Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 138

विभासापडलं]
अट्ठमो भूमीकम्मऽज्झाओ पेक्खितेसु य सव्वेसु थी-पुमंस-णपुंसके । दीणोदत्तेहिं अत्थो तु पुच्छंतस्स विआकरे ॥ ३० ॥ पेक्खितेसु पसत्थेसु अप्पसत्थं ण णिद्दिसे । पेक्खिते अप्पसत्थे य पसत्थं व णिदिसे ॥ ३१ ॥
॥ भूमीकम्मे पेक्खितविभासापडलं सम्मत्तं ॥ ११ ॥ छ ।
-000000000
[बारसमं हसितविभासापडलं]
दस विप्पेक्खियाणंगे इति वुत्ताणि भागसो । हसिताणि चोद्दसंगे कित्तयिस्सामि भागसो ॥ १ ॥ परिमं दक्खिणे चेव वामतो पच्छिमेण य । अकामहसितं १ दीणं २ मड्डाहसित ३ दारुणं ४ ॥ २ ॥ णिस्सद्द ५ विलितं वा वि ६ पेम्मा ७ मुदित ८ जंपियं ९ । अच्चत्थहसितं वा वि १० भवेंतहसितं तधा ११ ॥ ३ ॥ बहुमाणहसितं वा वि १२ णिमिल्लहसितं तधा १३ । हसितं सअंसुगं वा वि १४ संगहा चोद्दसाऽऽहिता ॥ ४ ॥
अभंतरं तु हसितं सव्वत्थेसु पसस्सते । णिब्बाहिरं च हसितं अप्पसत्थेसु कित्तितं ॥ ५ ॥ हेसंतो जति पुच्छेज्जा बाहिरं विगतस्सरो । बंधं व अत्थहाणि वा अप्पसत्थं च णिदिसे ॥ ६ ॥ हसंतो य णिमिल्लंतो अत्थं जं किंचि पुच्छति । अदिट्ठकमणत्थं च खिप्पमेव पवेदये ॥ ७ ॥ हसंतं तु सअंसूगं जं अत्थं परिपुच्छति । पियस्स मरणं खिप्पं अणत्थं चऽस्स णिद्दिसे ॥ ८ ॥
ओहत्थहसियं कुद्धं हीलया फड्डितं तधा । पीलिया हसियं दुटुं अप्पसत्थेसु कित्तितं ॥ ९ ॥ पीतीअ हसितादुटुं अत्थतो मधुरं मयु । देसे वा अंगविदिटुं पुच्छंतो वा पसस्सति ॥ १० ॥ बहुमाणेण हसितं वंदंते पुच्छणाय वा । पहसंतो पीतिआ पुच्छे अत्थसिद्धी स णिद्दिसे ॥ ११ ॥ उच्चस्सरेण णीहारी अट्टहासाय बाहिरा । हसंते हसितं चेव सव्वं गरहितं भवे ॥ १२ ॥ समत्थं मुदितं भवति जं णातिविपुलं भवे । अंतोहसीयमाणं तु सततं उत्तमं भवे ॥ १३ ॥ उत्थितं हसितं ते सुभं तं हासहासितं । पुण्णा मयुं अणीहारी सव्वत्थेसु पसस्सते ॥ १४ ।। अभिमुहम्मि हसिते अत्थो अब्भंतरो भवे । बाहिरब्भंतरे मज्झो बाहिरम्मि य बाहिरो ॥ १५ ॥ अब्भंतरम्मि हसिते उक्कट्ठा अत्थसंपदा । मज्झिमे मज्झिमा वद्धी हीणा भवति बाहिरे ॥ १६ ॥
20 अब्भंतरम्मि हसिते सकमत्थं पवेदये । साधारणं मज्झिमगे बाहिरम्मि य बाहिरं ॥ १७ ॥ पदक्खिणम्मि हसितम्मि पुरिसस्सऽत्थं पवेदये । वामतो इत्थिआ अत्थं पच्छतो य णपुंसके ॥ १८ ॥ पुरस्थिमम्मि हसिते अत्थं बूया अणागतं । वत्तमाणं च पस्सेसु अतिक्कंतं च पच्छतो ॥ १९ ॥ आसण्णकालं चाऽऽसणं अंतकालं च मज्झिमे । अव्वक्खित्तं च हसिते चिरकालं पवेदये ॥ २० ॥ हसिते य उदत्तम्मि उक्कट्ठा अत्थसंपदा । मज्झिमे मज्झिमा वद्धी दीणे हाणिं तु णिद्दिसे ॥ २१ ॥ अणीहारि पसत्थं च णिद्धं दित्तं अविस्सरं । बहुमाणा पमोदा वा हसितं संपसस्सते ॥ २२ ॥ णेमित्ती दिस्स सोमं तु तहाऽटुं अविरोधितं । उद्धम्मुहं पहसति सव्वत्थीयेसु पूयितं ॥ २३ ॥ बहुमाणपेक्खणायुत्तं आणाणतमकंपितं । अंतोमुहं पहसितं पुच्छंतेण पसस्सति ॥ २४ ॥ णीहारि चेव दीणं च अकामं विस्सरं तधा । हीला वा हासदोसा य सव्वत्थीके ण पूयितं ॥ २५ ॥
१ दक्खिणं हं० त० सि० ॥ २ हीणं सि० ॥ ३ णिस्स? हं० त० विना ॥ ४ जंघियं त० ॥ ५ हसंतो भूमि पु हं० त० ॥ ६ आदिट्ठ सि० ॥ ७ आणित्थ वऽस्स सं ३ पु० ॥ अणिच्छंतस्स सि० ॥ ८ कुटुं हं० त० ॥ ९ दसे वा सप्र० ॥ १० उम्हितं हं० त० विना ॥ ११ सोमत्तं तहा हं० त० ॥ १२ अवरोधितं सप्र० ॥ १३ अणोणत' हं० त० विना ॥
Jain Education अंग०८