Page Text
________________
१३५
२६-२७ पुरिसीहवासुदेव-सुदंसगबलदेवाण चरियं । पि ममं मंदभायं परिच्चयसि ?। तओ पेच्छिऊण पुत्तं सविसेसमुक्कबोहाए भणियं-पुत्त ! न तए मह विग्यो कायचो, जओ उवरयम्मि तारिसे भत्तारे ण मं संफुसइ रायसिरी, ता कि मए मयसरिसाए जीवन्तीए ?, पावियं च सयलं मणुयभवफलं, जओ पत्तो तेलोक्कचूडामणिसरिसो भत्ता, बद्धो महादेविपट्टो, पीयं छीरं तुम्हारिसेहिं पुत्तेहिं ति । एवं भणन्ती णिवडिया पुत्तस्स चलगजुयले । “पुत्त ! ण तए कुलोचियमायारं कुणं तीर किंचि भगियव्यं ति। जाव य एस सुहरासी इह चेव चिट्ठइ ताव वरं अत्ताणं हुयासणे णिव्यवेमि । परलोयं गए पुण पइम्मि दुस्सहसंतावाणलपलीषियदेहाए किं करिही जलगो सुपज्जलिओ वि?" त्ति भणिऊण णिग्गया जणगी।
तो णीसहंगो गओ पिउसमी । णट्टवेयणेण य किंकायअमूढेण दिट्ठो महासंतावतावियदेहो जणओ । तं तहाविह पेच्छिऊण मुक्को धरणीए चेव अप्या। एत्थंतरम्मि महाराएण जाणिऊग गरुयसोयभरियसरीर पुत्तं समीवम्मि ठविऊग भणियं-"पुत्त ! किमेवमप्पा सोयहोवहिम्मि पडन्तो उवेक्खिज्जति ?, तुम्हारिसा हि भुवणस्स आलम्वणं ति । किं भणामि ?, सयलवयणाणं अगोयरीभूओं तं सि । तहा वि 'कुलप्पदीवो सि' [त्ति समुज्जोइयभुषणरस य अपुक्खलं व, 'पुरिससीहो सि' [त्ति सइ गुरुविवेइणो गिंद व्व, 'तुह इमा पुहई' ति लक्खणलक्खियचक्कवहिपयरस पुणरुत्तं व, “गेण्हसु सिरिं' [ति सिरीए सयं गहियस्स विवरीयं, 'वोढव्वो रायभरो' ति भुवणयलुब्बूढभरस्स अजोगं व, 'परिरक्खियव्याओ पयाओ' त्ति दीहरभुयदंडग्गलरक्खियभुवणस्स पुणरुत्तं व, 'ण कायव्वं चावलं' ति पढमजोवण एव णिरुद्धसयलिंदियस्स णिरवकास व वाणी, 'उच्छेयणीया अरिणो' त्ति तुह पयावस्सेव सा चिंत" ति भणंतो परवई पंचत्तमुवगओ। तयणंतरं च मूरो वि णरवइसोएणेव अहोमुहो पल्हत्थो दाउं जलंजलिं व उवगओ समुद्दम्मि । रायाणुगमणपत्थियाए आयवसिरीए मुच्चंतो कमलवणसंडो "उच्छाइओ सोएण व तमणियरेणं भुवणयलं । तओ णाऊण लोयन्तरीभूयं पियरं पाययपुरिसो व मइया सद्देण ससामन्तो सपुरोहिओ ससचिवो संनेउरो पुरिसंसीहकुमरो रोइउमाढत्तो । पहायो य रयणी। कयं अग्गिसकाराइयं सयले चिय करणिज्नं । गहिओ महासोएण रायउत्तो। पेसियाओ सिग्घरंगमा-ऽऽगमसमत्थाओ उट्टर्जुयलीओ णियभाउणो समीवं ति ।
एवं च गच्छंतेसु "दिवसेसु, कहिज्जतेसु महापुरिसचरिएसु, गिदिज्जते पयतिविरसे संसारे, भाविज्जतीए अणिचयाए, गरहिज्जते विहिणिओए, दूसिज्जंतासु रायदेवयासु, मंदं मंदं सिढिलीहूए सोयप्पसरे, एत्यंतरम्मि समागओ बलदेवो सीकाऊण पचन्तणरवती । समागए य जेट्ठभाउए पुणण्णवीहूओ सोयप्पसरो। तहेव पवत्तो हाहारवो राउले सयलपुरे य, लोयस्स वयणेसु लिहियाणि व परिदेवियाणि, पहमदियहम्मि व ण दिज्जंति बालाणं पि थणया। एवं च सुइरं गिदिऊग विहिविलसियं, कयं मजणाइयं दोहिं वि जणेहि । कहियं णीसेसं जहावत्तं परोप्परं, चिटुंति सोयाउरा।
एत्यंतरम्मि विण्णायरायमरणवुत्तंतेणं निसुम्भणरवइणा पडिवासुदेवेण पेसिओ दो। पडिहारजाणाविओ य पविट्ठो। दिवा दुवे वि बलएक्-वासुदेवा। पडिओ चलणकमलेसु । उवविहो य जहादिटे आसणे । पुच्छिओ य पुरिससीहेण णिसुम्भस्स पउत्ति। साहिया दूएण णीसेस त्ति । भणियं च दूएण-"उवरयं रायं सोऊण पेसिओ अहं महाराइणा तुम्ह समीवं, जहा-बाला तुम्भे मा परिहविजह त्ति केणइ, तष्णिमित्तं पेसिओ अहं ति । भणियं च महाराइणा जहा-आगच्छह मह समीवं, भुंजह जैहिच्छं मज्झ सिरिं, महत्तणकारेण य ण सक्केइ परिहवं कोइ काउंति । तयत्यमहं पेसिओ" ति । तमायष्णिऊण भणियं पुरिससीहेग-"सोहणं कयं जमिहागओ सि, वोढव्या चेव णिसुम्भेण अम्ह पउत्ती, किंतु एयं ण जुत्तमुत्तं जं 'तैणकारों' ति । एयं दुबवसियं तस्स केणावि आरोवियं हिययम्मि । किं सो ण याणइ अत्तणो सामत्थं अम्ह वा बलं ? ति, जेणे जंपति" ति । एवं सुणिऊण भणियं दृएणं-कुमार ! मा एवं जंपसु,
१ चाहन्थेवाए जे । २ जीवमाणीए जे । ३ भणम्ण णि जे । ४ हुयासणम्मि जे । ५ महोयहिाम्म जे ! ६ मि! तुम सय जे । . 'ओ। तहा हि-कु जे । ८ गेण्ह सू । ९ चवलत्तं ति सू । १० उच्छाइयाए सो जे। ११ सीहो जे । १२ ग रय २। १३ लं उचिय क जे । १४ °यर समागम जे । १५ 'जुबलीओ जे । १६ दियहेसु जे । १. वसे का जे । १८ "दियहे व जे । १९ तुम्हे जे । २० केण वि सू । २१ जहन्छिय सू । २२ तणागारो सू । २३ केणइ जे।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |