Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 193

अंगविज्जापइण्णयं
[१८ पण्णासं ओवाताणि कम्मं च परिपुच्छेज्ज वत्तणीपालमग्गियं । तुंबस्स मग्गितं वा वि तधा बाहिरंतुंबियं ॥ ८८३ ॥ पवासं परिपुच्छेज्ज अफलो त्ति वियागरे । पउत्थं परिपुच्छेज्ज परओ सो गमिस्सति ॥ ८८४ ।। बंधं च परिपुच्छेज्ज णिरत्थं बंधमादिसे । बद्धस्स मोक्खं पुच्छेज्ज मोक्खो तस्स पवासणे ॥ ८८५ ।। भयं पुच्छे भयं भवति खेमं पुच्छे ण होहिति । संधि पुच्छे ण भवति विग्गहो य णिरत्थगो ॥ ८८६ ॥ जयं पुच्छे ण भवति आरोगो वि ण होहिति । रोगं च मरणं चेव अत्थि तेवं वियागरे ॥ ८८७ ॥ जीवितं परिपुच्छेज्ज णत्थि तेवं वियागरे । आबाधितं च पुच्छेज्ज मतप्पाओ मतो त्ति वा ॥ ८८८ ।। अपातयमणावुढेि सस्सवापत्तिमेव य । अप्पसत्थं च जं किंचि सव्वमत्थि ति णिद्दिसे ॥ ८८९ ।। वस्सारत्तं च वासं च सव्वं णट्ठस्स दंसणं । तधा खेत्तं तधा वत्थु सव्वं णत्थि त्ति णिद्दिसे ॥ ८९० ॥ धण्णं धणं ति पुच्छेज्ज अधण्णं ति वियागरे । समे सद्दे तु जाणेज्जो जे तु बाहिरबाहिरा ॥ ८९१ ॥
तधा णिच्छुद्धणिच्छुद्धं तधा णिग्गतणिग्गतं । तधा णीहारणीहारे तधा गतगते त्ति वा ॥ ८९२ ॥
[तधा] वणवणं व त्ति अडवीअडवि त्ति वा । परतो-परतो व त्ति परंपरगतो त्ति वा ॥ ८९३ ॥ बझंबज्झं ति वा बूया तधा बाहिरबाहिरं । एते उत्ता समा सद्दा जे तु बाहिरबाहिरा ॥ ८९४ ॥
बज्झमंडलचारिम्मि णक्खत्ते देवते तधा । पुप्फे फले व देसे वा णगरे गाम गिहे वि वा ॥ ८९५ ।। पुरिसे चतुप्पदे वा वि पक्खिम्मि उदगेचरे । कीडे किविल्लगे वा वि परिसप्पे तधेव य ॥ ८९६ ॥ पाणे वा भोयणे वा वि वत्थमाभरणे तधा । आसणे सयणे जाणे भंडोवगरणे तधा ॥ ८९७ ।। लोहेसु यावि सव्वेसु सव्वेसु रयणेसु य । मणीसु यावि सव्वेसु सव्वधण्ण-धणेसु य ॥ ८९८ ॥ एतम्मि पेक्खितामासे सद्दे रूवे तधेव य । सव्वमेवाणुगंतूणं ततो बूयांगचितओ ।। ८९९ ।।
॥ बाहिरबाहिराणि सम्मत्ताणि ॥ १७ ॥ छ ।
10
20
[१८ पण्णासं ओवाताणि] ओवाताणि पण्णासं पवक्खामऽणुपुव्वसो | अब्भंतराणि सव्वाणि उमट्ठाणि जता भवे ॥ ९०० ॥ एताणि आमसं पुच्छे अत्थलाभं जयं तधा । जं किंचि पसत्थं तं सव्वमत्थि त्ति णिद्दिसे ॥ ९०१ ॥ पुरिसं च परिपुच्छेज्ज सिद्धत्थो सुभगो त्ति य । धण्णो य सुहभागी य पुरिसोऽयमिति णिदिसे ॥ ९०२ ॥ इत्थि च परिपुच्छेज्ज सिद्धत्था सुभग त्ति य । धण्णा य सुहभागी य इत्थीयमिति णिद्दिसे ॥ ९०३ ॥ कण्णं च परिपुच्छेज्ज सिद्धत्था सुभग त्ति य । ओवातकस्स पुरिसस्स कण्णा विज्जिहिति त्ति य ॥ ९०४ ॥ जं किंचि पसत्थं सा सव्वमत्थि ति णिद्दिसे । अप्पसत्थं च जं किंचि सव्वं णत्थि त्ति णिद्दिसे ॥ ९०५ ॥ ___ कम्मं च परिपुच्छेज्ज सुद्धकम्मं वियागरे । उल्लायको कंसिको वा सुद्धाकारी य होक्खति ॥ ९०६ ॥ अधामयं ति वा बूया ओवातो त्ति ससि ति वा । सेतं ति पंडरं व त्ति विमलं णिम्मलं ति वा ॥ ९०७ ॥ सुद्धं ति वाऽतिविसुद्धं ति तधा वितिमिरं ति वा । सप्पभं सुचिमं ति त्ति पितवण्णं ति पीतकं ॥ ९०८ ॥ पउमकेसरवण्णं ति तिगिच्छसरिसं ति वा । कोरेंट चंपको व त्ति कणिकार असितं ति वा ॥ ९०९ ।। जं चऽण्णं पीतकं णिद्धं जं वा वि रजतप्पभं । तेसं संकित्तणासद्दा ओवातेहि समा भवे ॥ ९१० ॥
जधा अब्भंतरे सुत्तं सव्वं दि8 सुभा-ऽसुभं । तधोवातेसु सव्वेसु फलं बूया सुभा-ऽसुभं ॥ ९११ ॥ तधोवातम्मि णक्खत्ते देवते पणिधिम्मि य । पुष्फे फले व देसे वा णगरे गाम गिहे ति वा ॥ ९१२ ।।
१ गुंठस्स हं० त० विना ॥ २ गुंठितं हं० त० विना ॥ ३ परितो सं३ पु० ॥ ४ धण्णं धण्णं व हं० त० ॥ ५ उल्लायंको हं० त० विना ॥ ६ आवागयं हं० त० ॥ ७ समि त्ति हं० त० ॥ ८ पियमण्णं हं० त० ॥ ९ अतिगं हं० त० ॥