________________
अणंतजिणजम्मवण्णणं
तीयुत्तं देव ! पयप्पसायओ ता पडुत्तमंगे मे ।
ता उवविसह त्ति तओ, उवविट्ठो आसणे राया ।। १५९७ । तो दिव्वाभरणालंकियं सुयं अप्पर पिया रन्नो ।
दोहि वि करेहिं तं धरिय नियइ सव्वंगमवणिवई ॥ १५९८ ॥ गंभीरस्स वि रन्नो, तोसो सुयदंसणा न माइ मणे । उल्लसइ सहेलं किं न जलनिही ससिसुयं छं ॥ १५९९ ॥ उववेसिउं तयं आसणम्मि जंपइ महीवई देवि ! । सव्वंगलक्खणो तुह, तणओ तिहुयणप्फूडो होही ।। १६०० ।। निस्सेसदिसिविसप्पिर अरुणारुणनियसरीरदित्तीए । दीवयपहं हरंतो, न सहइ तेयस्सियाणं व ।। १६०१ ।।
पूरंतो दिसिचक्कं कणयमयाभरणफुरियकंतीए । भुवणस्स विईयदाहं कणयं ति पयासइ व्व इमो || १६०२ ॥ वज्जं वसुहाचक्कं पयलग्गाहं कहंति वयमस्स ।
अम्हे धरंति जे ते वि इव तुमं सेवइस्सं ति ।। १६०३ ||
ता ससिमुहि ! न दुइज्जा, तिजए वि समत्थि तुह समा रमणी । जा सिविणचउद्दसगं, दठ्ठे एरिस सुयं जणिही || १६०४ || अहमेव पुन्नपत्तं, तिहुयणमज्झम्मि सुयणु ! नऽन्ननिवो । भुवणाभरणं सव्वंगलक्खणो जस्स एस सुओ ॥। १६०५ ।। तीयुत्तं सुकयसमस्सियाण सव्वं पि सामि । संभवइ । दुक्कयकडक्खियाणं, न करे चिंतामणी चडइ || १६०६ || सोऊण पिया जंपिय- सव्वं तप्पमुईओ महाराओ । कारविय पढमवासरसमुचियकिरियाओ बालस्स ।। १६०७ ।।
सुयदंसणपरमाणंदरसवसुल्लसियरम्मरोमंचो ।
गंतुं सहाए उवविसिय लोयसम्माणमायरइ || १६०८ || (जुयलं) सुरवइसंकामियनिययकरयलंगुट्ठयामयरसेणं ।
मुहनिहिणं नाही पावइ तित्तिं बलो य करिं । १६०९ ॥
Jain Education International
For Private & Personal Use Only
१२७
www.jainelibrary.org
