________________
अट्ठसट्ठिमो संधि
घत्ता गुणु दोहाइउ सच्चइहो हरि भीमज्जुणहं णियंतहं । कण्ण-धणुग्गय-पीडियहं को रक्खइ जीउ मरंतहं ।।
अवरु सरासणु तेण० लेवि तुरंतें तेण०। विद्ध थणंतरे तेण० रोस-फुरतें तेण ०॥
४
कण्णहो सव्वंगिउ भरिय सर णं कालहो-केरा आण-कर सारहि भल्लेण वियारिउ पेयाहिव-पुरे पइसारियउ चउ-भल्लेहिं तुरय-चउक्कु हउ तिहिं पाडिउ रहवर-कक्ख-धउ धणु छिण्णु भिण्णु देहावरणु णर वज्झु भणेप्पिणु पत्तु मरणु कुरुवइ स-रहेण ण वाहियउ सइणेउ ण केण-वि साहियउ तहिं अवसरे रहसुद्धाइयउ रहु लेवि सुमित्तु पराइयउ सो सिणि-णंदणहो समावडिउ दासारुहु दारुय-रहे चडिउ अत्थवणहो ताम पयंगु गउ कुरु दुम्मणु अवरहं जाहु खउ
घत्ता मं लग्गेसहि दुव्विसहु धगधगंतु णहयल-घरहो। रवि कोव-पलित्तु पयावइणा णं घत्तिउ पच्छिम-सायरहो।।
८
ताम विओयरु तेण० कह किरीडिहे तेण०
उम्मण-दुम्मणु तेण०। मसिवुण्णाणणु तेण०।।
चंपाहिउ चावहिं छिण्णएहिं महु गालि-सहासेहिं दिण्णएहिं जं मुट्ठिए हणेवि ण मारियउ तं पई किर थुथुक्कारियउ तिह करु जिह तोडहि सिर-कमलु विससेणु ण जीवइ जेम खलु तो णिरु परिवड्डिय-मच्छरेण पच्चारिउ अंगराउ णरेण
Jain Education International
For Private & Personal Use Only
www.jainelibrary.org
