Chaupannamahapurischariyam

SR No.: 001442
Original Sutra Author: Shilankacharya
Author: Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2006
Total Pages: 464
Language: Prakrit, English, Hindi
Classification: Book_Devnagari, Literature, & Story
File Size: 14 MB

Page 341

२५८
चउप्पन्नमहापुरिसचरियं । पउरपयतमंदमयरंदमणुज्जलदलविसेसयं, परिमलमिलियभसलचलपक्खयदप्पियगम्भकोसयं । सुरतरुकुसुमकेसरुक्केरविणिमाणि(?णी)यसरूवयं, सुसुरहिगंधगम्भिणुभासिययं वरकुसुमदामयं ॥१४२ ॥ पसरियकिरणजालसंवलियसमुज्जलकेसरालयं, सियपप्फुरियचंदिमुद्दामविहावियफयरसोल्लयं । महुमयमुइयणिहुयमयमहुयरसंसियमज्झवासयं, जामिणिणलिणियाए सेयम्बुरुहं पिव चंदबिम्बयं ॥१४३॥ उययधराहरोरुसिरविरइयचूलामणिसमाणयं, दिणमयरायरुद्धपरिसंठियरयणणिहायकूडयं। उन्भडभुवणभवणउन्भासणविमलपदीवसंगयं, विच्छयसच्छगयणसररुहयं सहसा [?वर]पयंगयं ॥ १४४॥ पवणुष्वेल्लकणिरकलकिकिणिमणहररावमुहलयं, सयलदिसामुहेसु रंखोलिरचलचूलांविलोलयं । णिम्मलकिरणविविहमणिसवलियदीहरडंडभूसियं, सधरणहन्तरालमाणं व अयं सहसा समृसियं ॥ १४५॥ थलपंकयवियासकोसोयरलद्धणिवेसदेसयं, सुरतरुकुसुममालउरगलियरयुजलकंठवासयं । सरसविसडकमलदलणिवडणिसम्मणपिहियवयणयं, तिहुयणमंगलेककयमंदिरयं वरपुण्णकुंभयं ॥ १४६ ॥ कस्थइ विमलचंद-कुंदप्पह-सारस-हंसचड्डियं, कत्थइ वरुणकिरिणसरसुग्गयकमलकेरमंडियं । कल्यइ फुडियजुवलउन्वेल्लिरदलणीलायमाणयं, णयण(?णा)लोययम्मि करव)रकमलसरं जलणिहिसमाणयं ॥१४७॥ हिम्मलफुरियफलिहमित्तिस्थलविस्थयसोहवाहयं, पहपरिवेसपसरपवलीकयसयलधराविहाययं । भवणं मणिविचिचखंभुन्भियकणयणिबंधरिद्धियं, सिहरुत्तुंगखलियवारिहरभरोल्लियविविहचिंधयं ॥१४८॥ णाणामणिमयूहवित्यरियपहापडिमिण्णणीरयं, लहरुम्मिल्लविमलमुत्ताहलणियरणिहित्ततीरयं । गुरुकरिमयरपहरणियारियविदुमविडविराहयं, वेलायडविसालतरुमणहरयं वरणीरणाइयं ॥ १४९ ॥ मरगय-पोमराय-कक्केयणघणमणिणिवहदीवयं, दिसिदिसिवित्थरन्तपहपयरिसबद्धमुरिंदचावयं । रयणुच्चयछलेण दूरोहयकुलगिरिसिहरतुंगयं, धरणणिमित्तयम्मि धरणीए धराधरयं व संगयं ॥ १५० ॥ विमलसणिदलुद्धसंवद्धियबहलसिहाकलावयं, विरहिव(य)धूमवडलपडिबद्धपहापरिवेसथावयं ।
सुइयरमंदमारुयंदोलणकयमंडलणिवेसयं, सोमप्पहविसेसपरिसप्पिरयं मुहुयं हुयासयं ॥ १५१ ॥ इय एवं पुचि सुकयफम्मजम्माणुहावओ वम्मा। पेच्छइ जामिणिविरमम्मि पवरमुहसंसिणो(णे) मुमिणो(णे) ॥१५२॥ ___ एस्थावसरम्मि चलियासणा सुराहिवइपमुहा सयलसुरगणा समागया वाणारसिं । विमुक्का हिरण्णधुट्ठी, पहयाई तूराई, कयो जयजयारवो, पक्खित्तं कुसुमवासं । पणमिऊण जिणजणणि पडिगया सुरसमूहा । ताव य मुहपडिबुद्धार साहियं जहाविहिं दइयस्स । तेणावि मुणियसत्थस्थाहिप्पारण भणिया जहा-सुंदरि ! सयलतेलोकचूडामणीभूओ संसारायडणिवंडन्तजंतुसंताणलग्गणक्खंभो तियसिंद-णरिंदाइबंदिओ पुत्तो ते भविस्सइ । तओ अहिणंदिऊण राइणो क्यणं पवणचलियकुवलयदलविलासाणुयारिणा फुरतेण वामलोयणेण पविद्वा अंतेउरं देवी । एवं च जहासमीहियन्महियसंपज्जन्तसयलमुहसंभोयाए वच्चंति दियहा । परिवड्ढइ गम्भो । गवरि य गंदैणवणालि ध्व सुरतरुणा, महापुरिसवच्छस्यलि व सिरिवच्छमणिणा, विहावरि व सेलंतरियससिणा, दप्पणसिरि ब्व संकंतवयणसोहा अञ्चन्तसंपण्णसोहसमुदया दीसिउं पयत्ता।
वाव य चलियासणागयाहिं दिसाकुमारीहिं पतिदिणं दिसिदिसिणिवेसिज्जन्तविमलमणिमंगलपदीवम्मि संपुण्णकलसाहियदुवारदेसम्मि पञ्चग्गालिहियपत्थु(त्तु)जलभित्तिभायम्मि उवरिसियेवियाणपज्जन्तावसत्तमुत्ताकलापम्मि सियभूइरक्खापरिक्खित्तसेज्जासमीवम्मि सिरोभागासण्णणिवेसियफलिहमणिमयणिहाकलसम्मिः मंतोसहिवलयणिवामाणसयणीयम्मि वासभवणम्मि पडियग्गिज्जमाणाए वम्माएवीए कमेण संर्पणो पसवणसमओ । पोसमासस्स किण्हदसमीए विसाहाणक्खचम्मि य पसत्यवेला-मुहुत्तजोए दिणयरं व जलहरावली सयल लोय]लोयणाणंदजणयं तणयं पसूय चि।
मनागुज्ज्वलदलविशेषकम् । २ राडइनिवडत जे । ३ चंदणवस । ४ व सययंतरिस जे । ५ यवियाणियप जे । पुल्ने पससमए पोसस्स मासस्स किण्हवउद्दसीए विसू । ७ णाणदं तणयं सू।