________________
छहत्तरिमो संधि .
घत्ता
गय-घड-अवसेस गय णव-वहु णाई
जमलहं पहर-भयंकरहं । णासइ दुप्पइ-देवरहं॥
अट्ट हत्थि सहएवहो धाइय अट्ट वि अढेहिं वाणेहिं घाइय एम महागय-साहणु मारेवि कण्णहो थिय धण-गुणु विप्फारेवि वामए करयले करेवि सरासणु णउलाणुवहो भिडिउ दूसासणु तिहिं तोमरेहिं थणंतरे ताडिउ तेण-वि तहो सरेण धणु पाडिउ भिडिय परोप्परु पुणु करवालेहिं णं वे घणावहिं विजुल-मालेहिं छिण्णइं खगई लइयई चावई जिह कुकलत्तइं वंक-सहावई सर चउसट्ठि मुक्क जुयराएं भिण्ण खणंतरे णउलहो भाएं दूसासणेण सरोहु विसज्जिउ तमि तिहिं तिहिं एक्केकु परजिउ
घत्ता दूसासणु भिण्णु भीमहो कए वि ण मारियउ। रह-सिहरे णिवण्णु णिय-सूएं ओसारियउ॥
८ ।
४
जं जुवराउ रणंगणे मुच्छिउ तं रवि-तणएं णउलु पडिच्छिउ वुच्चइ पंडवेण कुरु-पत्थहं
सव्वहं तुहं कत्तारु अणत्थहं थाहि थाहि कहिं जाहि रणंगणे पेक्खउ देवलोउ गयणंगणे पभणइ कण्ण तुज्झु ण वियट्टमि अंतरत्थु देहें असिट्टमि(?) भीमु-वि गजिउ भुय-वल-दप्पिउ णवर सरासण-कोडिउ चप्पिउ एम भणेवि तेहत्तरि मग्गण पेल्लिय रह उवगरणोलग्गण वीस चउक्क मुक्क मद्देएं छिण्ण दिवायर-सुएण सवेएं चिंधउ आयवत्तु विहिं ताडिउ अट्ठावीसहिं धणुवरु पाडिउ
८
Jain Education International
For Private & Personal Use Only
www.jainelibrary.org
