Page Text
________________
[५३ पाससामिचरियं]
उप्पज्जइ को वि महाणिहि न परहियपसाहणुज्जुत्तो। णिद्दलियगरुयविग्धोवसग्गवम्गो महासत्तो ॥१॥
अत्थि इहेब जंबुद्दीवे दीवे भारहे वासे तुंगुब्भडभवणोववणमणहरं परमरिद्धिसमुदओववेयजणसंकुलं पुरवरं णामेण पोयणपुरं । तत्थ य ससहरो व्व दरियारिकमलसंकोइयंवियासपसरो अरविंदो णाम गरेवती । तैस्साणेयसत्थपरमत्याहिगमविसुद्धबुद्धी अहिगयजीवादिपयत्यवित्थरुप्पण्णसम्मईसणो विस्तभूती णाम पुरोहिओ । तैस्सोभयलोयहियाणुवत्तिणी अणुधरी णाम भारिया। तीए सह जहाविहवं विसयसुहमणुहवन्तस्स समुप्पणा जहक्कम कमढ-मरुभूइणामा दोण्णि पुत्ता । वड्ढिया य देहोवचएणं, संपत्ता जोवणं । णिबत्तियाई पाणिग्गहणाई, जेस्स वरुणाए सह, कणिइस्स य वसुंधराए । एवं च जाइ कालो।
अण्णया य सावयधम्मुज्जयमई कालं काऊण विस्सभूई गो सुरलोयं । सा वि हु अणुंधरी तबिरहओ सोयाणलाउलिजमाणसा तहाविहवयविसेससोसवियतणू चइऊण घरावासं णिग्गया समाणी परलोगं गय ति।
तो ते कमढ-मरुभूइणो काऊण पिति-मादीण मयकरणाइयं वगयसोयपसरा संवुत्ता। संठिओ जेठो गिद्दधम्मम्मि। कणिटो उण जिणवयणभावियमती णचन्तमासत्तविसयपसरो सयलसत्थत्थवियारणिउणो परम्मुहो संसारविलसियव्वेसुं, णिप्पिवासो विसयतहाए जणियपोसहोववेओ रयणिदिणं पि बहुसो जिणभवणम्मि चेय गमेइ । तओ तस्स सा मज्जा वसुंधरा मणहरजोवणुभयभूसियावयवसोहा विसलय च सयलजणमणमोहणी संजाया।
तं च तारिसरूवं पेच्छिऊण कणिहस्स पणइणि जेवभाउगो कमढस्स दुणिवारत्तणओ मोहप्पसरस्स, णिबिवेयत्तणो विसयविलसियाणं चलियं चित्तं, समुप्पण्णो तीए उवरि अणुराओ, वियंभिओ अयजायरणाहिलासो। जेण अंगीकाऊण णियकुलकलंकायवायं, उररीकाऊण दुग्गइदुहपरंपरं सवियारविन्भममालविउं पयत्तो। एवं च पइदिणं भणन्तेण साणुरायमावज्जियं तीए चित्तं । अहवा
घडियं पि विघडइ चिय पेम्मं दूरट्ठियं पि संघडइ । मैंणिइविसेसपउत्ता वाणी दूइ च ण हु चोजं ॥२॥
सा वि हु वसुंधरा अविण्णायविसयमुहसंभोया 'पियचत्त' त्ति कलिऊग दुद्धरत्तणओ वम्महपसरस्स संपलग्गा कमढस्स । एवं च परोप्परं पवढिओ पेम्मपयरिसो । मुणियमेयं वरुणाए । तं च तारिसं दद्रुमपारयंतीए ईसावसुप्पण्णपउरमच्छराए सिटुं जहावहियं मरुभूइणी । तेणावि असदहमाणेण अवहीरियं तीए वयणं । पुणो पुणो वि साइमाणीए चिंतिउं पयत्तो मरुभूती
'ण भणियमेत्तं चिय हियमहिच्छुणा तं तहेव घेत्तव्यं । जाव ण दिटं पञ्चक्खमप्पणा किमिह मह कजं ? ॥३॥
परियप्पिऊण य चित्तम्मि एवं 'गामंतरं गच्छिस्सामि'त्ति ताण पुरओ वोत्तूण णिग्गओ णियमंदिराओ । पओसम्मि जणियजरकप्पडवेसो दीहरद्धाणसंसियपरिस्समो परियत्तियख्व-भासाविसेसो आवासयपत्थणस्थमुवत्थिओ कमढपुरओ। तेणावि बहलतमत्तणो बहुलपओसस्स, अवियारपउरत्तणो मइविसेसस्स, जणियकारुण्णभावेण भणियंभट्ट ! इहालिंदए सच्छंदं णिवससु त्ति । तो पसुत्तो मरुभूई। वियाणणुज्जुत्तचित्तेण य मुणियं जं जहावट्ठियं तं ताण वर
, कोइ जे । २ तस्स य य सू । । तस्स य लोय जे । ४ समं जे । ५ गिहिषम्मे सू ! ६ न्तविसयासतप्पसरो सू । • भणी (णिई)विसेसपउणा वा सू । ८ र वढिओ पेम सू । ९ पारतीए स। १० इहालंदिए सू।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |