Page Text
________________
१ रिसहसामि-२ भरहचक्वट्टिचरियं । णस्स विय कत्तो दो वि दियहा तहट्ठिया चेव लच्छी ? । अणवरयसत्यग्गहणेण य करयलाणीव बहलकज्जलवाहसुयपव्वालियाई सामीहवंति सत्तुसीमंतिणीणयणाणि । अन्नं च देव ! मुल्लावज्जियाए एगराइयाए वेसाए वि बीओ णायगो त्ति लज्जायरं, किं पुण कुलक्कमागयगुरुवइटाए सयलजणविण्णायाए पुंहतिलच्छीए बीओ भत्तारो ? त्ति । ता देव ! मत्तमायंगमयजलासारारद्धदुद्दिणाई दप्पुधुरतुरगखरखुराहउच्छलियधूलिधवलाइं णिसियकरवालकरपक्पाइक्कविज्जुच्छडाडोवभामुराई चलियरहवरोहदलियमेइणीवीढजणियणिहायासवाइं पाउसारंभदिणाणि व भरहवासम्मि वियरंतु तुह बलाई, अवि य
जाव ण दैप्पुद्धररहियतुरियतोरवियतुरयसंघाया। भरहम्मि पहम्मि उ जंति सूसरा रहबरुग्घाया ॥ १३५ ।। जाव ण गरुयमउब्भिण्णगण्डभित्तुच्छलन्तमयसलिले । पेच्छन्ति दरुम्मिल्लंतलोयणे मत्तमायंगे ॥१३६॥ जाव ण खरखुरखयकयरयपडलुच्छलियमलियससि मरे। वाहिजते तुरए तुरियं सत्तू तुह णियंति ॥ १३७ ॥ इय जावे फारकरवालभासुरे तुज्झ पक्कपाइक्के । भरहम्मि संचरंते णियंति ण हु, ताव तुह सत्तू" ॥ १३८॥
तओ एयमायण्णिऊण काऊण य चकपूयं भरहाहिवेण ताडाविया णीसेसदिसापसाहणत्थं भेरी । उच्चलिओ र्य एकमुइंकियं महिमंडलं काउं चक्कपहपहेणं भरहाहियो । दिग्णं च पुचि पुव्वदिसासाहणुज्जएणं पुन्वदिसाहिहुत्तं पयाणयं । पत्तो अणवस्यपयाणएहिं मागहतित्थाहिटियं गंगामुहालंकरियं पुव्वसागरं । तत्थ य चउत्थेणमाराहिऊण सुठ्ठियं जक्खं, अणुण्णाए य तेणं अवगाहिऊण बारहजोयणाई रहेण समुदं, तत्थहिएणं गहिओ णियणामंकिओ सरो। मुक्को य धणुसंधाणेणं समुद्दाहिमुहो । पडिओ य मागहतित्थाहिवइणो णागकुमारस्स भवणे । दट्टण य तं सरं कुविओ मागहतित्थाहिवई । दट्ठोभिउडीभयंकरेण भणियंणागकुमारेणं-को उण एसो अपत्थुयपत्थओ जो मह भवणे सरपक्खेवं कुणइ ? त्ति । तओ णामंकियसरमवलोवि(इ)ऊण वाइयं णाम । विण्णायं च जहा-समुप्पण्णो पढमभरहाहिवो भरहाहिहाणो चक्कवट्टी । तओ य सचूडारयणं सरं गहेऊण समागओ चकवाटिसमीवं । दिट्ठो य भरहाहिवो । सम्माणिौ अब्भुट्ठाणाइणा । समप्पियं चूडारयणं सरो य । भणियं च तित्थाहिवइणा-अहं तव पुवदिसावालो । तओ अणुमण्णिओ भरहणरिदेणं । कया तस्सऽढदेवसिया पूया। गओ चक्कमग्गाणुलग्गो वरदामाभिहाणं समुद्ददक्खिणतित्थं । तत्थ वि य तेणेव कमेण वरदामतित्थाहिवेणं पूइओ रयणदाणाइणा । पुणरवि गओ पहास(सं) अवरदक्खिणं तित्थं । तो तेणेच विहिणा अवरसमुद्दतित्थाहिवइपूइओ सिंधुदेविं बलभरकत काऊण, बहुरयणसमेयं सिंधुदत्तं कण्णयं सिंधुदेवी [य] ओयवेत्ता, पुणो वेयड्ढगिरिकुमारं देवं वसीकाऊण सुसेणेण सेणावइणा चम्मरयणप्पओएण उत्तारियबल-वाहणो सिंधुणिक्खुडं पसाहेइ। तओ तिमिसगुहाए किरिमालयजक्खाणुमओ सेणावती दंडरयणेणं तिमिसगुहमुहमुग्घाडेउं, कायणिरयणेण एगूणवण्णाससंखाणि मंडलाणि तरुणरविमंडलसण्णिहाणि तमणिण्णासणसमस्थाणि आलिहिउं, उम्मुग्ग-णिमुग्गाओ णदीओ संकमेण लंघेउं पविट्ठो उत्तरखंडं भरहखेत्तस्स जेउं भरहाहिवों । चिलाएहि य सद्धिं पयट्टमाओहणं । ते य पराजिया मेहकुमारे आराहंति । तेहिं आढत्तं वरिसिउं मुसलप्पमाणधाराणिवाएणं । चक्कवट्टिणा य अहो चम्मरयणमुवरि छत्तरयणमभितरे य ठिओ(? ठाविओ) खंधावारो। तत्थ य साली पुच्चण्हे वाविया अवरण्हे पञ्चन्ति, काऊण आहारत्थमुवणमइ । तओ आमिओगियदेवेहि पेल्लिया मेहमुहा । तव्वयणेण य सिद्धा चिलाया। सेणावइणा य साहिओ उत्तरसिंधुणिक्कुडो। तओ बावत्तरि जोयणाणि चुल्लहिमवंते उवरिहत्तं सरं पक्खिवइ । तओ सरविलिहियणामदंसणबोहिओ चुल्लहिमवन्तगिरिकुमारो देवो आगंतूण रेयणाई पयच्छइ । पुणो भरहनाहो उसभकूडे सणामं आलिहिऊण, सुसेणसेणावइणा ओयवियं गंगाणिक्खुडं। तो भरहाहिवो गंगाकूले सेणाणिवेसं काऊण 'गंगदत्तया सह वरिससहस्सं भोगे भुंजमाणो ठिओ। तयणंतरं च बारस वासाई णमि-विणमीहिं सद्धिं पयट्टमाओहणं । पराजिएण विणमिणा इत्थीरयणं, णमिणा वि नाणाविहाणि रयणाणि उवट्टवियाणि । तओ खंडप्पवायगुहासामि णवालयं जक्खं वसे काऊण णीति । खंडप्पवायाए गुहाए णिग्गयस्स बलभरकंतगंगाकच्छप्पएसस्स उवट्ठिया णव महाणिहिणो णागकुमाराहिट्ठिया, तं जहा-णिसप्पो पंडुओ कालो
१ वाहमुहं सुहपप्पालियाई सू । २ पुहई जे। ३ दपुर जे । ४ खयधूलिपडलउच्छलिय जे। ५ व पयरकर जे। ६ य चकमुई सू । ७ अहं च तव जे। ८ वो। तिमिसगुहाए चिला जे। ९ रयणाइयं ५ जे। १० गंगदेवया सह जे।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |