________________
४०६
सिरिअणंतजिणचरियं तो रयणविमाणे तं आरोविय सुरदुगेण सहसक्को । कल्लाणपुरे पेसिय सयमणुपत्तो अमरलोए ॥ ५२०१ ॥ सिग्धं पि चंदकतो, पत्तो नयरम्मि तम्मि गयणेण । पेच्छिज्जंतो उग्गीवुत्ताणियनयणलोएण ॥ ५२०२ ।। नरनाहप्पासायासन्नम्मि विमाणमागयं गयणे । पेच्छंताणं निवाईण विम्हिओ फुल्लनयणाण ॥ ५२०३ ॥ तो एगेण सुरेणं पडिहारपवेसिएण नरवइणो । कहियं नरिंद ! एसो पत्तो चंदावलिपियो त्ति ॥ ५२०४ ॥ रायाह समेउ लहुं जामाऊ मज्झ जेणिमो अमर ! । तयणु विमाणा पत्तो निवंतियं चंदकंतो वि ॥ ५२०५ ॥ अमराभरणपहाभरदुनिरिक्खो दिणयर व्व विम्हयइ सहं । नमइ महिमिलियमउली सो नरवइपायसयवत्तं ॥ ५२०६ ॥ सम्माणपुव्वमुववेसिऊण सो पुच्छिओ कुसलवत्तं । तो विणयप्पणओ आह नाह ! कुसलं तुह पसाया ॥ ५२०७ ॥ तयणंतरमवणिवई साहइ से तुरय-हरण-सुयलाहे । चंदावलीए मिलणं च तो इमं सो पयंपेइ ॥ ५२०८ ॥ पहु ! तुब्भे बालयपुन्नपगरिसागरिसियागया तत्थ । दूरत्थं पि हु नियडं जइ जायइ सपुन्नाण ॥ ५२०९ ॥ मुत्तुमुवेहं बालस्स देव ! तुन्भेहिं तत्थ उवयरियं । भुवणोवयारयाणं जइ वा किर केत्तियं एयं ? ॥ ५२१० ।। चंदावली वि पत्ता, पहुणा तणयत्तणेण दिट्ठा सा । किं चोज्जमिमं तेसिं, जयमवि जेसिं कुडुबत्ते ॥ ५२११ ॥ विहिणा अहमवि सामीण मेलिओ नियपियाए मिलणत्थं । संघडइ दुग्घडं पि हु किं वा न विही कयपयत्तो ॥ ५२९२ ॥ ता सामि ! नो गमिस्सामि कत्थइ चईय तुम्ह पयसेवं । पावेउं कप्पद्रुमसमक्तत्तो जाइ तज्जडो वि ? ॥ ५२१३ ॥
Jain Education International
For Private & Personal Use Only
www.jainelibrary.org
