Page Text
________________
२४९
५३ पाससामिचरियं । एवं च ताहिं करिणीहिं समं कयबहुविहकीलाविलासो समुत्तिणो सरवराओ वणकरी । वलग्गो पालिसिहरं । पलोइयाई पासाई । मच्चुणो व्व दिहिगोयरम्मि णिवडिओ सत्थो । तओ सणसमणंतरमेव सहस चिय कोंडलियसोडेदंडग्गभाओ उम्भडकयकंठगजिओरल्लिबहिरियदिसामुहो णिकंपपरिवियडतडवियकण्णजुयलो गुरुयरवेउक्खित्तपैयणिक्खेवो गिलंतो व्य तं दिसावलयं पहाविओ सत्याहिमुहं करिवरो । दिट्ठो य सरयसमओ व कोमलारुणुव्वेल्लपुक्खरो, विण्हुकुमारो ब्व कैयतिवतीविलासपसरो, घणसमओ व णिययवित्यारोत्थयणहंगणो सयलसत्येण । पलोयणाणंतरं च मुहाऽसुहकम्मवसय व्व पाणिणो विगया सवओदिसं पंथिया । मुणिवरो वि अवहिप्पओएण मुणिऊँणाऽऽसयं ठिओ तत्थ पडिमाए । तेणावि हु करिणा सयलकरिणीयणपरिवारिएण असमंजसं दरमलिऊण सयलसत्थरित्थं णिज्झायमाणेण दिह्रो सो महामुणी । पहाविओ तत्तोऽभिमुहं । तं च तारिसं गयभय-हास-रोसप्पसरं फ्लोएमाणस्स वियलिओ मच्छरो, विगओ मारणाहिलासो, वित्थरिया अणुकंपा, समुल्लसिओ तप्पहावओ संवेओ ति । तओ तमालेक्खगयं पिव पलोएऊण करिवरं मुणिणा संवरिओ काउस्सग्गो । दिट्ठो णिच्चलइयसयलदेहविहाओ अंजणगिरिवरो व पासपरिसंठिओ वणकुंजरो । तप्पडिबोहणत्यं च अञ्चन्तमुहसंजणणीए भारईए भणिउं पयत्तो जहा
भो भो मरुभूह ! किं ण सुमरेसि मं अरविंदणामाणं णरवई अप्पणो वा दियाइसंभवं पडिवण्णजिणमयं मणुयजम्मं जेण एवंविहं पयोवदवयारिणं कम्ममायरसि ?। तओ एयमायण्णिऊण मुणिणा भणियं वियप्पंतेण सुमरिया पुव्वजाई कैरिणो । सुमरणाणन्तरं च धरणियलमिलंतुत्तिमंगेण पणमिओ मुणी । मुणी वि मुणियचित्तवित्ती भणिउं पयत्तो, कह ?
"लब्भन्ति लोललोयणछडप्पहुब्भासियावयंसाओ। दइयाओ रूव-सोहग्गसालिणीओ, ण जिणधम्मो ।। ४८॥ लन्भन्ति विविहमणि-कणय-रयणभवणोवहोयसंजुत्ता। रिदिविसेसा, ण उणो कहिं पि जिणेभासिओ धम्मो॥ ४९ ।। लब्भन्ति रुइरकरि-तुरय-संदणुद्दामपक्कपाइक्का। णिव्याणकारणं ण य कर्हि पि जिणभासिओ धम्मौ ॥५०॥ लब्भन्ति खवियपडिवक्खपक्खलक्खा वि रज्जसंभोया। ण उणो संसारायडपडणुद्धरणक्खमो धम्मो॥५१॥ . लब्भन्ति व-सोहग्गकलियविण्णाणणाणविज्जाओ । ण उणो भवजलहिनिबुड्डमाणजणतारणो धम्मो ।। ५२॥ लब्भन्ति मणहरोवणयपवरसुरसुंदरीसैंणाहाइं । इंदत्तणाई, ण उणो णरेहिं मोक्खप्फलो धम्मो ॥ ५३॥ इय सव्वं चिय लब्भइ जयम्मि जं किंचि होइ दुल्लंभं । एक मोत्तुं करिणाह ! वीयरागुग्गयं धम्मं ॥ ५४॥
ता हो महागइंद ! जइ मुणिओ तुमए अप्पा ता मुच्चउ सयलसत्तोवद्दवो, सिढिलिज्जउ पमायविलसियं, अवलंबिज्जउ सप्पुरिसचरियं, घेप्पट "पंचाणुव्वयाइओ सावयधम्मो"।त्ति भणमाणस्स 'पडिच्छामि' त्ति सण्णाविहावणाणिमित्तं चालियं उत्तिमंगं, पसारियं करगं । मुणिणा वि मुणिऊण भावत्थं पणामिओ से सयलो वि सावगधम्मो । गहियधम्मसारो य गओ जहागयं गयवरो।
एत्थावसरम्मि य करिचरियविम्हइयमाणसो सह सागरदत्तेण 'अहो ! मुणिणो पहावो' त्ति भणमाणो सम्मिलिओ सयलो वि सस्थो, णिवडिओ मुणिणो चलणजुयलेसु, पडिवण्णो. बहवेहिं धम्मो, गहियमण्णेहिं अणुव्चयाइयं । दिण्णपयाणओ गओ तप्पएसाओ सत्थो । मुणिवरो वि गंतूण अट्ठावयं वंदिऊण जहाविहिं भयवन्ते पयत्तो संजमुज्जोय
मायरिङ।
सो वि हु करिवरो गहियसम्मत्तसारो चक्खूवेक्खियमहियलविइण्णमंदपयसंचारो छ?-ऽट्टमाइलवचरणकरणुज्जओ रसपरिचायपरिणयमई परिचत्तसयलणियजूहसंगो गिम्हुम्हायवपरियावविसेससोसवियणियतणू वरजइब समियाइ
भाओ सू । २. पयविक्खेवो जे । ३ कृतत्रिपदीविलासप्रसरः । ४ गणो पलोइओ सयल सूजे । ५ ऊण सयं सू। ६ तत्तोसमुहं जे । ७ पुलोयमा जे । ८ भारहीए भणियं ५ जे । ९ द्विजातिसम्भवम् । १० तओ तमा सू। ११ करिणा सू । १२-१३
णदेसिमो जे । १४ व्य जे । १५ °सहायाई सू । १६ सव्वं पि य सू। १७ पंचमहाणुब्ब सू । १८ णकमलेसु जे । Jain Education stational
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |