________________
१२५
अणंतजिणजम्मवण्णणं तुब्भे वद्धावेज्जह, निव-पुत्तुप्पत्तिऊसवेणं ति । जंपता रायभडा, गिण्हंति जणुत्तरीयाइं ॥ १५७१ ॥ पडिमंदिरं पि गज्जंति रायचरियाई वज्जिराउज्जे । दीवूसवे व्व (सव्वे वि भमइ) सिंगारिओ लोगो ॥ १५७२ ॥ पसरंतकिरणभरदूरवलोयभूसणविराईओ राया । उवविट्ठो रयणसिहासणम्मि परमूसवं नियइ ॥ १५७३ ॥ उत्तत्थहरिणनयणीओ, चंदवयणीओ पीणसिहिणीओ । कलहंसगमणाओ, जुवजणसंजणियमयणाओ ॥ १५७४ ॥ वज्जिरवद्धावणयच्छंदपयट्टत-चारुनट्टाई । समरड्ढरईयसिंगारसारया हरियलच्छीओ ॥ १५७५ ॥ मणसम्मयरायाणुगयगीयसरिविजयकिन्नरसराओ । चच्चर-चउक्क-गोउर-तियठाणाहियविलंबाओ || १५७६ ॥ पयचारिणीओ अंतेउरीओ सामंतमंडलीयाण । नियनियनाहेहिं समं, निवइं वद्धाविउमुर्विति ॥ १५७७ ॥ (कुलयं) सामंतमंडलीयातो, ते निव-पाय-पंकयं नमिउं । उवणिंति करि-तुरंगम-रह-वत्थाभरण-कोसल्लं ॥ १५७८ ॥ जंपंति य पहु ! तुन्भे, वद्धाविज्जह महापभावस्स । जम्मेण दिणयरस्स व, सुयस्स सुहयाहियगयस्स ॥ १५७९ ॥ अच्चन्भुओ भविस्सइ, उदओ तुह सामिसाल ! रज्जस्स । कहमन्नहाअमरीहिं देवी सुस्सूसिया देव ! ॥ १५८० ॥ राया वि ताण करि-तुरय-वत्थालंकार-देसदाणेण । अंतेउरजुत्ताण वि, सम्माणं कुणइ संतुट्ठो ॥ १५८१ ॥ अक्खयवत्तट्ठियवस्थभूसणा इंति सेट्टिकंताओ । वद्धाविय निवई जंति, पत्तआभरणवत्थाओ ॥ १५८२ ॥ कंकणसरलुत्तरिया, कुंडल-केऊर-हारलंकारा । वरवत्थाई विविहाइं, पउरलोयस्स दिज्जंति ॥ १५८३ ॥
Jain Education International
For Private & Personal Use Only
www.jainelibrary.org
