________________
रिट्ठणे मिचरिउ
४८
[११]
ताह-मि अम्ह-वि तेण० अज्जु ण अंतरु तेण०। होउ णिसारणे तेण० वइ एक्कतरु तेण०॥
जिम ताहं जिमम्हहं जाव जउ जिम ताहं जिम्हहं पाण गय जिम ताहं जिमम्हहं वज्जाई जिम ताहं जिमम्हहं वइसणउं जिम ताहं जिमम्हहं चामरइं जिम ताहं जिमम्हहं सयल महि जिम ताहं जिमम्हहं भूय-चिहि
जिव ताहं जिम्हहं छत्तु धउ जिम ताहं जिमम्हहं रज्ज-मय जिम ताहं जिमम्हहं कज्जाइं जिम ताहं जिमम्हहं णीसरणउं जिम ताहं जिमम्हहं पुरवरई जिम ताहं जिमम्हहं परम दिहि जिम ताहं जिमम्हहं मरण-विहि
८
घत्ता
तो वोल्लइ दोणायरिउ कुरुवइ विहिं एक्कु करेवउं । जिम विणिवाइय पंडु-सुव जिम लग्गेवि परए मरेवउं ।।
[१२]] जाहि णराहिव तेण धीरु म छंडहि तेण०। वलई णियत्तिवि तेण० जुज्झु समंडहि तेण०॥
सण्णाहु ण मेल्लमि ताम पहु विणिवारिउ जाम ण असि-णिवहु दुज्जोहणु भीम-भुवंग-धउ सणि णावइ कण्णहो पासु गउ किह हम्मइ विद्धखत्तु भणउ जइ संमउ ण-वि दोणहो तणउ तो तिण्णि-वि भड पइसंति किह मयरहरु वियारेवि मयर जिह चंपाहिउ पभणइ थाउ मणे देव वि अ-देव पंडवहं रणे जगे णरहो धणुद्धरु को-वि णरु ण पुरंदरु जमु वइसवणु हरु ण-वि हउं ण-वि दोणु ण दोण-सुउ ण पियामहु णउ भयवत्तु हुउ सयल-वि पहरेवि णिय-थामे थिय विद्दविय के-वि के-वि वि-रह किय
Jain Education International
For Private & Personal Use Only
www.jainelibrary.org
