Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 187

अंगविज्जापइण्णय
[१२ पण्णासं भयं च परिपुच्छेज्ज णत्थि त्तेवं वियागरे । खेमं च परिपुच्छेज्ज खेममत्थि त्ति णिद्दिसे ॥ ७०८ ॥ संधि च परिपुच्छेज्ज अस्थि संधि त्ति णिद्दिसे । विग्गहं परिपुच्छेज्ज णत्थि त्तेवं वियागरे । ७०९ ।। जयं च परिपुच्छेज्ज जयो अत्थि त्ति णिद्दिसे । आरोगं परिपुच्छेज्ज आरोगमिति णिदिसे ॥ ७१० ॥ रोगं च परिपुच्छेज्ज णस्थि रोगो त्ति णिद्दिसे । मरणं परिपुच्छेज्ज णत्थि त्तेवं वियागरे ॥ ७११ ॥ जीवितं परिपुच्छेज्ज अस्थि त्तेवं वियागरे । आबाधितं परिपुच्छेज्ज समुट्ठाणंऽस णिदिसे ॥ ७१२ ॥ अणावुट्टि च पुच्छेज्ज णत्थि त्तेवं वियागरे । वस्सारत्तं च पुच्छेज्ज सोभणो त्ति भविस्सति ॥ ७१३ ॥ अपसारं च पुच्छेज्ज णत्थि त्तेवं वियागरे । वासं च परिपुच्छेज्ज चिरं वासं वियागरे ॥ ७१४ ॥ सस्सस्स वापयं पुच्छे णत्थि तेवं वियागरे । सस्सस्स संपयं पुच्छे सोभणो त्ति वियागरे ॥ ७१५ ।। णटुं च परिपुच्छेज्ज अत्थि णटुं ति णिद्दिसे । णट्ठमाधारतित्ता णं पुरिमपक्खं ति णिद्दिसे ॥ ७१६ ।। संपता-ऽणागता–ऽतीतं आगामि त्ति वियागरे । धण्णं धणं ति पुच्छेज्ज धणं तेवं वियागरे ॥ ७१७ ।। जं किंचि पसत्थं तं सव्वमत्थि त्ति णिद्दिसे । अप्पसत्थं च जं किंचि सव्वं णत्थि त्ति णिदिसे ॥ ७१८ ॥ तधा खेत्तं तधा वत्थु सव्वं बूया अणागतं । समे सद्दे य जाणेज्जो जे भवंति अणागता ।। ७१९ ।।
अणागतं वट्टिहिति 6 उप्पज्जिहिति 0 होक्खति । भविस्सते आगहिति तधा आगच्छते त्ति वा ॥ ७२० ॥ एहिती व त्ति वा बूया तधा दाहिति काहिति । भुंजिस्सति त्ति वा बूया तधा खाहिति पाहिति ॥ ७२१ ।। तधा सिक्खिहिते व त्ति आगमेहिति पेच्छति । हाधिति त्ति वा बूया दक्खिणं दाहिति त्ति वा ॥ ७२२ ।। तधा अज्जिहिते व ति तधा दिस्सहिति त्ति वा । अंग्घाहिति त्ति वा बूया अस्सादेहिति व त्ति वा ॥ ७२३ ।। फरिसाहिति त्ति वा बूया तधा चिंतेहिति त्ति वा । मंतेहिति त्ति वा बूया णिच्छयं णाहिति त्ति वा ॥ ७२४ ॥ वज्जिहिते गिज्जिहिते वायेहिति धाहिति । ल्हासेहिति त्ति वा बूया तधा पढिहिति त्ति वा ॥ ७२५ ॥ ण्हाहिते त्ति विलिंपिहिति ण्हाणं आहेच्छिति ति वा । सिरं भरेहते व त्ति आविधिहिति वासितं ॥ ७२६ ॥ णिवसिहिति वत्थाणि तधा पांगुहिति ति वा । पसाधेहिति त्ति वलये भूसणाणि विणेच्छिति ॥ ७२७ ।। अलंकारेहिते व त्ति पडिकम्मं काहिति त्ति वा । माणेहिति त्ति वा पच्छा तधा सोभिहिते त्ति वा ॥ ७२८ ॥ आतिगंछिति ति वा बूया समेहिति रमेहिति । एते उत्ता समा सद्दा जे भवंति अणागता ॥ ७२९ ।। __ अणागतम्मि णक्खत्ते देवते पणिधिम्मि य । पुप्फे फले व देसे वा णगरे गाम गिहे वि वा ॥ ७३० ॥ पुरिसे चतुप्पदे चेव पक्खिम्मि उदगेचरे । कीडे किविल्लगे यावि परिसप्पे तधेव य ॥ ७३१ ॥ पाणे वा भोयणे वा वि वत्थे आभरणे तधा । आसणे सयणे जाणे भंडोवगरणे तधा ॥ ७३२ ।। लोहेसु यावि सव्वेसु सव्वेसु रयणेसु य । मणीसु यावि सव्वेसु सव्वधण्ण-धणेसु य ॥ ७३३ ।। एतम्मि पेक्खितामासे सद्दे रूवे तधेव य । सव्वमेवाणुगंतूणं ततो बूयांगचिंतओ ॥ ७३४ ।।
॥ अणागताणि सम्मत्ताणि ॥ ११ ॥ छ ।
20
30
[१२ पण्णासं अब्भंतराणि] अब्भंतराणि पण्णासं पवक्खामऽणपुव्वसो । सरीरत्थाणि जाणंगे सरीराबाहिराणि य ॥ ७३५ ॥ पाद-पाणितलाणं च जंघोरुब्भंतराणि य । कक्ख-ऽक्खि-वक्खणाणं च णाभीय मेहणस्स य ॥ ७३६ ॥
१णं विणि हं० त० ॥ २ आगमि सप्र० ॥ ३ धण्ण त्तेवं हं० त० ॥ ४ वट्टिहिते हं० त० ॥ ५ ति भोक्खति चिट्ठतिस्सति । भवि सि० ॥ ६ हस्तचिह्नान्तर्गतः पाठः हं० त० एव वर्तते ॥ ७ अगहिते हं० त० विना ॥ ८ अग्घाहिते हं० त० ॥ ९ वथिहिए गच्छिहिए वाये हं० त० ॥ १० वाविहिति हं० त० विना ॥ ११ आहेकिति त्ति वा । थिरं भरेहिते हं० त० ॥ १२ विणिच्छति हं० त० विना ॥ १३ सोभहिते हं० त० विना ॥