओ ॥ ५६३७ ॥
Jain Education International
For Private & Personal Use Only
www.jainelibrary.org
