Chaupannamahapurischariyam

SR No.: 001442
Original Sutra Author: Shilankacharya
Author: Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2006
Total Pages: 464
Language: Prakrit, English, Hindi
Classification: Book_Devnagari, Literature, & Story
File Size: 14 MB

Page 347

२६४
चउप्पन्नमहापुरिसचरियं । तो मुणियरसे वि रसंतरा णियन्ती गयालिमाल व्च ।ण रमइ दिट्ठी दइयाण वयणकमलम्मि तस्स फुडं ॥ २३३॥ तं चिय विलासमंडलमेणोहरिल्लं पि तुंगथणवढं । पोग्गलपरिणामविहावणाए अण्णं व परियत्तं ॥२३४॥ तं चिय णियम्बबिम्ब पवियडकडिघडियकंचिराहिल्लं । बहुविहबच्चोमलभायणं व चित्तं ण रामेइ ॥ २३५ ॥ इय जाओ पवणुदधुयकिसलयपरितरलैसयलविसयसुहो । सिद्धिसमागममुहलंभणिभरोवायतल्लिच्छो ॥२३६॥
णवरि य मोक्खमुहसंगमूसुयं जाणिऊण भयवंतं समागया लोयंतियसुरगणा, चलणमिलंतुत्तिमंगा य पणमिऊण भणिउं पयत्ता-भयवं ! ण अम्हाणमेसोवएसो, किंतु 'लोइयहिति' त्ति कलिऊण भण्णसि त्ति, ता पसरउ केवलपरकमो- . जल्लावज्जियमपडिहयं तुम्हाण सासणं, णिव्वाउ दुहजलणजालावडालिणिवडियं सयलं पि तिहुयणं, पवत्तिज्जउ विसुद्धदसणमग्गावयारदिण्णसुहपरिभोयजहिच्छियत्थं तित्थं, गिण्हउ पवरपायवैस्स व तुम्ह वयणफलं सयलजियलोओ, सुमरिजउ य जम्मतरतवावज्जियसुरलोयपाणयवियम्भियं । एवं च विणओणयसुरगणवयणविण्णासपडियोहिज्जमाणो विणियत्तसंसारवासंगवामोहो 'णिदारससमओ व्च पडिभग्गमहुमासच्छणो परियत्तो णयरीसमुहं । पविट्ठो सुइझाणं व णिययमंदिरं ति । तओ अत्यंतरसुवगओ दिणयरो।
हा गवरि य परिभावियजीवलोय[स]विसेसलद्धपरमत्थो । सूरो वि मुक्कभवणो मणो व अत्यंतरं पत्तो ॥२३७॥ परिहाइ समं पंकयसिरीए पप्फुरियवासरच्छाया । विहडइ रहंगसंगो मणोरहो दुग्गयाणं व ॥ २३८॥ जह जह जायइ वियलन्तकिरणपसरो सुलोयणो लोओ। तह तह देइ रहंगाण जलगयाणं पि संतावं ॥२३९ ।। परिसण्हकिरिणपम्हउडपरिययं सुहविलोयणालोयं । दीसइ समुद्दसलिलम्मि कणयकमलं व रविबिम्बं ॥ २४० ॥ पविसइ सायरसलिलम्मि तुंगगिरिसिहरि(र)लग्गिरग्गिकरो । मज्जणकयाहिलासो व्व सणिय सणियं दिवसणाहो ॥२४१।। दिणदइयचुंवणायम्बिउव्व(द्धोडं पच्छिमाए अहरं व । पेच्छंति उरत्यायंतमंडलं भाणुणो बिम्बं ॥२४२ ॥ थोवणिबुड्डन्तायम्बविम्बवियलन्तवासरच्छाओ। राहुवयणे व्य अस्थायलम्मि सूरो समुत्थाओ ॥२४३॥ इय अत्यंतरपत्तम्मि सयलजियलोयबंधवे सरे । सोएण व सयलदिसाण होन्ति कसणाई वयणाई ॥२४४॥
तओ अत्यंतरमुवगए दिणयरम्मिक णहणिण्णयाकणयकमलपरायरायि व्य समुच्छलियाँ संझापहा, दिणुब्भडपहरच्छेउच्छलियसोणियप्पवाहो ब्व संजाओ पच्छिमदिसाहोओ। एवं च कणयगिरिधाउणियरोव्व णहजलणिहिविद्दुमप्पहाणिवहो व्व वारिहरतरुपल्लवुप्पीलो व्च पसरिओ संझाराओ, रयणिवहुदिण्णभुवणभवणपदीवकज्जलसिह व्व पसरिया तिमिरपत्थारी, रविविरहमुच्छि[या]ए व्व भुवणलच्छीए समुच्छलिया कसिणिमा, णिदलियसंझाविद्दुमवणं गयउलं व समोत्थरियं तिमिरवडलं, मित्तविहुरलद्धावसरो खलयणो ब्व समुम्मिल्लो तारयाणियरो । ताव य दीसिउं पयत्ता उययायलफैलिहकडयच्छवि व्व चंदप्पहा, लद्धपसरा य पसरिया मंदं मंदं ससियेरा,
णवरि य उयय धराहरसंचुणियधातुकद्दमायम्बं । ससिबिंब लक्खिज्जइ दिसागयंदेवकुम्भं व ॥ २४५॥ उव्यहइ दरुग्गयससिमयूहपडिहयसमुद्भडतण्णा(मो)हं । पुष्वदिसायोवुल्लसियसच्छकसणावरिल्लं व ।। २४६ ।। संपुण्णमयं णिवडियमंडलं सहइ णहसरोवगयं । अंतोणिहुयट्ठियलीणभसलकमलं व ससिबिम्ब ।। २४७ ॥ उययाहिंतो जह जह आरुहइ णहंगणम्मि पसरिल्लो । करतालणाभएण व तह तह विवलाइ तमणियरो॥२४८॥ इय ससियरपडियग्गियपणट्ठतिमिरं मुहुन्भडालोयं । अण्णमयं पिच जायं भुवणं दीसन्तसम-विसमं ॥ २४९॥
१ मणोरहिल पिसू । २ लविसयसंगसुहो । ३ तुम्ह सासू। ४ वस्सैव सू । ५ निदासमओ जे । ६ हस्तद्वयान्तर्गतः पाठो जेपुस्तके नास्ति । ७ या संझाविद्दुमवणं गयउलं व समों जे। ८ फलियकडया छवि जे, फलिहकडयबिम्ब [व] चंदप्पहा सू । ९ यरा। तओ चंदिमावियासपसरभूसियम्मि भुवणाभोए, परियट्टिए कामिणीपियबंधवे पोससमए, मणहररइसुहपरिभोयक्खित्तचित्तेसु सयलसत्तलो[?एसु]-अह एरिसे पओसे सिद्धिजे,(२५४ गाथायाम्)।
..www.jainelibrary.org