Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 145

४२
अंगविज्जापइण्णयं
[सत्तरसमं रुदितविभासापडलं पंक्खवेढाय एज्जंतं बाहुपंगुरणेण वा । उक्खंभमाणो दंडं वा अत्थहाणिऽस्स णिद्दिसे ॥ १९ ॥ सिप्पोवकरणं गेज्झ आगतो पुरतो ठितो । तस्स तेणेव सिप्पेण अत्थलाभं पवेदये ॥ २० ॥ पुप्फुच्छंगे फलुच्छंगे धण्णुच्छंगेण आगते । धण्णलाभं पयालाभं उभयं तेसु णिद्दिसे ॥ २१ ॥ पाणजोणिगतं गेज्झ आगते पुरतो ठिते । दीणोदत्तं विजाणीया तधा अत्थं पवेदये ॥ २२ ॥ मूलजोणिगतं गेज्झ आगते पुरतो ठिते । दीणोदत्तं विजाणित्ता विभत्तीय वियागरे ॥ २३ ॥ धातुजोणिगतं गेज्झ आगते पुरतो ठिते । दीणोदत्तं विजाणित्ता विभत्तीय वियागरे ॥ २४ ॥ पुण्णामधेयं गेण्हित्ता आगते पुरतो ठिते । अत्थलाभं विजाणित्ता थी-पुमंस-णपुंसके ॥ २५ ॥ थीणामधेयं गेण्हित्ता आगते पुरतो ठिते । थीलाभं पुरिसे विज्जा अलाभं थी-णपुंसके ॥ २६ ॥ णपुंसकं गेज्झ तु जो आगतो पुरतो ठितो । अलाभो अत्थहाणी य थी-पुमंस-णपुंसके ॥ २७ ॥ पुरतो आगते चेव दक्खिणेण य उज्जुयं । पुव्वदक्खिणओ वा वि सुभमत्थं पवेदये ॥ २८ ॥ पुव्वुत्तरेणाऽऽगतम्मि उत्तरेण य उज्जुयं । थीणामधेयं संसंति थीणामे पुरिसस्स य ॥ २९ ॥ पच्छिमेणाऽऽगते उज्जु पच्छिमम्मि य दक्खिणे । पच्छिमे वुत्तरं भागे अत्थलाभो णपुंसके ॥ ३० ॥ अभिमुहे आगतम्मि अप्पट्ठायाऽऽगतं वदे । साधारणत्थं पस्सेहिं पच्छिमेण परस्स तु ॥ ३१ ॥ आगते अवयक्खंते परत्थायाऽऽगतं वदे । आगते हेलणत्थाय संकंतेण इमे विदू ॥ ३२ ॥ ओकूणते विकूणंते गेण्हते य अणामियं । आगतमि अणोकते हेलणत्थाय णिदिसे ॥ ३३ ।। अब्भंतरं आगयम्मि अंतो अब्भंतरो भवे । साधारणो भवे मज्झे बाहिरे बाहिरो भवे ॥ ३४ ॥ उदत्ते आगते यावि उदत्तत्थस्स संपदा । आगते अणुदत्तम्मि असुभं संपवेदये ॥ ३५ ॥ आगतेसु पसत्थेसु अप्पसत्थं ण णिद्दिसे । अप्पसत्थाऽऽगते यावि पसत्थं णाभिणिद्दिसे ॥ ३६ ॥
॥ भूमीकम्मे आगतविभासा णामं पडलं विभागसो विक्खातं ॥ १६ ॥ छ ।
[सत्तरसमं रुदितविभासापडलं] सोलसेवाऽऽगताणंगे इति वुत्ताणि भागसो । वीसं रुदिताणंगे तु कित्तयिस्समतो परं ॥ १ ॥ ओलोएंतो व रोदेज्जा १ उल्लोएंतो व रोदति २ । पेक्खंतो उज्जुअं पुरतो ३ पेक्खंतो तध दक्खिणं ४ ॥ २ ॥ पच्छतो अवलोएंतो रुदिते पंचधा (मा) विधि ५ । वामतो पेक्खिते छटुं ६ विलोकंते व सत्तमं ७ ॥ ३ ॥ पलोएंते व रुदितं अट्ठमं तु पवेदये ८ । आहारकरणे णवमं ९ णीहारे दसमं भवे १० ॥ ४ ॥ F दीणं मधुरनिग्घोसं रुदितं एक्कादसं भवे ११ । क दीणक्खामं अमधुरं बारसं परिकित्तियं १२ ॥ ५ ॥ F अंतो य रुदितं मंदं तेरसं परिकित्तियं १३ । ॐ महासदं च णीहारि रुदितं चोद्दसं भवे १४ ॥ ६ ॥ ओणमंते य रोदंते G भवे पण्णरसो विधि १५ । ओणते वा वि रोदंते क विधी सोलसमो भवे १६ ॥ ७ ॥ सोताणि पिधयित्ता य रुदिते सत्तरसो विधि १७ । अपावितेहिं सोतेहिं रुण्णमट्ठारसं भवे १८ ॥ ८ ॥ F अपस्सिएण रुदियं भवे व एकूणवीसकं १९ । अणपस्सितेण रुदितं भवे वीसतिमं सता २० ॥ ९ ॥
१ पक्खवेंटा य हं० त० ॥ २ उभक्खमाणो हं० त० विना ॥ ३ आगतो । धणलाभं सि० ॥ ४ आगतो पुरतो ठितो हं० त० ॥ ५ आगतो हं० त० सि० ॥ ६ थीणामत्थे पसंसंति हं० त० विना ॥ ७ अवयक्तते हं० त० ॥ ८ आगतो हेलणट्ठाय संकतेण इमो विदु हं० त० ॥ ९ उक्खणेते विक्कुणुत्ते हं० त० ॥ १० मो० विनाऽन्यत्र-"म्मि य णेकत्ते सं० ३ पु० सि० । अणाकत्ते हं० त० ॥ ११ आगमम्मि य तो हं० त० ॥ १२ आगमे हं० त० ॥ १३ कम्मपुच्छितवि सप्र० ॥ १४ पेक्खितो हं० त० ॥ १५ विलोकेंतो व हं० त० विना ॥ १६ पलोएंतो हं० त० ॥ १७-१८ हस्तचिह्नमध्यवर्ति पूर्वार्द्धयुगलं हं० त० एव वर्तते ॥ १९ “सत्तं ध (थ) णीहारि हं० त० ॥ २० उण्णमंतो हं० त० ॥ २१ हस्तचिह्नमध्यगतः पाठः हं० त० एव वर्तते ।। २२ वा वि रुदंतो हं० त० ॥ २३ थोवाणि हं० त० ॥ २४ सोमेहिं हं० त० ॥ २५ हस्तचिह्नगतः पाठः हं० त० एव वर्तते ॥