Angavijja

SR No.: 001439
Original Sutra Author: N/A
Author: Punyavijay, Dalsukh Malvania, H C Bhayani
Publisher: Prakrit Text Society Ahmedabad
Publication Year: 2000
Total Pages: 470
Language: Prakrit
Classification: Book_Devnagari, Agam, Canon, Jyotish, & agam_anykaalin
File Size: 12 MB

Page 137

३४
[एगारसमं पेक्खित
अंगविज्जापइण्णयं [एगारसमं पेक्खितविभासापडलं]
5
अट्ठावीसं ठिताणंगे कित्तिताणि जधा तधा । दस विप्पेक्खियाणंगे कित्तयिस्सं विभागसो ॥ १ ॥ पदक्खिणं च १ वामं च २ पुरतो ३ पच्छतो तधा ४ । ओलोकितं पंचमं च ५ छट्ठमुल्लोकितं तधा ६ ॥ २ ॥ मुदितं पेक्खितं वा वि ७ अट्ठमं दीणमेव य ८ । अभिहारि णवमं भवति ९ णीहारि दसमं भवे १० ॥ ३ ॥
थिआ वामं पसंसंति पिक्खितं अत्थसाधणं । थीलाभे वा वि पुरिसस्स पसत्थं वामपेक्खियं ॥ ४ ॥ पुरिसस्स दक्खिणं पत्थं पुरिसत्थेसु पेक्खितं । थिआ य पूयितं भवति पुत्तस्सऽत्थे पतिस्स वा ॥ ५ ॥ < ओलोइते पिक्खितम्मि अत्थहाणी पवेदये । उल्लोइते विवद्धिं च पेक्खितम्मि वियागरे ॥ ६ ॥ मुदिते पेक्खिते वा वि उत्तमत्थं पवेदये । पेक्खितम्मि य दीणम्मि अणिट्ठा अत्थसंपदा ॥ ७ ॥ आहारिपेक्खिते वा वि आगमं संपवेदये । णीहारिपेक्खमाणे य णिग्गमं संपवेदये ॥ ८ ॥ पेक्खितं उमुकं पुरिमं दक्खिणं पुव्वदक्खिणं । ओहितं णिव्वतं हिटुं पसत्थं अत्थसाधकं ॥ ९ ॥ थिआ वामं पसंसंति जं च वामपुरत्थिमं । णपुंसके पसत्थं वा पेक्खितं पच्छिमेण तु ॥ १० ॥ उल्लोइत उत्तमेसु पेक्खितं तु पसस्सते । आहारि मुदितं वा वि सव्वत्थीककतेसु य ॥ ११ ॥ ओलोइतं पच्छिमं वा अप्पसत्थं विपेक्खितं । णीहारि परिणेओ य सव्वत्थीगकते सुभं ॥ १२ ॥ समुज्जुगं पच्छिमतो यं च वामेण पच्छतो । पच्छतो दक्खिणं वा वि णपुंसत्थेसु पूयितं ॥ १३ ॥ पुरिसस्स थिया वा वि तयो एते उ पेक्खिया । पसत्थेण प्पसस्संते अप्पसत्था तु ते सदा ॥ १४ ॥ उद्धमुल्लोगिते उज्जू खिप्पमिस्सरियं वदे । अभिवड्डिते य अत्थाणं जयत्थाणं च णिदिसे ॥ १५ ॥ ओलोइतं च जं हेट्ठा दीणं वा वि विलोचितं । रुणारुतं च णिज्झायं सव्वं गरहियं भवे ॥ १६ ॥ उल्लो इतं च पुरतो तधा पुरिमदक्खिणं । तं चोवपेक्खितं उज्जु अत्थसिद्धि पवेदये ॥ १७ ॥ उल्लोइते दक्खिणम्मि दक्खिणे य पलोइते । सव्वत्थस्स विवद्धते सव्वतो उत्तमा सुभा ॥ १८ ॥ उल्लोइतं च जं वामं जं च वामं पलोइतं । पुव्वुत्तरं च जं जोगे मज्झिमत्थे पसस्सते ॥ १९ ॥ उज्जुङल्लोइते दिग्घे उप्पुतं तुरियं तथा । पवासगमणं खिप्पं खिप्पवासं च णिद्दिसे ॥ २० ॥ दीणं दूरं च दिग्धं च पवासे ण पसस्सते । हिटुं मुदितं च थोवं च आगमम्मि पसस्सते ॥ २१ ॥ पहट्टपेक्खितं दिग्घं दिग्घा अत्था सुभा भवे । पासे दीणं च णिज्झाति आगमो असुभो भवे ॥ २२ ।। पीतिउल्लोगितं जं च हासेण य विलोगितं । अवत्थितमणुव्विग्गं सव्वत्थेसु पसस्सते ॥ २३ ॥ दीणं उल्लोगितं जं वा दीणं वा वि पलोगितं । अणवत्थितं समुव्विग्गं अप्पसत्थेसु कित्तितं ॥ २४ ।। अपेक्खियं दिसा सव्वा भूमीलोकमपेक्खति । तुरितं उवणिमिल्लंते विपुला अत्थसंपदा ॥ २५ ॥ अविपेक्खमाणो उज्जुकं पस्सेणं जो तु पेक्खति । विसमं चिराभिमिल्लंते अत्थं बूया अवत्थितं ॥ २६ ॥ णिज्झाइते दक्खिणम्मि पुरिसस्सऽत्थं पवेदये । वामतो य थिआ अत्थं पच्छतो य णपुंसके ॥ २७ ॥ पेक्खितम्मि उदत्तम्मि उक्कट्ठा अत्थसंपदा । मज्झिमा मज्झिमे वद्धी हीणं दीणेसु णिदिसे ॥ २८ ॥ पेक्खिते पुरतो उज्जु अत्थं बूया अणागतं । वत्तमाणं च पस्सेसु अतिक्कंतं च पच्छतो ॥ २९ ॥
20
25
30
१थीलाभो हं० त० ॥ २ णं पसत्थं हं० त० । णं सत्थं सि० ॥ ३ 4 एतच्चिह्नमध्यवर्ति पूर्वार्द्ध हं० त० नास्ति ॥ ४ उहितं णिव्वति हिटुं हं० त० ॥ ५ समुज्जगं हं० त० ॥ ६ एते सुपेक्खि हं० त० ॥ ७ उल्लोइतं सि० ॥ ८ ओलोइको व पु हं० त० ॥ ९ ओलोइतं हं० त०॥ १० जोगो हं० त० ॥ ११ ओलोइते दिग्धे मुप्फरितं हं० त० ॥ १२ विप्पवासं हं० त० सि० ॥ १३ पासंदाणं हं० त० ॥ १४ णिस्साति हं० त० विना ॥ १५ तं च हं० त० विना ॥ १६ विभासितं हं० त० ॥ १७ विप्पेक्खित दिसा हं० त० ॥ १८ पक्खित्तो पुरतो अत्थं अत्थं हं० त० ॥