Page Text
________________
२०८
चउम्पन्नमहापुरिसचरिय। मासोववासी पारणयणिमित्तमेकम्मि णयरे जुगमित्तणिहित्तलोयणपसरो गोयरचरियमइगओ । तो तं अश्वन्भुयतवोविसेससोसियसरीरं पि अप्पडिहयरूवसंपये, मलपडलपंकियं पि सुमणोहरकतिसंतियं, असमंजसकेसुल्लुंचिउत्तिमंगं पिणमिलागलायण्णाइसयं, परिमलिणकुचेलालिद्धदेहावयवं पिणमियसोहग्गसमुदयं दट्टण रूवाइसयक्खित्तचित्तो समइगओ पुरसुंदरीयणो वम्महसरणियरपहाराउरो य किं काउं पयत्तो ?-कीए वि अणि मिसकसिण-सिया-ऽऽयंबिरप्पहा पसरिया लोयणावली, कीए वि परिलुलियालयमणोहरो परामुसिओ कुंतलकलावो, कीए वि पायडियथोरथणयलं संल्हसियमुत्तरिजं, 'कीए वि वियंभमाणवयणकमलुव्वेल्लियाओ [वेल्लियाओ] भुयलयाओ, कीए वि परिगलियणीविबंधपसिढिलं संजमियं कडिल्लं । अवि य
पसरंति मंथरं सुरहिपरिमलल्लीणभसलवलइल्ला । परिसिहभंतरमयणहुयवहा दीहणीसासा ॥ २९४ ॥ उण्णामिएक्कभुयलयविसेससंजमणवावडकरम्गो । परिलोलइ सढिलुग्वेल्लबंधणो कोंतलुप्पीलो ।। २९५ ॥ सहस चिय होतवियंभमाणणिब्बोल्लियाहरोटउडा । लीलाविणिवेसियसवणकुवलया वयण बिब्बोया ॥ २९६ ॥ णिवडन्ति मउलिउच्यत्ततारयाऽयंगदिण्णसोहग्गा । परिविरलपम्हपेरन्तपसरिया दिद्विविच्छोहा ।। २९७ ॥ वड्दति अरुवेल्लन्तभंगमोट्टाइयचविहुराई । अप्पत्तसंगमालसविसेसदढजूरियन्वाइं ॥ २९८ ॥ दंसणपसरियसज्झसविसेसपरिसिढिलणीविविष्णासं । संधारिज्जइ केरकलियपल्लवं कह वि हु कडिल्लं ॥ २९९ ॥ पेढालमंडलामूलवियडपायडियथोरथणवढे । णो लक्खिज्जइ ल्हसियावरिल्लमइमुण्ण हिययाए ॥ ३०॥ इय तरुणियणबदृतराममुहयंददंसणपयत्ता । पसरन्तहलहलरवा वम्महमेइरोयसलोव्व(?लमुल्लोया) ॥ ३०१ ॥
एवं च पचड्ढन्ततरुणियणमयणमयरहरमयलंछणे दिसिदिसिसमागयजुवइजणावूरिजमाणरच्छामुहे गच्छमाणे बलएवमहरिसिम्मि अणवेक्खिऊण णियकुलकम, अवहत्थिऊण जाइमाहप्पं, पणोल्लिऊण गिरिंगरुयसीलपब्भारं, सिढिलिऊण विलयालंकारभूयं लजं, अवलंबिऊण चावलं, बहुमन्निऊणें अकोलउत्तं, पसंसिऊण जिल्लज्जयं, कलिऊण दुबिलसियं, अहिणववियंभियाणुरायपरच्चसयाए पेम्मपराहीणमुण्णहिययाए तम्मुहणिहितलोयणपसराए णवजोवणुम्मइयमयणवाणाए एक्काए पुरसुंदरीए अयडतडोवसंठियाए जलायड्ढा निमित्तं कलसकलणाए णियबालेस्सेय गलयम्मि संदामिया रज्जू । जाव य कूवम्मि पक्खिवह ताव पासपरिसंठियमहिलायणेण 'हा ! हया सि त्ति हयासे !' भणमाणेण संबोहिया।
"एयं च वइयरं जणरवाओ वियाणिऊण सीराउहो चिंतिउमाढत्तो-"अहो महिला णाम असंकला गोती, अदीवा कजलसिहा, अगोसहो वाही, अपडियारा रक्खसी, जेण रयणिभरा गिरिणइ व्व लंघेइ उभयकूलाई, कलुसीकरेइ सच्छायं, पहाइ उम्मग्गगमणेणं, पाडेइ णियडपरिसंठियं ति, जेण [य] पेच्छ मलजल्लोल्लियाणं कयसिर-तुंडमुंडणाणं अम्हारिसाणं पिकए "एरिसमकन्जमायरंति । अहवा को एत्थ एयाणं दोसो ?, ममं चेवे एसो पुवकयकम्मपरिणतिवसो पोग्गलाण परिणामो। ता अलं जयरम्मि गामम्मि वा पवेसेण | अजप्पभितिमरण्णम्मि चे णिवासोऽणुचिट्ठिययो" । ति मंतिऊण णियत्तो गोयरचरियाओ । गओ तुंगियाहिहाणगिरिवराहिट्ठियं सज्ज-ऽज्जुण-सरल-तमाल-ताल[विलमरण्णगहणं ति ।
तत्य य सुरसिद्धत्यकयरक्वाहि(वि)हाणो तवं काउमाढत्तो । ताव य पुनविणिवाइउचरियवेरिवग्गम्मि रायाणो मणिऊण सवणपरंपराओ विणासं जायवाणं, मरणं कंसारिणो, गिहीयदिक्खाविसेसस्स य वणणिवासो हलहरस्स, सबलवाहणा इंतुसुज्जया । एवं च मुणिऊण सिद्धत्थो गय-वरालय-सीहाइरूविणो विउविजण सावयगणे कयरक्खाविहाणो पडिजागरइ ति।
१तनिमियलों जे । २ यमुवगओ सू । ३ 'कतिसंतई जे । । जसुल्लुचिसू । ५ 'लाइव्णा जे। कसब-सियाइंदिरा ७ परोप्परामुखिो कोतल जे । ८ कीय वि जे । ९ करयलिय सू । १० 'पवळेत जे । "मयरा सू । १२ 'राककोय जे।" पवहन्त स १४. कोलउ जे । १५ मस्स गलए संदाणिओ रज्जू सू। १६ एवं सू। १७ असिखला ले १८ एवंविहमको १५-२० चेय जे । २१ गुठिल । ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |