Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 312

बापंचासइमो णक्खत्तविजयज्झाओ
२०९
बूया । सव्वसिप्पिगते हत्थं बूया । चित्तेसु चित्तं बूया । सव्वमित्तगतेसु अणुराधं बूया । सव्वजलचरेसु अद्दा वा पुव्वासाढाओ वा सतविसयाओ वा बूया । तत्थ सव्वरुद्दगते सव्वरुद्दोपयुत्तेसु पादुब्धावेसु अद्दा, आवसंपयुत्तेसु पुरिमेसु पडिरूवेसु पुव्वासाढा, सुरालायुल्लोधिकमच्छकपादुब्भावेसु सतविसया बूया । तत्थ सव्वदव्वगते सव्वजलगते जमलाभरणकजमलोपकरणे मिधुणचरेसु सत्तेसु जमलणक्खत्ताणि बूया । सव्वगणितगतेसु सव्वजोगगते य सम (व) णो विणेयो । सव्वधण - घण्णगते धणिट्ठा विण्णेया ।
तत्थ पुरत्थिमेसु पुरत्थिमदाराणि बूया, दक्खिणेसु दक्खिणदाराणि बूया, पच्छिमेसु पच्छिमदाराणि बूया, उत्तरेसु उत्तरदाराणि बूया । पुण्णामेसु पुण्णामाणि बूया, थीणामेसु थीणामाणि बूया । अतिक्कंतेहिं अतिक्कंताणं जोगं बूया, अणागतेसु अणागताणि जोगे बूया, वत्तमाणेसु संपतिजोगवत्तमाणाणि बूया । उसुणेसु अग्गेयेसु स सूरियपादुब्भावेसु य आदिच्चगताणि बूया । उवद्दुतेसु सग्गहाणि बूया । अब्भंतरेसु जातिणक्खत्तं बूया । आदिमूलीएसु आदाणणक्खत्तं बूया । पुण्णामेसु कम्मणक्खत्तं बूया । बाहिरब्भंतरेसु मित्तसंबंधिणक्खत्तं बूया । बाहिरेसु परस्स णक्खत्तं बूया । पुण्णामेसु 10 पुरिसणक्खत्तं ब्रूया | थीणामेसु थीणक्खत्तं बूया । णपुंसएसु णपुंसकणक्खत्तं बूया । दढेसु णगरणक्खत्तं बूया । पुधूसु देवणक्खत्तं । डहरचलेसु गामणक्खत्तं बूया । डहरत्थावरेसु खेडणक्खत्तं बूया । सुक्केसु सुक्कपक्खे जुत्तं बूया । कण्हे कण्हपक्खे जुत्तं बूया । सुक्केसु अंतेसु पुण्णेसु य पुण्णिमासिणीय जुत्तं ति बूया । कण्हेसु अंतेसु तुच्छेसु चेव अमावस्साइ जुत्तं ति बूया ।
एवमाधारयितु काल-पक्ख - माण - जोगेसु-आमास - सह - रूवपादुब्भावेसु जधाणिद्दिट्ठाहिं उवलद्धीहिं णक्खत्ताणं 15 जोगकालं बूया । तत्थ कुलणक्खत्तं उपकुलणक्खत्तं ति आधारित अब्भंतरेसु कुलणक्खत्तं ति बूया, अब्भितरबाहिरे कुलोपकुलं विण्णेयं ।
चंदमग्गातो आधारितंसि कधं एतेसिं णक्खत्ताणं अट्ठावीसाए चंदो गच्छति ? एकविधं उत्तरेणं दक्खिणेणं वा दुविधं उत्तरतो पमद्दणेण वा दक्खिणतो पमद्दणेण व त्ति, तिविधजोएण वा केसं उत्तरतो दक्खिणतो पमद्दमाणो व त्ति । णक्खत्ते उप्पण्णंसि पडिरूवतो आमासतो वा दक्खिणुत्तरेहिं आमासेहिं असामण्णेहिं एकविधजोगी दक्खिणेहिं 20 दक्खिणतो चंदमसो गमणं बूया, उत्तरेहिं उत्तरेणं चंदमसो गमणं बूया । दुविधजोगीणि दक्खिणेसु मज्झिमसाधारणेसु उत्तरेहि य मज्झिमसाधारणेहिं आमासेहिं दुविधजोगीणिं णक्खत्ताणि बूया । दक्खिण- उत्तर - मज्झिमाणं आमासाणं तिहं पि सेवणाय तिविधजोगीणि णक्खत्ताणि बूया । एक्ककोदीरणेसु सद्द-रूवेसु एक्कविधजोगीणि बूया, दुगोदीरणे सहरूवेसु दुविधजोगीणि बूया, तिकोदीरणे सद्द-रूवेसु तिविधजोगीणि बूया ।
5
तत्थ सव्वसव्वोवणक्खत्ताणं णिएण णक्खत्तेण णक्खत्तसंठाणेण णक्खत्तगोत्तेण णियएण णक्खत्तकम्मोपचारेण 25 णियएण णक्खत्तदेवएण णियएण णक्खत्तपडिरूवेणं णियएण णक्खत्तगोत्तेणं णियएणं णक्खत्तदेवताकम्मोवयारेणं चेव णक्खत्तं णामतो गोत्ततो संठाणतो कुलतो गणतो कम्मतो जोगा -ऽजोगतो चेव सव्वमणुगंतव्वं भवति ॥
॥ इति खलु भो ! महापुरिसदिण्णाय अंगविज्जाय णक्खत्तविजयो णामाज्झायो वक्खातो भवति बापंचासतिमो 04 सम्मत्तो ० ॥ ५२ ॥ छ ॥
१ आपुस्संप हं० त० ॥ २ आमासेहिं हं० त० विना ॥ ३०० एतच्चिह्नान्तर्गतं पदं हं० त० नास्ति ॥