Page Text
________________
२६२
अंगविज्जापइण्णयं वा एक्ककेसु अट्ठकसद्दपडिरूव-आकारपादुब्भावेसु चेव अट्ठाहिकं बूया । तत्थ चउक्कपंचकोदीरणे अट्ठके एक्कगसहिते तिकाणं वा तिण्हं दंसणे सत्तके बिकसहिते णवण्हं वा एक्ककाणं उदीरणे परामासे वा णवकसद्दपडिरूवा-ऽऽकारपादुब्भावे चेव णवाहिकप्पमाणं बूया । तत्थ पंचकदंडोदीरणे पंचकजुगलग्गहणे पंचण्डं वा बिकाणं दंसणे दसकपरामासे वा दसकवग्गोदीरणे वा दसकपडिरूव-आकारपादुब्भावे चेव दसाहिकप्पमाणं बूया । एवं तव्वं वा योगेणं दिवसप्पमाणं 5 जाव एकूणतीसतिरत्तातो । बिपक्खे वाऽऽधारिते उप्पण्णे वा जोगेणं पण्णरसरत्तातो उद्धं जाव भिण्णमासमासप्पमाणातो त्ति णेतव्वं दिवसप्पमाणं भवति । इति दिवसप्पमाणं वा योगते आमास-सद्द-पडिरूवपादुब्भावेहि य उवलद्धव्वं भवति ।
तत्थ मासप्पमाणे पुव्वाधारिते एतेणेव एक्कवग्गादिणा दुग-तिग-चउक्क-पंचक-छक्कक-सत्तक-अट्ठक-णवकदसक-वग्गक्कमेणं यथा दिवसप्पमाणं उवदिटुं आमास-सद्द-पडिरूवा-ऽऽगारपादुब्भावविधीहिं तहा पक्खप्पमाण
4 मवि णेतव्वं भवति । जधा वा जोगप्पमाणं दिवसप्पमाणे उद्दिटुं तधा + मासप्पमाणं पि वा जोगए 10दिट्ठव्वं भवति । इति र मासप्पमाणं वक्खातं भवतीति ।
तत्थ संवच्छरप्पमाणे पुव्वाधारिते संवच्छरप्पमाणे उप्पण्णे जधा मासप्पमाणेण एक्कवग्गादिणा बिग-तिग-चउक्कवक-छक्क-सत्तक-अट्टक-णवक-दसकवग्गक्कमेण जधा मासप्पमाणमुवदिटुं आमास-सद्द-पडिरूवा-ऽऽकारपादुब्भावेहिं तधा संवच्छरप्पमाणं व णेतव्वं भवति । जाव कोडिवग्गाओ अपरिमितवग्गातो वा यधा वा जोग्गा अक्खट्ठाणं आमासा
य उवदिवा णिधीसुत्ते तधा णेतव्वं भवति संवच्छरप्पमाणं परिमितं अपरिमितं चेति । मुहुत्त-दिवस-पक्खप्पमाण15मास-संवच्छरप्पमाणाणि चेव पुणरवि अण्णोण्णसमाजोगेणं भिण्णाणि एतेहिं चेव वग्गेहिं वा जोगट्ठाणेहि य आधारयित्ता संजोयणाविसेसेहि सम्मं समणुगंतव्वाणि भवंति ।।।
॥ इति खलु भो ! महापुरिसदिण्णाय अंगविज्जाय कालज्झायो णाम
एगोनषष्टि(णसट्ठि)मो सम्मत्तो ॥ छ ।
[ सट्ठिमो पुव्वभवविवागज्झाओ-पुव्वद्धं ]
20
अधापुव्वं खलु भो ! महापुरिसदिण्णाय अंगविज्जाय पुव्वभवविवागं णामज्झायं । तं खलु भो ! तमणुवक्खस्सामि । तं जधा-तत्थ अंगवता अव्वग्गेणं मज्झत्थेणं तणुरागदोसेणं भवितूणं अप्पणो अज्झत्थभावेणं परेण वा पुच्छितेणं 'को मे भंते ! पुरिमो अणंतरपच्छाकडो भवो ?' ति एवमुत्तेणं सम्ममव्वग्गसतीकेणं अंतरंगे बाहिरंगे वा तदुभये वा भवो चउव्विहो आधारयितव्वो भवति । तं जधा-देवभवो मणुस्सभवो तिरिक्खजोणिकभवो णेरइकभवो चेति । तत्थ उद्धंगीवाय सिरोमुहामासे उम्मज्जिते उल्लोकिते पहस्सिते उस्सिते उट्ठिते एकंसाकरणे छत्त-भिंगार-पडागा-लोमहत्थ25 वासणकडक-चामरा-वीजणीदंसणे सेसा-जाग-जण्ण-बलिपादुब्भावे पहेणकगते अच्चिगते वंदिते पूयिते सक्कते संथुते
णमोक्कारअंजलिकरणे देवतपूयापादुब्भावे सव्वदेवगते सव्वदेवणामोदीरणे सव्वदेवणामधेज्जे थी-पुरिसगते देवकम्मपरिकित्तणासु सव्वदेवोपचारगते एवंविधे पेक्खितामासे सद्द-पडिरूवपादुब्भावे चेव देवभवातो आगते सि देवा अणंतरपच्छाकडो त्ति बूया । तत्थ कतरातो देवणिकायातो आगतो ? त्ति पुणरवि आधारयितव्वं भवति । तं जधादेवज्झाते तं उवदि, विधी देवणिकायाणं आमास-सह-पडिरूवपादब्भावोपलद्धीहिं तधा आधारयितव्वं भवति, 30 आधारयित्ता उवलद्धव्वा भवति । तत्थ पुणरवि देवोपलद्धीयं देवत्तातो आगतो आधारयितव्वं भवतीति इति दैवभवो
पुरिमो विण्णेयो भवति ।
१ वा जोगेणं हं० त० ॥ २ <bo एतच्चिह्नान्तर्गतः पाठः हं० त० नास्ति ॥ ३ हस्तचिह्रान्तर्गतः पाठः हं० त० एव वर्तते ॥ ४ तव्वं भवति हं० त० ॥ ५ समाप्त: हं० त० ॥ ६ उवहिए एकं हं० त० ॥ ७ करमेरावीजणादं हं० त० ॥ ८ देवस्सए उवविटुं हं० त० ॥ ९ देवरूवो हं० त० ॥
Jain Education International
For Private & Personal Use Only
www.jainelibrary.org
| SR No. | 001439 |
| Book Title | Angavijja |
| Original Sutra Author | N/A |
| Author | Punyavijay, Dalsukh Malvania, H C Bhayani |
| Publisher | Prakrit Text Society Ahmedabad |
| Publication Year | 2000 |
| Total Pages | 470 |
| Language | Prakrit |
| Classification | Book_Devnagari, Agam, Canon, Jyotish, & agam_anykaalin |
| File Size | 12 MB |