________________
१९७
पंचासीइमो संधि
घत्ता भणइ जणद्दणु पणय-सिरु किं णरवइ गलिय-पयावउ। घाइउ कण्णु धणंजएण तउ आयउ हउं वद्धावउ॥
४
पणवेप्पिणु जय-जय-भायणेहिं वोल्लिज्जइ णर-णारायणेहिं जय णंद वद्ध वद्धावणउं कुरु-जंगलुभुंजहि अप्पणउं लइ जाहुं जुहिट्ठिलु पेक्खु रणु जहिं तावणि तोमर-तत्त-तणु तव-णंदणु पभणइ पणय-सिरु मयरहर-गहिर-रव-गहिर-गिरु महसूयण जाहं पसण्णु तुहुं ते अवसे णर पेक्खंति सुहु जहिं तुहुं तहिं सव्वइं मंगलइं जहिं तुहुं तहिं वसुमइ-मंडलई जहिं तुहुं तहिं दिहि कल्लाणु जउ जहिं तुहुं तहिं अवसें कुरुहुँ खउ मंतोसहि-पगुणीकिय-भुएण संणाहु लइज्जइ तव-सुएण
घत्ता जुत्त तुरंगम चडिउ रहे गउ णरवइ थोवाणियउ। चालिउ णर-णारायणेहिं णं मेरु महीहरु वीयउ॥
[८] जय कारिउ णरवइ णरवइहिं सिवि-सोमय-सिंजय-सच्चइहिं पंचालेहिं मच्छेहिं जायवेहिं । अवरेहिं अण्णणय-अवयवेहिं दक्खविउ कण्णु तव-णंदणहो णं सूरेहिं वित्तु सक्कंदणहो पाडिय-कवंधु उच्छलिय-सिरु णीसारिउ णाई तूसेवि रुहिरु जोइज्जइ कांइ वियत्तणहो जो गउ अवसाणु भडत्तणहो जसु सिरि ण सरीरहो ओसरइ मुह-कमलु कमल-कमला धरइ धणु जेण दिण्णु ओलग्गणहं ण धरिय णिय-पाण-वि मग्गणहं सिरु सामिहे देहु वसुंधरहो पूरंतु मणोरह हय हरिहो
Jain Education International
For Private & Personal Use Only
www.jainelibrary.org
