________________
४०
रिट्ठणे मिचरिउ हउं सो सिंधव-णाहु ण वुज्झहि सव्व-परक्कमेण लइ जुज्झहि खंडवु दड्ड जेण सब्भावें कालकंज जिय जेण पयावें जेण णियत्तउ उत्तर-गोग्गहु जेण परक्कमेण किउ विग्गहु तेण परक्कमेण लइ वावरु णं तो इट्ठा-देवय संभरु पभणइ पत्थु कोवाणले चडियउ कहिं महु अज्जु जाहि कमे पडियउ तोणा-जुयले सिलीमुह जेत्तिय मेल्लि मेल्लि समरंगणे तेत्तिय
घत्ता कुरु पच्चारिउ अज्जुणेण ते तुम्हइं सो हउं एहु रणु । रक्खहो सीसु जयद्दहहो लइ धरहु सव्व मई एक्कु खणु ॥
[१२] एम भणेवि तोसिय-सुर-सत्थे सर चउसट्टि विसज्जिय पत्थें छिण्ण णहंगणे सिंधव-राएं सिल-धोएण वाण-संघाएं तिहिं गांडीउ विद्धु ण महा-गुणु छहिं णाराएहिं ताडिउ अज्जुणु अट्ठहिं घोडा अट्टहिं वाणरु पंचहिं रहु सएण दामोयरु सच्चइ सच्चवंतु चउवीसेहिं छाइउ भीमसेणु वत्तीसेहिं विहिं जुहवण्णु थणंतरे ताडिउ उत्तमोज्जु तिहिं कह-विण पाडिउ तो णरेण सारहि-सिरु ताडिउ कणय-वराह-चिंधु तमि तोडिउ चक्क-रक्ख हय रहवरु खंडिउ तुरय-चउक्कु वियारेवि छंडिउ
घत्ता वुच्चइ णरु णारायणेण पहरंतहं किज्जइ खेउ ण-वि। खुडहि जयद्दह-सिर-कमलु अत्थवणहो जाम ण जाइ रवि ।।
४
८
विद्धखत्तु णामेण मह-प्पहु दइवी वाणि समुट्ठिय जम्मणे जइ कयाइ धरणियले पलोट्टइ तो एं कारणेण रणे दुजय जो सुइणंतरे देवेहिं दिण्णउं
तासु पुत्तु इहु जाउ जयद्दहु आयहो सिरु छिज्जंतु रणंगणे तो हंतारहो सीसु विसट्टइ अंजलीउ सरु मेल्लि धणंजय अहि पच्छण्ण-वेसु अवइण्णउं
Jain Education International
For Private & Personal Use Only
www.jainelibrary.org
