Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 144

४१
सोलसमं आगतविभासपडलं
अट्ठमो भूमीकम्मऽज्झाओ केसे कटे य सुक्खम्मि उण्हे अग्गिघरे तधा । अणावुट्ठी भयं रोगं अवायं ताहि णिद्दिसे ॥ २८ ॥ भेरी-मुयंग-पणवाणं संख-उक्कुट्टिणिस्सणे । पिसाय-रक्खसकधा सुभमेतासु णिदिसे ॥ २९ ॥ अत्थाभिगमणे लाभे विवद्धीसु य जा कधा । अत्थस्स य विणासम्मि तज्जातेण वियागरे ॥ ३० ॥ कामिते संपयोगम्मि अभिरोमविवद्धिसु । विगते यावि कामम्मि कथा तज्जाततो वदे ॥ ३१ ॥ धम्माभिलासे विणये दाणे जण्णिक्कियासु य । धम्मोवधाते य तथा तज्जातेण वियागरे ।। ३२ ।। कंधासऽज्झप्पजुत्तासु मोक्खमंतकधासु य । सुसंगमितरागाणं कधा तज्जाततो वदे ॥ ३३ ॥ अत्थे धम्मे य कामे य कधा इस्सरिए तधा । सद्दा विवायसंजुत्ता तज्जातेण वियागरे ॥ ३४ ॥ मणोरमा सुहा सोम्मा कधा या धम्मसंसिता । सुहासं भावजोगं वा सव्वत्थीए पसस्सते ॥ ३५ ॥ पतिकूला य सोतु ज्जे कधा उव्वेदयंतिया । सविग्गहा य संलावा सव्वत्थीगे ण पूयिता || ३६ ॥ कधासु य पसत्थासु अप्पसत्थं ण णिद्दिसे । कधासु य अणिट्ठासु पसत्थं णाभिणिद्दिसे ॥ ३७ ॥
॥ भूमीकम्मे [संलावविधि] पडलं सम्मत्तं ॥ १५ ॥ छ ।
[सोलसमं आगतविभासापडलं] वीसं संलावजोणीओ इति वुत्ता विभागसो । सोलसेवाऽऽगताणंगे कित्तयिस्सं विभागसो ॥ १ ॥ आगतं हत्थसंलग्गं १ सपरीवारं च आगतं २ । असहायं च अवत्थाणं आगतं ३ सुत्थियागतं ४ ॥ २ ॥ [आगतं पंचमं] चेव वीमंसा व विचेट्ठियं ५ । इड्डि-उदयिजुत्तं च आगतं छट्ठमुच्चते ६ ॥ ३ ॥ 15 ण्हायालंकारसंछण्णं सत्तमं आगयं भवे ७ । णिस्सोयमइलं दीणं अट्ठमं धिवलागतं ८ ॥ ४ ॥ आधावितं च तुरितं ९ दसमं चेतितागतं । भया वा संभवा वा वि तध अव्वाइकेण वा १० ॥ ५ ॥ पसत्थाणि य गिण्हित्ता आगतं संपकित्तियं ११ । अप्पसत्थाणि गेण्हित्ता आगमे बारसो विधि १२ ॥ ६ ॥ पुरतो १३ पच्छतो यावि १४ दक्खिणेणु १५ त्तरेण य १६ । चतुव्विधं आगमणं इच्चेते सोलसाऽऽहिता ॥ ७ ॥
सुभं १ चेवाऽसुभं चेव २ आगतं दुविधं भवे । थी १ पुमंस २ णपुंसत्थे ३ एवेतं तिविधं भवे ॥ ८ ॥ 20 अप्पत्थं च १ परत्थं च २ तधा साधारणत्थियं ३ । णिरत्थं ४ हेलणत्थं च ५ आगते पंचधा विधि ॥ ९ ॥ दिसाणं विदिसाणं च पविभागं वियक्खणो । अट्ठधा आगतं णच्चा ततो बूया सुभाऽसुभं ॥ १० ॥ आगताणं विधी एसो समासा वासतो तधा । सम्मं संपडिपेक्खित्ता ततो बूया अणाविलो ॥ ११ ॥
जमले हत्थसहगते संबंधेण य आगते । समागमं घरावासं वधं बंधं च णिद्दिसे ॥ १२ ॥ आधाविते य तुरितम्मि वेगिते आगतम्मि य । खिप्पमच्चाइतं अत्थं पवासं वा वि णिद्दिसे ॥ १३ ॥ 25 सुत्थितम्मि य पज्जंते तधा एकग्गाणसे । महासारसुभं अत्थं वदे एवं तु आगमे ॥ १४ ॥ पधप्पवेसे कंदप्पे चंचले अणवत्थिते । आगयम्मि अणोकते असारं अत्थमादिसे ॥ १५ ॥ एकग्गमणुव्विग्गं [जं] जं च मालितभूसियं । पाउतं हत्थसंलग्गं आगतं अत्थसाधगं ॥ १६ ॥ तुरिते अहित्थतं विच्छे मोक्खणे अलिस्स य । विक्खित्तविकधाजुत्तं आगतं अत्थणासणं ॥ १७ ।। विग्गहेण विवादेण कलहेणेति दुवे जणा । भंडणं अत्थहाणि च आगतेणाभिणिद्दिसे ॥ १८ ॥
१भेरीसुद्धंग सं३ पु० ॥२ रागवि सि० ॥३ जण्णुक्कि हं० त० विना ॥ ४ कधामज्झसं ३ पु० । 'कधासऽज्झप्पजुत्तासु' कथासु अध्यात्मयुक्तासु इत्यर्थः ॥ ५ सुहासंलाव हं० त० ॥ ६ उच्छेद हं० ॥ ७ अस्थिआगतं हं० ॥ ८ चेव मीमंसा च विवे वीमंसासु पइट्ठियं सि० ॥ ९ णिम्मोइमइलं सि० । णिमोयमइलं सं ३ पु० ॥ १० हीणं हं० त० ॥ ११ विवलागतं हं० त० विना ॥ १२ रोहित्ता हं० विना ॥ १३ णुत्ता ततो सं ३ पु० । णुव्वा ततो हं० त० ॥ १४ 'मत्ताइतं हं० त० विना ॥ १५ 'माणुसे हं० त० विना ॥ १६ अणेकत्ते सं ३ पु० सि० । अणाकत्ते हं० त० ॥ १७ अहत्थितं वित्थे हं० त० विना ॥ १८ मोक्खाण हं० त० विना ॥
30