Page Text
________________
२६८
चउप्पन्नमहापुरिखचरिय। इय 'आयण्णइ सुइमुहविसहरबहुजणियगीयसंसदं । दोहयजलहरपसरविसहरंगट्टियजिगिंदं ॥ ३०३ ।। तोदट्ठण भुवणगुरुणो महाइसयसंपत्तिं गरुयविम्हयक्खित्तमाणसो पणमिऊण जिणयंदं । उवसन्तदप्पपसरो असुरो पत्तो य णियठाणं ॥ ३०४॥ फर्णिदो वि थुणिउमाढत्तो, कह ?पणमामि तिहुयणेकल्लधीर ! वम्महपयावणिम्महण ! । जिण ! दुज्जयगरुयमुरोवसग्गसंसग्गकयभंग ! ॥ ३०५ ।। ण हु णवरुत्तारइ दुहरयाओ तुह गोत्तकित्तणं णाह ! । तुह पायरओ वि तणुम्मि पवणविहुओ वलग्गंतो ॥३०६।। मुरहित्तणाहिरामा सुहोवहोज्जफ(प्फ)ला दयं काउं । तुम्हेहि पुण्णरौसी परूविया धण्णरासि व्य ।। ३०७ ॥ ताव चिय दुहरविकिरणणियरसंतावताविया होति । जावऽल्लियन्ति ण य तुम्ह चलणजुवलायवच्छायं ।। ३०८।। यम्महगिम्हुम्हागयमायामायण्हियाए णडि एण । तुह वयणजलं पत्तं पिवासिएणं व णाह ! मए ।। ३०९॥ संभिण्णतिमिरपडलम्मि तइ मए ससहरे व्व सच्चविए । जलणिहिणो वेलाए ब्व णिव्वुयं मज्झ मणपुलिणं ॥३१०॥ मुरगिरिसिहरे व्व समुण्णयम्मि ठाऊण तह(? इ) मए णाह !। णिवडन्तो पुलइज्जइ कुतित्यपंथेण बालजणो॥३११॥ इय ललियलोयणुव्वेल्लपत्तकरपल्लवे तइ जणस्स । कप्पतरुम्मि व जायन्ति सेविए सयलसोक्खाई ।। ३१२॥ एवं च भत्तिभरुल्लसंतपुलयपडलुच्चइयचारुदेहो थोऊण तिहुयणगुरुं गओ सट्टाणमुरगाडिई।
भयवओ वि अणिचाइभावणुब्भडवियम्भन्तमुक्कझाणाणलपुलुट्ठसयलकम्मिंधणस्स चित्तकिण्हचउत्थीए विसाहाहिं समुप्पण्णं केवलं नाणं । तओ दिणणाहस्स व गरुओययसमुम्मिल्लतेयपयरिसो वियम्भिओ तणुम्मि पहापंसरो, पज्जलियसिहिसिहाकलावविन्भमफुरन्तधारुधुरं संठियं पुरओ धम्मचकं, सयलसंसारवासविच्छेयणुच्छलियजसवियाणं व पसरियं णहमंडलम्मि सेयछत्ततियं, अद्दिवज्जिरुव्वेल्लगहिरघणरवोरल्लिमुंदरो रसिउं पयत्तो दुंदुहिरवो, उच्छलियमुरहिपरिमलायड्ढियालिमुहला णिवडिया णहंगणाओ सुरकुसुमबुट्ठी।
णवरि य परिमंदागयपवणुच्छिप्पन्तबहलधूलिल्लं । णहमंडलोपरिट्ठिय(य)घणसलिलोयड्ढमहिवढे ॥ ३१३ ।। वणसिरिविमुक्कबहुवण्णकुसुमबॅटट्ठियाहिरामेल्लं । रययकलहोयणिम्मलघडन्तपायारतियवलयं ।। ३१४॥ मयवइसणाहविरइयगिरिकडयणिहासंणोवसोडिल्लं । संजणियकप्पपायवपसूयपरिमलियसबदिसं ॥३१५॥ इय सयलमुरा-ऽसुर-गर-तिरिक्लपब्भारधारणसमत्थं । तियसेहिं समोसरणं आजोयणमंडलं रइयं ॥ ३१६ ।।
तओ तप्पहावुप्पण्णकणयकमलरिंछोलिणिहित्तपयणिक्खेवो अविहावियसुरकराहउच्छलन्तवजिराउज्जपडिरवो विमुकजाणवाहणोइण्णासुरगणकीरन्तजयजयारवो सुरवइकरकलिउव्वेल्लमाणचटुलचमरवीइज्जमाणो आसण्णकप्पपायवुप्पण्णविविहरयणकुसुमोवहूसिए णिसण्णो भयवं सीहासणे। णिसण्णस्स य जयगुरुणो महियललुलन्ततारहारयं सुरगणा पगमिऊणोवविठ्ठा जहोइयट्ठाणेसुं।
ताव च चउमु(म्मु)हटियसयलजणाणंदसुंदरालोयं । रुवं पवरसुराऽसुर-णर-तिरियविदिण्णसण्णेज्झं ॥ ३१७ ॥ णवरि य कयतित्थपणामपुव्वयं घणघणेन्तपडिरवो(? स्वओ)। आढत्तो सम्मइंसणाइयं साहिउं धम्मं ॥ ३१८॥ जह गुरुपरिग्गहारम्भभरवियम्भन्तकम्मघणबंधा । जीवा णिवडन्ति दुहोहदुत्तरे णस्यकूवम्मि ।। ३१९ ।। जह य दुसहाई तक्खणसंगयसंभमविणासपिसुणाई। मुइरं दुहाई पावन्ति थावरत्तम्मि पाणिगणा ।। ३२०॥ जह डहणं-इंकण-वाहण-बंध-वह-च्छेयसंभवं सुइरं। तिरियत्तणे वि अइरेयनिन्भरं अणुइवन्ति दुहं ॥ ३२१॥
१ आइण्णइ सू । २ द । गओ निययट्ठाणं उवसम्गकारो । फणिदो जे । ३ 'राती सू। ४ तुह सू । ५ पयरिसो, ५ जे । ६ 'सलिलोपुट्ठम जे । ७ सणोयसो सू। ८ वखसम्भावा ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |