________________
अट्टचालीसमो संधि
सरेहिं णिरंतरु पूरियउ गंगा-गंदणु धरणि ण पावइ झत्ति पडतउ णहयलहो किरणेहिं धरिउ दिवायरु णावइ ॥१
[१] जं पडिउ पियामहु कुरुव-त्रीरु सायर-गंभीर गिरिंद-धीरु पलयग्गि-पयंग-समुग्ग-तेउ तं रहवर वाहेवि पवण-वेउ दूसासणु भीम-भएण ण? णं तक्खणे तक्खय-णाय-तट्ठ णं हरिणु-व हरिणाहिवहो चुक्कु णं गहवइ गह-मुह-गाह-मुक्कु कुरु-गुरुहे णिवेइय तेण वत्त लइ ताय पियामह-कह समत्त तं वयणु सुणेविणु भग्ग-घोणु ओणल्लु महारह सिहरे दोणु स-सरासण हत्थहो पडिय वाण परिरक्खिय मुच्छए कह-वि पाण किउ कम्मु सिहडिए रणे रउद्दउ रवि पाडिउ सोसहो णिउ समुद्दउ पल्लटिउ जगु मारिउ कयंतु लइ एवहिं चुक्कइ को जियतु ८
घत्ता
वज-खंभे जहिं होंति घुण जहिं अमर-वि मारिय मति । वइरु करेवि सहुं पंडवेहि तहिं अम्हारिस काई कति ॥ ९
[२] पंडव-कुरु संगरु पय? तेत्थु संतणु सर-सयणे णिवण्णु जेत्थु जल-धारा-घोरणि-धरिय-देहु वरिसंतु णिहालिउ णाई मेहु
Jain Education International
For Private & Personal Use Only
www.jainelibrary.org
