Page Text
________________
[१७-१८ दुविठ्ठवासुदेव-विजयबलदेवाण चरियं]
संपयं वासुपुज्जतित्थयरे दुविठुचरियं भष्णति___ अत्थि इहेब जंबुद्दीवे दीवे भारहे वासे पारवती णाम णयरी । तीए बंभो णाम णराहिवो परिवसइ । तस्स य राइणो पहाणा सयलंतेउरम्मि वसुमती णाम अग्गमहिसी। तीए य सह विसयमुहमणुहवन्तस्स राइणो अइकन्तो कोइ कालो।
. ___ अण्णया य वसुमतीए भारियाए कुच्छिसि समुप्पण्णो गम्भो, संवढिओ य । कालक्कमेण पम्या। पट्टावियं च से णामं विजओ त्ति । पुणो वि गच्छंतेसु दिवसेसु, सरन्ते संसारे, वसुमतीए दिट्ठा सत्त महासुमिणा । साहिया दइयस्स । तेणावि समाइटें-भविस्सइ ते पुत्तो सयलणरचूडामणिभूओ त्ति । तओ पडिपुण्णेसु णवसु मासेमु अद्धऽटमेसु राइदिएसु पम्या सुहेणं । कयं वद्धावणयं णरिदेणं । पइटावियं च से णामं दुविठु ति। पत्ता दुवे वि कुमारभावं । गाहिया कलाओ । कयदारपरिग्गहा य कीलिउं पयत्ता केसव-बैलएवा। ___ अण्णया य उज्जाणगएहिं दिट्ठो अहाफासुए पएसे साहुजणपरिवारिओ मज्झिमवए वट्टमाणो णीसेसगुणाहाणं परिहरियासेसदोससंगो सम्बंगावयवसंपुष्णदेहसोहो पियदंसणो सुरूवो तेजस्सी गज्झबक्को सुकुले-जाइप्पमओ ससमयपरसमयविदू कालण्णू देसन्न विण्णायसयलदेसायारो महुरवको हेउ-आहरणकुसलो अप्पडिसाई. सव्वेसिमकारणवच्छलो पंचविहआयारधरो जियकोह-माण-माया-लोहो पडिभग्गवम्महसरप्पसरो छत्तीसगुणर्जुत्तो परिसाए मज्झदेसम्मि धर्म वागरमाणो विजयायरिउ त्ति । तओ तं दळूण भणिओ बलएवेण दुविठुकुमारो जहा-कुमार ! पेच्छसु एयं महापुरिसं परिचत्तरायविहवं पि रायसिरीए समद्धासियं पिव लक्खिजमाणदेहसोहं ति, ता गच्छामो एयस्स चलणन्तियं, करेमी अत्तणो जम्मं सफलं । ति भणिऊण गया तस्स चलणंतिए। वंदिओ भयवं आयरिओ, सेससाहू य। धम्मलोहिया सपरिवारहिं आयरिएहिं । उवविट्ठा चलणंतिए । किंचि वेलमच्छिऊण धम्मदेसणाए भणियं विजएणभगवं ! किं पुण एयस्स संसारस्स परिचाए कारणं भगवओ?, ण ताव दोगच्चपरिहवो, लक्खणाणि" चेव साहन्ति पुहइपालत्तणं ति, णे यावि परपरिहवो, ण हु एरिसाओ आगीओ परिहवट्ठाणं ति, ता साहेउ भयवं उव्वेवकारणं ? ति, जइ अणुग्गहबुद्धी अम्होवरि त्ति । तयणन्तरं भणियं भगवया-सोम ! सुण । इह वसंतस्स संसारो चेव णिव्वेयकारणं सचेयगस्स, जओ भणियं
केण ममेत्थुप्पत्ती ?, कह व इओ तह पुणो वि" गंतव्वं ? । जो एत्तियं पि चिंतेइ एत्य सो को ण णिन्विष्णो ? ॥१॥ अधि य
लच्छी बहुच्छल च्चिय, जीयं बहुवसणसंकडकडिल्ले । पहियं जियाण तह जोवणं पि विरसम्मि संसारे ॥ २ ॥ जो वि पियसंगमाओ सुहाहिमाणो हवेज जंतूण । सो वि विओगाणलसंगसिओ दैड्ढमाणहओ ॥३॥ वाहिसयपीडियाणं जियाण जर-मरण-सोयतवियाणं । दोगञ्चपरिहवुन्वेवियाण भण कह ण णिव्वेओ? ॥ ४ ॥ इय एरिसम्मि संसारसायरे गुरुकिलेसबहुलम्मि । जायइ विवेयकलियाण गिच्छियं णवर वेरग्गं ॥५॥
ता महाभाग ! संसारो "चेय णिन्वेयकारणं सहिययस्स । जं पि विसेसऽत्थिणा पुच्छियं तुमए सो विसेसो संसारसहावो चेव, तहा वि जइ कोऊहलं ता सुणसु
१ कोलिय जे । २ बलदेवा जे । ३ फासुयप जे । ४ तेयस्मी जे । ५ लप्पसू सू । ६ जुयो परिसाम जे । . ण बलदेवमणिओ दुर्वि जे । ८ णसोई जे । ९ लाहिओ जे सु । १० "णि साह सू । ११ ण वा वि जे ! १२ अग्गीओ सू आगईओ आगीभो, आकृतय इत्यर्थः । १३ य जे १४ दग्धमानहृदयो दग्धमानसो वा । १५ चव जे ।
बलदेव
पण वा वि जे । १२ अग्गो
ग्धमानहृदयो दग्धमानसो वा ।
१४ Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |