Page Text
________________
[५४ वद्धमाणसामिचरियं]
परजणइियत्थकज्जे समुजया जणियविविहविग्या ।। णिवाहन्ति चिय तं पुणो वि शृणं महापुरिसा ॥१॥ 'कह चिय?
अस्थि इहेव जंबुद्दीवे दीये भारहे वासे माहणकुंडग्गामो णाम गामो। तत्थ कोडालसगोचो [उसहदशो णाम बंभणो। तस्स देवाणंदा भारिया । तीए सह जहामुहं वसन्तस्स गच्छंति दियहा । इयो य तओ पुप्फुत्तरविमाणाओ आसाढसुद्धछट्ठीए हत्युत्तराहिं चइऊण अणेयभवाईयमिरीइजीवसुरवरो 'अहो उत्तम मह कुलं' ति दुरुत्तवायावइयरावज्जियकम्मकिंचावसेसत्तणो समुप्पण्णो तीए वम्भणीए उदरम्मि । दिट्ठा यणाए सुहपसुत्ताए तीए चेव रयणीए पभायसमयम्मि गय-सहाइणो चोदस महासमिणा । पुणो पडिणियत्तमाणा दळूण ससज्झसा विउद्धा । साहियं दइयस्स । सो वि हु अयाणमाणो ठिओ तुहिक्को। . एवं च पक्ड्ढमाणम्मि गब्भे गए हैं बानीदिणेसु ताइ चलियासणोहिप्पओएण सुराहिचइणा मुणिओ भयवओ गम्भसंभवो । चिंतिउं च पयत्तो-एवंविहा महाणुभावा ण तुच्छकुलेसु जायन्ति । त्ति चिंतिऊण अवहरिओ बंभणीओ(ए) गब्भाओ भयवं । पक्खित्तो इहेब जंबुद्दीवे दीवे भारहे वासे उत्तुंगधवलपासायसिहरोवसोहिए 'तीर(? खत्तियणगराहिहाणे पुस्वरे । जहिं च मंतिलत्तणं महाणसधूमेसु, ण सच्चरिएसु; मुहराओ भवणकलहंसेसु, ण कोवेमु चवलत्तमं कयलोदलेसु, ण मणेसु; चनखुराओ परहुयासु, ण परकलत्तेसु, थणफंसो वेणुयासु, ण परमहिलासुं। पक्खवाओ तंवचूलेसु, ण विवाएसु; मुहभंगो जराए, ग धणाहिमाणेणं जगस्स त्ति । तत्थ दिगयरो व पवड्ढमाणोयओ, सुरकरि व अणवरयपयत्तदाणोल्लियकरो, णियपयावावज्जियणमन्तसामन्तमउलिमालच्चियचलणजॅवलो इक्खागवंसपभवो राया णामेण सिद्भत्यो त्ति । जो य आलओ गुणगणाणं, कुलभवणं कलाविसेसाणं, आसओ सव्वसत्थागं, उप्पत्ती ससहरस्स व रोहिणी सयलन्तेउरप्पहागा तिसलादेवी गाम पणइ . अचन्तदइयत्तणओ य जेसु जेसु उज्जागकीलाविसेसेसु बच्चइ राहिवो तहि तर्हि तं पिणेइ त्ति ।
अण्णया य गामाणुगामं गच्छमाणो कीलाणिमित्तमागओ णियभुत्तिपरिसंठियं कुंडपुंर णाम नयरं । जहाविहाक्यारेण पविट्ठो णिययमंदिरं । आगओ सयलो वि पुरजणवओ दसणत्यं । सम्माणियविसज्जियम्मि पउरलोए विसिट्ठविणोएण अइवाहिऊण दिणसेस पसुनो वासभवणम्मि । णिवण्णा तयन्तिए देवी । समागया सुहेण णिहा । तओ पहायप्पायाए रयणीए चउडसमहासुविणाणुकूललाभसंसूइओ समुप्पण्णो आसोयतेरसीए हत्थुत्तराहिं तिसलादेवीए गम्भम्मि । पहायसमयम्मि पडिबुद्धाए य साहिओ राइणो सिविणयवइयरो । तेणावि भणियं-सुंदरि ! सयलतेल्लोकलग्गणक्खम्भभूओ पुत्तो ते भविस्सइत्ति । बहमणियं च इमीए। पहरिमुल्लसन्ततणुलया य गया णिययमावासं । एवं च पइदिणं संपजन्तसविसेसमुहपरिभायाए बढिउमाढत्तो गब्भो । केरिसा य देवी दीसिउं पयत्ता?
साँऽऽहाणमइ-सुया-ऽवहिपसरपडिप्फलियदोसपब्भारा । घणवडलन्तट्ठियदिणयर व्व पडिहाइ दिणलच्छी ॥२॥ अहिययरं परिउब्भडलायण्णामलपसाहियावयवा । आसण्णोययससिविम्बभूसिया उययभित्ति च ॥३॥
पसरन्त निम्मलत्तणपहपसरुज्जोयजणियसोहग्गा । अन्तोफरन्ता(? न्त) [?मुत्ता हलुज्जला जलहिवेल ॥४॥ इय गम्भन्तट्ठियजिणचरिंदसविसेसभूसियावयवा । सहइ दरुग्णयदिणणाहभूसिया वासवदिस च ॥५॥ तओ अइक्कमंतेसु पउरवासरेसु परिवड्ढमागो वि भययं अञ्चन्तकारुण्णयाए मणयं पि जगणीए पीडं गाउप्पाएइ।
'कह चिय' इति जेपुस्तके नास्ति । २ "सु चउप्पणदिणेसु सू। ३ पायारसिजे । ४ तीए णगरा जे। ५ मलिणतण जे । ६ चंचलन जे । ७ जुयलो जे । ८ रस्सेव रोजे । ९ भुत्तिसं सू । १. पुरवरं णाम जे । ११ तणुया य गया गिययावास जे । १२ साहीण सू। १३ हस्तद्वयान्तर्गतः पाठो जेपुस्तके नास्ति ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |