Page Text
________________
॥ णमो त्यु णं पढमाणुओगधराणं ॥
सीलंकायरियविरइयं च उप्पन्नम हा पुरिस चरियं
[कहापीढं]
॥ नमो अरहंताणं ॥ णमह जयमंगलहरे अणाइणिहणे अणंतवरणाणे । जोईसरे सरण्णे तित्थयरे पंतसुहकलिए ॥ १॥
पणमह णाहिणिमित्तुन्वहंतपमं अणण्णपैडिबुद्धं । कमलालयमजलमउबमुसहममिलाणकमलं व ॥ २ ॥ अवि य
धम्मवरचक्कवट्टी पयडियसुर-णरय-मणुयसिवमग्गो । मह सामियो त्ति होही तिहुयणलच्छीए पेंडिबुद्धं ॥ ३ ॥ लच्छी कलाण कलिऊण अत्तणो कालमागयमणग्यं । विप्फुरइ फुरियजयणाहसम्भवे भरहवासम्मि ॥ ४ ॥ चिरयालपीलियाए वि दयाए जिणसम्भवं मुणेऊण । अप्पा आसासिज्जइ सहसा सह जीवलोएणं ॥ ५॥ होही अणण्णसरिसो मम दइओ उवह रायलच्छी वि । महमहइ अपते चिय महिलातरलत्तणगुणेण ॥ ६॥ कलिऊण कवलियमिणं जयमसमंजसविहाइमोहेण । उइओ किल जिणमूरो ति वियसियं णाणलच्छीए ॥ ७ ॥ णीइ-सिरीहि वि सहस ति वियसियं जाणिऊण जयणाहं । होन्तऽवरभरहसंमममणन्तसियदाणदुल्ललियं ॥ ८ ॥
होही तित्थं तित्थाहिवम्मि जायम्मि भरहवासम्मि । हरिमूसुयहिययाए पवयणलच्छीए पडिबुद्धं ॥ ९ ॥ इय कयभवम्मि जम्मि उ भरहम्मि समाउलाहिं लच्छीहिं। ऊससिय ति पयच्छउ सुहाई सो वो जुयादिजिणो ॥१०॥ णमह सइ बद्धमाणं लक्खिज्जइ जस्स सासणं विउँलं । विमलं पि दूसमाए ण चेवे मालिणा वि सा तत्थ (?) ॥११॥ अवि य
गब्भभरणीसहा तम्मइ ब्व मुणिऊण जस्स मुहजणणो(?णी)। गम्भंतरसंकमणं कीरइ तुरियं सुरिन्देणं ॥१२॥ दोण्डं मज्झे गम्भाण जेण वसिऊण पयडियं एयं । 'त्थि किल सा अवस्था कम्मवसा जा ण संपडइ' ॥१३ ।। कयतिहुयणगुरुडिम्बम्मि सहइ जम्माहिसेयसँमयम्मि । जस्स मुरिंदासंकाविहाइ चलणग्गदुल्ललियं ॥ १४ ॥ दप्पुखरसुरसमणेण जेण बालतणे ववत्थवियं । वयणं सुराहिवइणो कयजणमणगुरुचमक्कारं ॥ १५ ॥ गहियणियमस्स जस्स य दवाइअभिग्गहे चउवियप्पे । पुण्णम्मि कुसुमवुट्ठी मुक्का तुढेहिं तियसेहिं ॥ १६ ॥ अणुकूलेयरगुरुओषसग्गसहणेण जेण संगमओ । 'कम्मखेमणुज्जमंतस्स मह सहाउ' ति पडिवण्णो ॥ १७ ॥ रक्खंतेण महिंदाउ जेण चमरं पसासियं लोए । 'पायच्छाया वि समत्तसत्तरक्वक्रवमा णिययं ॥ १८ ॥ वरसिद्धिपुरिपवेसम्मि चंद-मूरेहिं सह विमाणेहिं । पीरायणं वे कीरइ पयाहिणं से समोसरणे ॥ १९॥ इय तं गम्भाहाणाइगरुयलोउत्तरऽभुयविहाणं । गुणणि म्मियाहिहाणं पणमह णिच्चं महावीरं ॥ २०॥
सेसे वि य बावीसं बावीसपरीसहोहविद्दवए । पणमह दुत्तरसंसारसीयरुत्तरणसेउवहे ॥ २१॥ सा जयइ जीए कमलं दाहिणहत्थेण वुभइ सयण्हं । जाणउ जणो ससक्खं कमलस्स मुहस्स य विसेसं ॥ २२ ॥ खणमेत्तं पि ण मुच्चइ पोत्थयरयणं पि जीए गुणकलियं । 'सुयणाणे अपमाओ कायवो' देसणत्थं व ॥ २३ ॥
१ औं नमः सर्वज्ञाय ॥ जे । २ मंगलघरे जे । ३ तपह सू, तवम जे । ४-५ पडियुद्ध सू। ६ विप्फुरियफु जे। ७ पीडियाए जे । ८ मह दतिओ जे । ९ उतिओ जे । १० णामल सू । ११ पडियुद्ध सू। १२ सियन्ति पंजे । १३ विपुल जे । १४ चेव
मणाणा वि सू । १५ णत्थि सा किल असू । १६ रुडिभम्मि सहति जसू । १७ समयसि जे । १८ तणे वि वित्थरियं सू । १९ Jainखवणु जे । २० ब्व सू । २१ णिज्जियाभिहाणं सू । २२ सेसा जे । २३ सागर जे ।
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |