________________
रिट्टगेमिचरिउ
एक्के कियवम्मु स-मम्मु भिण्णु कह-कह-वि ण रण-देवयहो दिण्णु अवरेण विविझइ किउ णिरत्थु रिउ संकिय एहु अणेक्कु पत्थु दुम्मुहहो सरासणु किंउ दुखंडु अवरेक्कु लयउ जिह काल-दंडु तं छिण्णु कुमारे कुद्धरण सहु कवएं समउ महद्धरण
घत्ता दुम्मुह-सूयहो सीसु छिण्णु रणंगणे वाले। सरवरे र्ण सयवत्तु तोडेवि घित्त मराले ॥
[११] णइ-णंदणेण णर-णंदणासु समरंगणे पेसिउ सर-सहासु तं छिदइ भिदइ हणइ वालु णं खगवइ भीम-भुवंग-जालु तहिं तेहए काले विओयरेण - कुरु-जाउहाण-जमगोयरेण रवि-रहवर-विब्भम-रहवरेण इंदहणु-सम-प्पह-धणुधरेण तिहितिविहेहि तवण-समुज्जलेहि कियवम्महो अट्ठहिं आसुरहि किय एक्के दुम्मुहु वहु-विहेहि वारहहिं विविझइ जम-णिहेहि मद्दाहिउ विद्ध दसहिं सरेहिं तेण-वि ते तेत्तिय-तोमरेहि तहि अवसरे समर-भयंकरेण करि चोइउ सल्लहो उत्तरेण
धत्ता
जइ-वि जयंधु रउद्द पभणइ गरुवउ सत्तु
मणु संतावइ एंतउ । सोहइ दाणई देंतउ ॥
[१२]
सो करिवरु सुर-करिवर-समाणु घाइउ मदाहिवे वद्ध-लक्खु णं जलहरु परि उप्पण-देहु सिक्कार-भरिय-भुवर्णतरालु
कलहोय-णिवद्ध-महाविसाणु णं अंजण-गिरि उप्पण्ण-पक्खु मय-परिमल-मेलाविय-दुरेहु णक्खत्तोवम-णक्खत्त-मालु
Jain Education International
For Private & Personal Use Only
www.jainelibrary.org
