Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 163

10
अंगविज्जापइण्णयं
[१पण्णत्तरं ओट्ठा य २३ दंतवेला य २४ दंतमंसं २५ मुहं तधा २६ । अंसा २८ बाहू ३० पबाहू य ३२ कोप्परा ३४ अवहत्थगा ३६ ॥ ३ ॥ मणिबंधहत्था सतला ३८ अंगुट्ठा चतुरो तधा ४२ । खंधो(धा) ४४ जतूणि ४६ पस्साणि ४८ अक्खका य ५० उरो ५१ थणा ५३ ॥ ४ ॥ हितयाणि य पंचेव ५८ कुक्खी ६० उंदर ६१ वक्खणा ६३ ।
पोरुसं ६४ वत्थिसीसं च ६५ चल्ला ६७ ऊरू ६९ तधेव य ॥ ५ ॥ गोप्फा ७१ पादा य ७३ तधा उभो पायतलाणि य ७५ । एवं पुण्णामधेयाणि वियाणे पंचसत्तरि ॥ ६ ॥ सरीरे जाणि वऽण्णाणि पुण्णामाणि भवंतिह । ताणि पुण्णामधेज्जेसु णिद्दिसे अंगचितओ ॥ ७ ॥ ___ एताणि आमसं पुच्छे अत्थलाभं जयं तधा । पराजयं वा सत्तूणं मित्तसंपत्तिमेव य ॥ ८ ॥ समागमं घरावासं थाणमिस्सरियं जसं । णिव्वुर्ति वा पतिटुं वा भोगलाभं सुहाणि य ॥ ९ ॥ दासी-दासं जाण-जुग्गं गो-माहिसमऽया-ऽविलं । धण-धण्णं खेत्त-वत्धुं च विज्जा संपत्तिमेव य ॥ १० ॥ कुडुंबवद्धि विपुलं च जं चऽण्णं इच्छितं सुखं । जं च किंचि पसत्थं सा सव्वमत्थीति णिदिसे ॥ ११ ।। पुरिसं च परिपुच्छेज्ज सिद्धत्थो सुभगो त्ति य । सूरो य रज्जभागी य ससेसो सुभगो त्ति य ॥ १२ ॥ सयं अभिगताणं च परेणाभिगतस्स य । भोगमत्थं सुहाणि च भुंजिस्सति ण संसयं ॥ १३ ॥ वसुमं जसभागी य इत्थीओ य जतिस्सति । कल्लाणभागी य सया सता संतोस एव य ॥ १४ ॥ अमित्तं भायरं पुत्तं तधा जामाइतं पि वा । जारं च परिपुच्छेज्जा दासं चऽत्थि त्ति णिद्दिसे ॥ १५ ॥ इत्थि च परिपुच्छेज्जा सिद्धत्था सुभग ति य । धण्णा य सुहभागी य सव्वकामसमन्निया ॥ १६ ॥ महतो य कुटुंबस्स इस्सरी सामिणी भवे । कल्लाणाणं सुहाणं च भागिणी भोगभागिणी ॥ १७ ॥ सततं अणुरत्ता य असवत्तं अकंटगं । अरोगा सुहिता णिच्चं पुरिसं च जयिस्सति ॥ १८ ॥ भगिणि भायरं धीतं दासि वा जारिकं तधा । सहि ण्हुसं वा पुच्छेज्जा अस्थि तेवं वियागरे ॥ १९ ॥ कण्णं च परिपुच्छेज्जा सिद्धत्था सुभग त्ति य । धण्णा य सुहभागी य भवेय सुभलक्खणा ॥ २० ॥ संसेसा य उदत्ता य अणुरत्ता य जसस्सिणी । सेमिद्धं च कुलं एसा गमिस्सति ण संसयो ।। २१ ।। सूरं च रज्जभागिं च णिच्चं च सुहभागिणं । महाधणं महाभागं भत्तारं च लभिस्सति ॥ २२ ॥ सतितामेव कण्णं तु पुच्छंती वरका जति । धण्णा कण्ण त्ति तं ब्रूया खिप्पं णिग्गहित्ति य ॥ २३ ॥ गभं च परिपुच्छेज्ज अस्थि गब्भो ति णिद्दिसे । गम्भिणी पुरिपुच्छेज्जा दारगं सा पयाहिति ॥ २४ ॥ जधा पुरुसपुच्छायं पुव्वुत्ता पुरुसे गुणा । तं चेव गुणसंपत्ति तस्स बालस्स णिदिसे ॥ २५ ॥ कम्मं वा परिपुच्छेज्ज पुरिसकम्मं स णिद्दिसे । संगामेसु य कम्माणि सव्वाणेवं वियागरे ।। २६ ॥ णिद्दिसे रायसेवीणं सव्वरायकुलेसु य । वावारमाधिपच्चं वा जुद्धं आयरियत्तणं ॥ २७ ॥ पवासं परिपुच्छेज्जा मासमत्तस्स होहिति । साधयिस्सति अत्थं वा भुज्जो जण्णं लभिस्सति ॥ २८ ॥ पउत्थं परिपुच्छेज्ज सिद्धत्थो सधणो त्ति य । कतकज्जो अरोगो य अविग्घेणाऽऽगमिस्सति ।। २९ ।। बंधं च परिपुच्छेज्जा णत्थि बंधो त्ति णिद्दिसे । बद्धस्स मोक्खं पुच्छेज्जा चिरा मोक्खो भविस्सति ।। ३० ॥
30
१ जत्तूणि सं ३ पु० । जंतूणि सि० ॥ २ हिंतयाणि हं० त० | हिंतहाणि सि० ॥ ३ उदर चक्खुणा सप्र० ॥ ४ च रुल्ला हं० त० ॥ ५ वियारे हं० त० ॥ ६ वाणूणि हं० त० ॥ ७ सुभभागी हं० त० ॥ ८ सुट्ठिया हं० त० ॥ ९ भगिणी हं० त० ॥ १० भवेमुभयल' हं० त० ॥ ११ सेसेसा हं० त० ॥ १२ समिद्धं णियकुलं सि० ॥ १३ महाधण्णं सं ३ पु० ॥ १४ सतिभामेव सं ३ पु० ॥ १५ वरछा जति हं० त० ॥ १६ गुरुसंपत्तिं हं० त० विना ॥